ສຳນັກຂ່າວຮອຍເຕີລ໌ລາຍງານວ່າ ສ.ປ.ປ ລາວ ກຳລັງເດືອດຮ້ອນໃນເລື່ອງຂອງເຊື້ອໂປລິໂອສາຍພັນວັກຊີນ (Vaccine Derived Poliovirus, VDPV) ເນື່ອງຈາກມື້ວັນຈັນທີ່ຜ່ານມາ ອົງການອະນາໄມໂລກ ລາຍງານຜົນເຖິງຄວາມລົ້ມເຫລວໃນແຜນການກຳຈັດພະຍາດພິການລະດັບໂລກ ໂດຍກ່ອນໜ້ານີ້ຫາກໍ່ມີລາຍງານວ່າໄວຣັດໂປລິໂອຟື້ນຄືນຊີບກັບມາອີກເທື່ອໜື່ງ
WHO ເປີດເຜີຍວ່າ ເດັກຊາຍອາຍຸ 8 ປີທີ່ເສຍຊີວິດເມື່ອວັນທີ່ 11 ກັນຍາທີ່ຜ່ານມາ ມີຜົນການກວດທາງພັນທຸກຳທີ່ສະແດງໃຫ້ເຫັນວ່າ ສາຍພັນໄວຣັດໂປລິໂອທີ່ມີການກາຍພັນນີ້ໄດ້ແພ່ກະຈາຍຢູ່ໃນແຂວງບໍລິຄຳໄຊ (Bolikhamxay) ຊຶ່ງເປັນພື້ນທີ່ທີ່ມີອັດຕາພູມຄຸ້ມກັນຕ່ຳມາດົນກວ່າ 2 ປີ
ແຄມເປນການສີດວັກຊີນມີຂຶ້ນທົ່ວໂລກ ແຕ່ກໍຍອມແພ້ໃຫ້ກັບໄວຣັດໂປລິໂອສາຍພັນ wild poliovirus ( WPV) ທີ່ປາກີສະຖານແລະອັບການິດສ໌ຖານ ຊຶ່ງມີລາຍງານການຕິດເຊື້ອໄວຣັດໃນປີນີ້
ຜູ້ຊ່ຽວຊານເຕືອນວ່າ ເຊື້ອໂປລິໂອສາຍພັນວັກຊີນອາດຈະເປັນອຸປະສັກຕໍ່ການກຳຈັດພະຍາດລະບາດນີ້ທົ່ວໂລກ
ສ.ປ.ປ ລາວ ປອດເຊື້ອໄວຣັດໂປລິໂອສາຍພັນ wild strain ຕັ້ງແຕ່ປີ 1993 ແຕ່ເຖິງຢ່າງໃດອັດຕາພູມຄຸ້ມກັນໃນປະຊາກອນຢູ່ໃນລະດັບຕ່ຳ ຊຶ່ງໝາຍຄວາມວ່າ ປະຊາກອນຈະມີຄວາມສ່ຽງຕໍ່ການຕິດເຊື້ອກາຍພັນນີ້ໄດ້ຈາກຂອງເສຍທີ່ຖືກຂັບຖ່າຍອອກມາ