spot_img
Homeຂ່າວການພັດທະນາ ກະຊວງສາທາລະນະສຸກ ຫາລື​ຄຸ້ມ​ຄອງ​ການ​ບໍລິການ​ຂອງຄລີ​ນິກ ​ແລະ ​ໂຮງໝໍ​ເອກ​ກະ​ຊົນ

ກະຊວງສາທາລະນະສຸກ ຫາລື​ຄຸ້ມ​ຄອງ​ການ​ບໍລິການ​ຂອງຄລີ​ນິກ ​ແລະ ​ໂຮງໝໍ​ເອກ​ກະ​ຊົນ

Published on

clinic

ວັນ​ທີ 9 ຕຸລາ​ນີ້, ຢູ່ກົມ​ປິ່ນປົວ, ກະຊວງ​ສາທາລະນະ​ສຸກ ​ໄດ້​ຈັດ​ກອງ​ປະຊຸ​ມປຶກສາ​ຫາລື​ການ​ຄຸ້ມ​ຄອງ​ການ​ບໍລິການ​ຂອງຄລີ​ນິກ ​ແລະ ​ໂຮງໝໍ​ເອກະ​ຊົນ​ຂຶ້ນ, ​ໂດຍ​ການ​ເປັນ​ປະທານ​ຂອງ​ທ່ານ​ຮອງ​ສາດສະດາຈານ ດຣ. ບຸນ​ກອງ ສີ​ຫາ​ວົງ ລັດຖະມົນຕີ​ຊ່ວຍ​ວ່າການ​ກະຊວງ​ສາທາລະນະ​ສຸກ ມີ​ບັນດາ ພາກສ່ວນ​ກ່ຽວຂ້ອງ ​ແລະ ຜູ້​ປະກອບ​ການ​ດ້ານ​ຄລີ​ນິກ​ໃນ​ນະຄອນຫລວງ​ວຽງຈັນ​ເຂົ້າ​ຮ່ວມ.

ເພື່ອ​ປຶກສາ​ຫາລື​ກ່ຽວ​ກັບ​ການ​ເຄື່ອນ​ໄຫວ​ຂອງຄລີນິກ ແລະ ໂຮງໝໍເອກະຊົນ​ໃນ​ໄລຍະ​ຜ່ານ​ມາ, ​ໂດຍ​ສະ​ເພາະ​ວຽກ​ງານ​ການ​ຄຸ້ມ​ຄອງ​ການ​ບໍລິການ​ຂອງຄລິ​ນິກ ​ແລະ ​ໂຮງໝໍ​ເອກ​ກະ​ຊົນ ​ແລະ ວາງ​ທິດ​ທາງ​ແຜນການ​ໃນ​ຕໍ່ໜ້າ, ຢ່າງ​ໃດ​ກໍ​ດີ​ໄລຍະ​ຜ່ານ​ມາ​ພັກ ​ແລະ ລັດຖະບານ​ໄດ້​ເອົາ​ໃຈ​ໃສ່​ເສີມ​ຂະຫຍາຍ​ການ​ລິ​ການ​ປິ່ນປົວ​ສຸຂະພາບ​ໃຫ້​ທົ່ວ​ເຖິງ ​ແລະ ຄຸນ​ນະພາ​ບ, ດັ່ງ​ນັ້ນ ພວກ​ເຮົາ​ຈຳ​ເປັນ​ຕ້ອງ​ໄດ້​ມີ​ການ​ປະສານ​ສົມທົບ​ກັນ​ລະຫວ່າງ​ພາກ​ລັດ ​ແລະ ພາກ​​ເອກະ​ຊົນ ​ເຮັດ​ໃຫ້ການ​ບໍລິການ​ມີ​ຄຸນ​ນະພາ​ບດີ​ຂຶ້ນ ​ແລະ ສາມ​າດຕອບ​ສະໜອງ​ໄດ້​ຕາມ​ຄວາມ​ຮຽກຮ້ອງ​ຕ້ອງການ​ຂອງ​ສັງຄົມ​ໃນ​ປັດຈຸບັນ. ດັ່ງ​ນັ້ນ ມັນ​ມີ​ຄວາມ​ຈໍາ​ເປັນ​ຢ່າງ​ຍິ່ງ​ທີ່​ຈະ​ຕ້ອງ​ໄດ້​ປັບປຸງ​ພື້ນຖານ​ໂຄງ​ລ່າງ​ດ້ານ​ການ​ບໍລິການ​, ນັບ​ແຕ່​ຂອດ​ການ​ຮັບ​ຕ້ອນ, ການ​ປິ່ນປົວ, ບຸກຄະລາ​ກອນ, ​ເຄື່ອງ​ມື​ເຕັກ​ໂນ​​ໂລ​ຊີ ລວມ​ເຖິງ​ຄ່າ​ບໍລິການ​ຕ່າງໆ ຕ້ອງ​ມີ​ຄຸນ​ນະພາ​ບ ​ແລະ ຢູ່​ໃນ​ຄວາມ​ເໝາະ​ສົມ​ຕາມ​ຫລັກ​ຈັນ​ຍາ​ບັນ, ຈັນຍາທຳ​ຂອງ​ແພດ​ໝໍ.

ທ່ານ​ລັດຖະມົນຕີ​ຊ່ວຍ​ ກ່າວ​ວ່າ: ບັນດາ​ຄລີ​ນິກ ​ແລະ ​ໂຮງໝໍ​ເອກະ​ຊົນ ທີ່​ໄດ້​ຮັບ​ສ້າງ​ຕັ້ງ​ຂຶ້ນ ຕ້ອງ​ດຳ​ເນີນ​ກິດຈະການ​ພາຍ​ໃຕ້​ລະບຽບ​ການ​ຄຸ້ມ​ຄອງ​ຂອງ​ກະຊວງ​ສາທາລະນະ​ສຸກ ​ແລະ ປະຕິບັດ​ແນວທາງ​ທີ່​ກະຊວງ​ສາທາ ລະນະ​ສຸກ​ວາງ​ອອກ​ຢ່າງ​ເຂັ້ມ​ງວດ​ເປັນ​ຕົ້ນ​ ຕ້ອງ​ພັດທະນາ​ຕົນ​ເອງ​ໃຫ້​ມີ​ຄວາມ​ທັນ​ສະ​ໄໝ​ກ້າວໜ້າ, ບໍ່​ແບ່ງ​ແຍກ​ການ​ປິ່ນປົວ​ລະຫວ່າງ​ຜູ້​ທຸກ​ກັບ​ຜູ້​ຮັ່ງ, ບໍ່​ໄຈ້​ແຍກ​ລະຫວ່າງ​ຊົນ​ເຜົ່າ-ສາສະໜາ, ຕ້ອງ​ມີ​ຄວາມ​ຍຸຕິ​ທຳ, ມີ​ຄວາມ​ສະ​ເໝີ​ພາບ​ໂປ່​ງ​ໃສ ​ແລະ ມີ​ຄຸນ​ນະພາ​ບ. ດັ່ງ​ນັ້ນ ກອງ​ປະຊຸມ​ຄັ້ງ​ນີ້ ​ແມ່ນ​ມີ​ຄວາມ​ສຳຄັນ​ຫລາຍ, ​ຊຶ່ງ​ບັນດາ​ຄລີ​ນິກ ​ແລະ ຫ້ອງ​ກວດ​ພະຍາດ​ຈະ​ໄດ້​ເຊື່ອມ​ຊຶມ​ຄືນ​ກົດໝາຍ​ການ​ປິ່ນປົວ ​ແລະ ດຳລັດ​ຕ່າງໆ, ​ເພື່ອ​ຈະ​ນຳ​ໄປ​ປັບປຸງ​ແກ້​ໄຂ​ຂອດ​ການ​ບໍລິການ​ຂອງ​ຕົນ​ໃຫ້​ຖືກຕ້ອງ​ຕາມ​ແນວທາງ​ນະ​ໂຍບາຍ ກໍ​ຄື​ຈັນ​ຍາ​ບັນ​ຂອງ​ແພ​ດໝໍ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...