ກາລາມະສູດຫຼັກແຫ່ງຄວາມເຊື່ອ 10 ປະການ ທີ່ພະພຸດທະເຈົ້າສະແດງໄວ້

ກາລາມະສູດ ຄື ພະສູດທີ່ພະພຸດທະເຈົ້າ ຊົງສະແດງແກ່ຊາວກາລາມະສູດ ບ້ານເກສະປຸດຕິນິຄົມ ແຄວ້ນໂກສົນ. ກາລາມະສູດເປັນຫຼັກແຫ່ງຄວາມເຊື່ອ ທີ່ພະພຸດທະເຈົ້າຊົງວາງໄວ້ ໃຫ້ແກ່ພຸດທະສາສະນິກະຊົນ ບໍ່ໃຫ້ເຊື່ອສິ່ງໃດໆ ຢ່າງງົມງວາຍໂດຍບໍ່ໃຊ້ປັນຍາພິຈາລະນາ ໃຫ້ເຫັນຈິງເຖິງຄຸນໂທດຫຼືດີບໍ່ດີ ກ່ອນເຊື່ອ ມີຢູ່ 10 ປະການ ໄດ້ແກ່:

ມາ ອະນຸດສະວະເນນະ – ຢ່າຟ້າວເຊື່ອໂດຍຟັງຕໍ່ກັນມາ

ມາ ປະຣັມປະຣາຍະ – ຢ່າຟ້າວເຊື່ອ ໂດຍຖືວ່າເປັນຂອງເກົ່າເລົ່າຕໍ່ໆ ກັນມາ

ມາ ອິຕິກິຣາຍະ – ຢ່າຟ້າວເຊື່ອເພາະຂ່າວເລົ່າລື

ມາ ປິຕະກະສັມປະທາເນນະ – ຢ່າຟ້າວເຊື່ອໂດຍອ້າງຄຳພີຫຼືຕຳລາ

ມາ ຕັກກະເຫຕຸ – ຢ່າຟ້າວເຊື່າອໂດຍຄິດເດົາເອົາເອງ

ມາ ນະຍະເຫຕຸ – ຢ່າຟ້າວເຊື່ອໂດຍຄິດຄາດຄະເນອະນຸມານເອົາ

ມາ ອາກາຣະປະຣິວິຕັກເກນະ – ຢ່າຟ້າວເຊື່ອໂດຍຕຶກຕອງເອົາ ຕາມອາການທີ່ປາກົດ

ມາ ທິດຖິນິດຊານັກຂັນຕິຍາ – ຢ່າຟ້າວເຊື່ອເພາະເຫັນວ່າ ຖືກກັບຄວາມເຫັນຂອງຕົນ

ມາ ພັບພະຣູປະຕາ – ຢ່າຟ້າວເຊື່ອວ່າຜູ້ເວົ້າຄວນເຊື່ອໄດ້

ມາ ສະມະໂນ ໂນ ຄະຣູຕິ – ຢ່າຟ້າວເຊື່ອວ່າຜູ້ເວົ້ານັ້ນ ເປັນຄູຂອງເຮົາ

ເມື່ອໃດສອບສວນຈົນຮູ້ໄດ້ດ້ວຍຕົນເອງວ່າ… ທຳເຫຼົ່ານັ້ນເປັນອະກຸສົນ ຫຼືມີໂທດເມື່ອນັ້ນຈົ່ງວາງເສີຍ ແລະເມື່ອໃດສອບສວນຈົນຮູ້ໄດ້ດ້ວຍຕົນເອງວ່າ ທຳເຫຼົ່ານັ້ນເປັນກຸສົນຫຼືບໍ່ມີໂທດ ເມື່ອນັ້ນຈົ່ງຖືປະຕິບັດ.

ປັດຈຸບັນແນວຄິດແລະຫຼັກສູດທີ່ສອນ ໃຫ້ຄົນມີເຫດຜົນບໍ່ຫຼົງເຊື່ອງົມງວາຍ ໃນທຳນອງດຽວກັບຄຳສອນ ຂອງພະພຸດທະອົງເມື່ອ 2500 ປີກ່ອນ ໄດ້ຮັບການບັນຈຸເປັນວິຊາບັງຄັບ ວ່າດ້ວຍການສ້າງທັກສະການຄິດ ຫຼືທີ່ເອີ້ນວ່າ “ການຄິດເຊິງວິຈານ” (Critical thinking) ໄວ້ໃນຂະບວນການຮຽນຮູ້ ໃນມະຫາວິທະຍາໄລຂອງ ປະເທດທີ່ພັດທະນາແລ້ວ.

ຈາກວິກິພີເດຍ ສາລານຸກົມເສລີ