spot_img
Homeຂ່າວພາຍ​ໃນສະຫະພັນກຳມະບານລາວ ເລືອກຕັ້ງຄະນະບໍລິຫານງານຊຸດໃໝ່

ສະຫະພັນກຳມະບານລາວ ເລືອກຕັ້ງຄະນະບໍລິຫານງານຊຸດໃໝ່

Published on

888_8233.15.10.1

ຂປລ. ສູນກາງສະຫະພັນ​ກຳມະບານ​ລາວ ​ເລືອກ​ໄດ້​ຄະນະ​ບໍລິຫານ​ງານ ຊຸດ​ໃໝ່ ​ໃນ​ກອງ​ປະຊຸມ​ໃຫຍ່​ຜູ້​ແທນ​ສະຫະພັນ​ກຳມະບານ​ລາວ ທົ່ວ​ປະ​ເທດ ຄັ້ງ​ທີ VII ທີ່​ປິດ​ລົງ​ດ້ວຍ​ຜົນສຳ​ເລັດ​ອັນ​ຈົບງາມ ​ໃນ​ວັນ​ທີ 15 ຕຸລາ 2015 ນີ້, ຢູ່​ນະຄອນຫລວງ​ວຽງຈັນ.

ໃນ​​ກອງ​ປະຊຸມດັ່ງກ່າວ ​ໄດ້​ປ່ອນ​ບັດ​ຄັດ​​ເລືອກ​ເອົາ​ຄະນະ​ບໍລິຫານ​ງານ​ສະຫະພັນ​ກຳ​ມະ​ບານ​ລາວ ຊຸດ​ໃໝ່ ຈຳນວນ 49 ສະຫາຍ ​ເພື່ອ​ສືບ​ຕໍ່​ຊີ້​ນຳ-ນຳພາ​ ວຽກ​ງານ​ກຳມະບານ​ລາວ​ ໃນ​ຕໍ່ໜ້າ ​ໃນ​ນັ້ນ​ໄດ້​ເຫັນ​ດີ​ເປັນ​ເອກະພາບ​ກັນ​ເລືອກ​ເອົາ ທ່ານ ປ້ານ ນ້ອຍ​ມະນີ ​ເປັນ​ປະທານ​ສູນ​ກາງ​ສະຫະພັນ ກຳມະບານ​ລາວ, ທ່ານ ສີ​ມູນ ອຸ່ນ​ລາສີ ​ເປັນ​ຮອງ​ປະທານ ທັງ​ເປັນ​ປະທານ​ກວດກາ ​ແລະ ​ເລືອກ​ເອົາ ທ່ານ ຕົງ​ເຢຢາງ ຢັງ​ເຊັງ, ທ່ານ ວັນນາ ດວງ​ພະຈັນ ​ແລະ ທ່ານ​ນາງ ອາລີ ວົງ​ໜໍ່​ບຸນ​ທຳ ​ເປັນ​ຮອງ​ປະທານສູນ​ກາງ​ສະຫະພັນ​ກຳມະບານ​ລາວ.

ນອກ ​ນັ​້ນ, ​​ກອງ​ປະຊຸມ​ ຍັງໄດ້​ເຫັນ​ດີ​ເປັນ​ເອກະ​ພາບ​ກັນ​ຮັບຮອງ​ເອົາ​ບົດ​ລາຍ​ງານ​ການ​ເມືອງ ​ຂອງ​ຄະນະ​ບໍລິ​ຫານ​ງານ​ສູນ​ກາງ​ສະຫະພັນ​ກຳມະບານ​ລາວ​ສະ​ໄໝ​ ທີ VI, ຮັບຮອງ​ເອົາ​ແຜນ​ຍຸດ​ທະ​ສາ​ດ​ ໃນ​ການ​ພັດທະນາ​ອົງການ​ຈັດ​ຕັ້ງ​ແຕ່​ ນີ້​ຮອດ​ປີ 2020, ຮອດ​ປີ 2025 ​ແລະ ວິ​ໄສ​ທັດ​ຮອດ​ປີ 2030, ຮັບຮອງ​ເອົາ​ກົດ​ລະບຽບ​ ຂອງ​ສະຫະພັນ​ກຳມະບານ ສະບັບ​ປັບປຸງ​ໃໝ່ ​ແລະ ຜ່ານ​ເນື້ອ​​ໃນ​ຂໍ້​ແຂ່ງຂັນ 5 ​ເປັນ​ເຈົ້າ ​ຂອງ​ກຳມະບານລາວ ​ແລະ  ອື່ນໆ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...