ກ່ອນ​ໜ້າ​ນີ້​ມີ​ຂ່າວ​ຫລຸດ​ຂໍ້​ມູນ Magic Mouse 2 ແລະ Wireless Keyboard ຕົວ​ໃໝ່​ຈາກ Apple  ແລະ​ຫລ້າ​ສຸດ Apple  ໄດ້​ເປີດ​ຕົວ Magic Keyboard, Magic Mouse 2 ແລະ Magic Trackpad 2 ໂດຍ​ຜະລິດຕະພັນ​ທຸກ​ອັນ​ຈະ​ປ່ຽນ​ໄປ​ໃຊ້​ແບດ​ເຕີ​ຣີ່ແທນ​ການ​ໃສ່​ຖ່ານ ຊຶ່ງ​ວິທີ​ການ​ສາກກໍ່ຈະໃຊ້​ສາຍ Lightning ສຽບ​ສາກ​ຈະ​ກັບ Mac ໂດຍ​ແບດ​ເຕີ​ຣີ່​ຈະ​ຢູ່​ໄດ້​ປະ​ມານ 1 ເດືອນ​ຕໍ່​ການ​ສາກ 1 ເທື່ອ ໂດຍ​ອຸປະກອນ​ແຕ່​ລະ​ລຸ້ນ​ມີ​ການ​ປ່ຽນ​ແປງ​ດັ່ງ​ນີ້

Magic Keyboard ເປັນ​ຄີ​ບອ​ດ​ແບບ full-size ດີ​ໄຊນ໌​ໃໝ່ ໃຊ້​ພື້ນ​ທີ່​ໜ້ອຍ​ລົງ 13% ສ່ວນ​ຕົວ​ແປ້ນ​ພິມ​ເປັນ scissor mechanism ແບບ​ໃໝ່ ຂາຍ​ທີ່​ລາ​ຄາ 99 ດອນ​ລາ

Magic Mouse 2 ຈະ​ເບົາ​ກວ່າ​ລຸ້ນ​ເກົ່າ ແຂງ​ແຮງ​ຂຶ້ນ ແລະ ​ປັບປຸງ​ດີ​ໄຊນ໌​ຜິວ​ສຳ​ຜັດ​ໃໝ່​ເພື່ອ​ເຮັດໃຫ້​ການ​ເລື່ອນ​ເມົາ​ສະດວກ ຂາຍ​ທີ່​ລາ​ຄາ 79 ດອນ​ລາ

Magic Trackpad 2 ມີ​ພື້ນ​ທີ່​ໃຫຍ່​ກວ່າ​ເກົ່າ 29% ແລະ​ ຮອງ​ຮັບ Force Touch ຂາຍ​ທີ່​ລາ​ຄາ 129 ດອນ​ລາ