ມະນຸດເຮົາບໍ່ໄດ້ມີກ້າມເນື້ອທີ່ແຂງແກນຈົນຍົກຂອງໜັກໆໄດ້ທຸກຄົນ ໂດຍສະເພາະຄົນທີ່ບໍ່ສະບາຍຄວາມສາມາດນີ້ຈະຫຼຸດລົງໄປຢ່າງເຫັນໄດ້ຊັດດ້ວຍເຫດນີ້ທາງນັກສຶກສາວິສາວະກຳສາດຈຳນວນ 4ຄົນ ຈຶ່ງໄດ້ຄິດປະດິດແຂນກົນທີ່ມີຊື່ວ່າ Titan Armຂຶ້ນມາ
Titan Armຕົວຕ້ົນແບບນີ້ໃຊ້ຊິ້ນສ່ວນທີ່ພິມຈາກເຄື່ອງພິມສາມມິຕິ, ເຄື່ອງຈັກທີ່ຄວບຄຸມໂດຍຄອມພິວເຕີ ແລະ ຊອບແວອອກແບບໃນລາຄາຄ່າວັດຖຸດິບຢູ່ທີ່ $2.000 ເຊິ່ງຖືວ່າຕ້ົນທຶນຖືກກວ່າແຂນກົນexoskeletonທີ່ມີຂາຍໃນຕະຫຼາດເຖິງ 50ເທ່ົາອຸປະກອນຕົວນີ້ມີລັກສະນະຄືກັບເປ້ສະພາຍຫຼັງເຊື່ອມຕ່ໍກັບແຂນຫຸ່ນຍົນຢູ່ຂ້ໍດີຂອງການອອກແບບຄືຊ່ວຍຮັກສາທ່າທາງຂອງຜູ້ໃສ່ໃຫ້ຕັ້ງຊື່ ແລະປ້ອງກັນອາການບາດເຈັບທີ່ກ່ຽວກັບຫຼັງໃນສ່ວນຂອງແຂນກົນມັນຊ່ວຍໃຫ້ຜູ້ໃສ່ສາມາດຍົກຂອງໜັກ 40 ປອນ (ປະມານ 18.144 ກິໂລກຼາມ) ໂດຍທ່ານບໍ່ຕ້ອງຟິດກ້າມເນື້ອ(ນ້ຳໜັກສູງສຸດທີ່ແຂນກົນນີ້ຍົກຂຶ້ນນັ້ນສາມາດປັບແຕ່ງໃຫ້ຍົກໄດ້ຫຼາຍກວ່ານີ້ໄດ້ອີກຖ້າຕ້ອງການ ແຕ່ເທ່ົານີ້ກໍ່ເຫຼືອເຟືອສຳລັບງານທົ່ວໄປແລ້ວ)ນັ້ນໝາຍຄວາມວ່າມັນເອົາມາໃຊ້ໄດ້ທັງເລື່ອງງານຍົກຂອງລວມເຖິງນຳມາໃຊ້ທຳກາຍະພາບບຳບັດໂດຍແຂນນີ້ຈະຊ່ວຍປ້ອງກັນປັນຫາທີ່ເກີດຈາກການຂະຍັບທ່າເດີມຊ້ຳໆເປັນເວລານານຢ່າງເຊ່ັນ ການກ້ົມລົງຍົກຂອງໜັກໆ ທີ່ເມື່ອຍົກເລື່ອຍໆ ຈະເຮັດໃຫ້ໝົດແຮງແລ້ວຍັງສ່ຽງຕ່ໍການບາດເຈັບຂອງກ້າມເນື້ອ ແລະ ຮ່າງກາຍເຊິ່ງບາງບັນຫາອາດຈະເກີດອາການເຣື້ອຣັງສ່ົງຜົນໃນໄລຍະຍາວການຟື້ນຟູຮ່າງກາຍທ່ອນເທິງໃຫ້ຫາຍຈາກອາການບາດເຈັບຈະງ່າຍຂຶ້ນເມື່ອໃຊ້ແຂນກົນນີ້ເພາະມັນໃສ່ເຊັນເຊີຄອຍກວດຈັບການເຄື່ອນໄຫວເຊິ່ງນັກກາຍະພາບບຳບັດສາມາດຕິດຕາມຂ້ໍມູນລະຫວ່າງການຟື້ນຟູໄດ້ນອກຈາກນີ້ຂ້ໍຕ່ໍທີ່ເພິ່ມຂຶ້ນມາຍັງຊ່ວຍວັດແຮງຕ້ານທານ ແລະ ຊ່ວຍນຳມາໃຊ້ໃນງານວິໄຈເພື່ອການຮັກສາໂລກໃນອະນາຄົດທາງຜູ້ສ້າງຫວັງວ່າການສ້າງເຄື່ອງມືຊ່ວຍເຫຼືອໃນຕ້ົນທຶນທີ່ຕ່ຳລົງຈະຊ່ວຍເພີ່ມທັງຜົນຜະລິດດ້ານການເຮັດວຽກ ແລະ ຄວາມສາມາດທາງກາຍະພາບໃຫ້ກັບຜູ້ປ່ວຍໂລກຕ່າງໆນັບລ້ານຄົນທົ່ວໂລກນອກຈາກນີ້ແບັດເຕີຣີສາມາດເຮັດວຽກໄດ້ຕ່ໍເນື່ອງ8ຊົ່ວໂມງດ້ວຍການຊາກໄຟພຽງຄັ້ງດຽວ ນັ້ນຈຶ່ງເຮັດໃຫ້ Titan Armຄວ້າລາງວັນ ”ingenious design”ພ້ອມເງິນ $45,000 ເພື່ອນຳໄປໃຊ້ເປັນທຶນພັດທະນາເພື່ອນຳມາຜະລິດ