ສຳນັກຂ່າວຕ່າງປະເທດ ລາຍງານໃນວັນທີ 14 ຕຸລານີ້ວ່າ ສຳນັກວິໄຈ National Consortium for the Study of Terrorism and Responses to Terrorism (START) ຂອງມະຫາວິທະຍາໄລແມຣິແລນ (UMD) ໄດ້ເປີດເຜີຍຜົນການວິໄຈວ່າ ໃນປີ 2014 ຜ່ານມາ ເກີດເຫດການໂຈມຕີກໍ່ການຮ້າຍເພີ່ມສູງຂຶ້ນເຖິງ 16,882 ຄັ້ງໃນທົ່ວໂລກ ຊຶ່ງເພີ່ມຂຶ້ນເຖິງ 9 ເທົ່າ ນັບຕັ້ງແຕ່ລັດຖະບານສະຫະລັດອາເມຣິກາ ພາຍໃຕ້ການນຳຂອງ ອະດີດປະທານາທິບໍດີ ຈ໊ອດ ດັບເບິນຢູ ບຸດ ປະກາດເຮັດສົງຄາມຕໍ່ຕ້ານການກໍ່ການຮ້າຍເມື່ອປີ 2001 ທີ່ມີພຽງ 1,882 ຄັ້ງ.
ທັງນີ້ ຂໍ້ມູນຈາກຜົນການສຶກສາດັ່ງກ່າວໄດ້ພົບວ່າ ປະເທດອີຣັກ, ຊີຣີ, ປາກີສະຖານ, ອັບການິສະຖານ ແລະ ເນຊີຣີ ແມ່ນຖືເປັນ 5 ປະເທດທີ່ມີການໂຈມຕີໂດຍກຸ່ມກໍ່ການຮ້າຍລວມກັນສູງເຖິງ 80% ຂອງເຫດການໂຈມຕີໃນທົ່ວໂລກ.
