ການເຮັດຕາມບຸກຄົນອື່ນອາດຈະບໍ່ແມ່ນສິ່ງທີ່ດີທີ່ສຸດຂອງບຸກຄົນນັ້ນສະເໝີໄປ ແຕ່ງານວິໄຈໃໝ່ແນະວ່າ ໄວລຸ້ນທີ່ໄປກັບໝູ່ເພື່ອນຂອງພວກເຂົາເລື້ອຍໆຈະມີສຸກຂະພາບທີ່ດີຂຶ້ນເມື່ອພວກເຂົາໃຫຍ່
ນັກວິທະຍາສາດຮູ້ວ່າ ຄວາມສຳພັນໃກ້ຊິດຂອງເພື່ອນສາມາດຊ່ວຍກະຕຸ້ນສຸກຂະພາບໄດ້ ຄົົນທີ່ຢູ່ຄົນດຽວມີແນວໂນ້ມທີ່ຈະເຈັບປ່ວຍໄດ້ງ່າຍກວ່າ ສິ່ງນີ້ເປັນເລື່ອງຈິງທັງໃນໄວລຸ້ນແລະໃນຜູ້ໃຫຍ່ ແລະຄົົນທີ່ເຮັດທຸກຢ່າງດ້ວຍຕົວເອງໂດຍບໍ່ໄດ້ຮັບແຮງກົດດັນອາດຈະຮູ້ສຶກເຖິງຄວາມບໍ່ພຶງພໍໃຈທາງອາລົມ ການຄົ້ນພົບໃນເທື່ອນີ້ເປັນແຮງບັນດານໃຈໃຫ້ Joseph Allen ແລະທີມວິໄຈຂອງພວກເຂົາເຮັດການສຶກສາພຶດຕິກຳຂອງໄວລຸ້ນ Allen ເປັນນັກຈິດວິທະຍາທີ່ University of Virginia ໃນ Charlottesville ທີມວິໄຈຂອງພວກເຂົາສົງໄສວ່າ ປະສົບການທີ່ເກີດຂື້ນໃນໄລຍະທີ່ຍັງເປັນໄວລຸ້ນອາດຈະມີຜົນກະທົບຕໍ່ສຸກຂະພາບໃນຕອນເປັນຜູ້ໃຫຍ່
ດັ່ງນັ້ນພວກເຂົາທຳການຕິດຕາມໄວລຸ້ນຈຳນວນກວ່າ 171 ຄົນ ໂດຍເລີ່ມຕິດຕາມຕັ້ງແຕ່ພວກເຂົາຍັງອາຍຸພຽງ 13 ປີ ພວກເຂົາທຳການສຳພາດແຕ່ລະຄົນໃນທຸກໆປີເປັນເວລາກວ່າຫ້າປີ ເດັກເຫລົ່ານີ້ເປັນໄວລຸ້ນຕົວຢ່າງທີ່ໃຊ້ໃນການສຶກສານີ້ ແຕ່ພວກເຂົາບໍ່ໄດ້ທຳການສຳພາດສະເພາະເຫລົ່າໄວລຸ້ນຕົວຢ່າງ ນັກວິທະຍາສາດຍັງໄດ້ເວົ້າກັບໝູ່ສະນິດຂອງໄວລຸ້ນຕົວຢ່າງອີກດ້ວຍ ໝູ່ຂອງພວກເຂົາຈະເປັນຄົນໃຫ້ຂໍ້ມູນເພີ່ມເຕີມກ່ຽວກັບຄຸນນະພາບຂອງຄວາມເປັນມິດ
Allen ແລະທີມວິໄຈຂອງພວກເຂົາມີຄວາມສົງໄສກ່ຽວກັບຄວາມສຳພັນລະຫວ່າງໝູ່ເພື່ອນຂອງໄວລຸ້ນຕົວຢ່າງແຕ່ລະຄົນ ເດັກໄວລຸ້ນຈະຖືກຖາມດ້ວຍຄຳຖາມເຊີງບວກແລະເຊີງລົບກ່ຽວກັບຄວາມສຳພັນລະຫວ່າງໝູ່ເພື່ອນ ນັກວິທະຍາສາດຍັງຖາມໝູ່ຂອງພວກເຂົາອີກວ່າ ກຸ່ມໄວລຸ້ນຕົວຢ່າງນັ້ນມີແນວໂນ້ມທີ່ຈະໄປກັບໝູ່ເພື່ອນຫລາຍຊ່ຳໃດ ຫລືຮູ້ສຶກຕໍ່ຕ້ານທີ່ຈະເຮັດໃນສິ່ງທີ່ກ່ຽວຂ້ອງກັບຕົວພວກເຂົາຫລືບໍ່ຢ່າງໃດ
ກຸ່ມໄວລຸ້ນທັງ 171 ຄົນຈະຖືກສຳພາດອີກເທື່ອໜຶ່ງເມື່ອພວກເຂົາເປັນຜູ້ໃຫຍ່ ຊຶ່ງຈະມີອາຍຸເກືອບ 25-27 ປີ ໃນເວລານີ້ ຄຳຖາມທີ່ຖາມຈະເປັນການກວດສອບສຸກຂະພາບໂດຍທົ່ວໄປຂອງແຕ່ລະບຸກຄົນ ເມື່ອນັກວິໄຈທຳການວິເຄາະຜົນ ພວກເຂົາພົບວ່າມັນມີຄວາມສຳພັນທີ່ເຫັນເດັ່ນແຈ້ງຫລາຍລະຫວ່າງພຶດຕິກຳຂອງໄວລຸ້ນກັບສຸກຂະພາບໃນຕອນເປັນຜູ້ໃຫຍ່ ໄວລຸ້ນທີ່ມີໝູ່ສະນິດທີ່ໃຫ່ຍມານຳກັນຈະມີສຸກຂະພາບທີ່ແຂງແຮງ ການສຶກສາໃນເທື່ອນີ້ຕີພິມໃນວາລະສານທາງວິຊາການແຫ່ງຊາດ Psychological Science ເມື່ອວັນທີ່ 19 ສິງຫາ
ການສຶກສາຍັງພົບອີກດ້ວຍວ່າ ໄວລຸ້ນທີ່ເຮັດຕາມໃນສິ່ງທີ່ໝູ່ຂອງພວກເຂົາຕ້ອງການແທນທີ່ຈະເຮັດໃນສິ່ງທີ່ແຍກຕົວອອກຫ່າງຈະມີສຸກຂະພາບທີ່ດີໃນຕອນເປັນຜູ້ໃຫຍ່ດ້ວຍ
“ການຕິດຕາມໄປກັບເພື່ອນອາດຈະເປັນຂໍ້ດີ” Allen ກ່າວ ແຕ່ມັນກໍຍັງມີຂໍ້ເສຍດ້ວຍເຊັ່ນກັນ ໄວລຸ້ນທີ່ມີຄວາມເປັນຕົວຂອງຕົວເອງສູງມີແນວໂນ້ມທີ່ຈະເຮັດສິ່ງດີໆໃນໂຮງຮຽນແລະທີ່ເຮັດວຽກ ແລະການໄດ້ຮັບແຮງກົດດັນ (ແຮງກົດດັນທີ່ມາຈາກໝູ່ເພື່ອນແລະຕ້ອງເຮັດຕາມເພື່ອນ) ອາດຈະນຳໄປສູ່ການເຂົ້າຫາພຶດຕິກຳສ່ຽງເຊັ່ນ ການສູບບຸຢາ ການດື່ມເຫລົ້າແລະການໃຊ້ຢາໄດ້