ສຳນັກຂ່າວຕ່າງປະເທດລາຍງານໃນວັນທີ 12 ຕຸລານີ້ວ່າ ເຈົ້າຊາຍໂມຮຳໝັດ ບິນ ຊັນມານ ຮອງມຸງກຸດຣາຊະກຸມານ ແລະ ລັດຖະມົນຕີປ້ອງກັນປະເທດແຫ່ງອາຣັບບີ ຊາອຸດິດ ໄດ້ເດີນທາງເຂົ້າພົບກັບ ປະທານາທິບໍດີ ວະລາດິເມຍ ປູຕິນ ແຫ່ງຣັດເຊຍໃນມື້ວານນີ້ (11 ຕຸລາ) ທີ່ເມືອງໂຊຊິ ປະເທດຣັດເຊຍ ເພື່ອປຶກສາຫາລືທາງການເມືອງ ໃນການຫາວິທີຢຸດຕິສົງຄາມໃນຊີຣີ ຫລັງຈາກທີ່ຣັດເຊຍໄດ້ເຂົ້າມາມີບົດບາດໃນການໂຈມຕີກຸ່ມລັດອິດສະລາມ ຫລື ໄອເອັສ ໃນປະເທດຊີຣີໃນທ້າຍເດືອນກັນຍາຜ່ານມາ.
ທັງສອງຝ່າຍໄດ້ຢືນຢັນວ່າ ອາຣັບບີ ຊາອຸດິດ ແລະ ຣັດເຊຍ ມີຈຸດໝາຍດຽວກັນໃນບັນຫາຊີຣີ ໂດຍສິ່ງທີ່ສຳຄັນທີ່ສຸດກໍຄື ຈະປ່ອຍໃຫ້ກຸ່ມລັດອິດສະລາມກໍ່ການຮ້າຍ ເຂົ້າມາຄອບຄອງຊີຣີບໍ່ໄດ້.