ອົງການນາຊ່າ ເຜີຍ ຈະມີດາວເຄາະນ້ອຍຂະໜາດ 1/4 ຂອງພູເຂົາເອເວີລ໌ເຣດຕ໌ ຜ່ານໂລກດ້ວຍຄວາມໄວຫລາຍກວ່າ 64,300 ກິໂລແມັດ/ຊົ່ວໂມງ ພາຍໃນ 48 ຊົ່ວໂມງນີ້ ຫລືໃນວັນເສົານີ້ (10 ຕຸລາ) ພ້ອມຢືນຢັນ ບໍ່ເປັນອັນຕະລາຍຕໍ່ໂລກ
ເມື່ອວັນທີ່ 8 ຕຸລາ ເວັບໄຊຕ໌ເດຣີ່ສະຕາລ໌ ເຜີຍລາຍງານຈາກອົງການບໍລິຫານການບິນ ແລະ ອາວະກາດແຫ່ງຊາດ ຫລື ນາຊ່າ ວ່າ ພົບດາວເຄາະນ້ອຍຊື່ວ່າ 86666 ຊຶ່ງຕາມການວັດແບບຄາດເດົາວ່າມີຂະໜາດຢູ່ທີ່ລະຫວ່າງ 1,120 – 2,570 ແມັດ ປຽບທຽບໃຫຍ່ເທົ່າກັບ 1 ໃນ 4 ຂອງພູເຂົາເອເວີລ໌ເຣດຕ໌ ກຳລັງຈະຜ່ານໂລກດ້ວຍຄວາມໄວ ຫລື 64,300 ກິໂລແມັດ/ຊົ່ວໂມງ ນັບວ່າເປັນໜຶ່ງໃນດາວເຄາະນ້ອຍທີ່ມີຂະໜາດໃຫຍ່ທີ່ສຸດທີ່ເຄື່ອນຕົວເຂົ້າໃກ້ໂລກໃນໄລຍະທີ່ຜ່ານມານີ້
ດ້ານນັກດາລາສາດກຳລັງເບິ່ງວັດຖຸດັ່ງກ່າວຢ່າງໃກ້ຊິດ ໂດຍຄາດວ່າຈະເຄື່ອນຕົວຜ່ານໂລກຢ່າງປອດໄພໃນວັນເສົາ (10 ຕຸລາ) ນອກນີ້ທາງນາຊ່າເຜີຍວ່າ ດາວເຄາະນ້ອຍດວງນີ້ຈະຜ່ານໂລກທີ່ໄລຍະຫ່າງໄກອອກໄປກວ່າຫລາຍ ຈຶ່ງບໍ່ມີຄວາມເປັນໄປໄດ້ທີ່ມັນຈະຊົນໂລກ
ຢ່າງໃດກໍດີທາງຜູ້ຊ່ຽວຊານດ້ານດາລາສາດຂອງມະຫາວິທະຍາໄລບັດກິງແຮມເຊີລ໌ໃນປະເທດອັງກິດ ເຜີຍວ່າ ຕອນນີ້ຍັງມີດາວເຄາະນ້ອຍຈຳນວນຫລາຍທີ່ອາດຈະມີຄວາມອັນຕະລາຍ ແລະ ຍັງບໍ່ຖືກຄົ້ນພົບ ຊຶ່ງຄວາມໜ້າຢ້ານຢູ່ທີ່ໃນອະນາຄົດຫາກມີດາວເຄາະນ້ອຍທີ່ມີລັດສະໝີວົງໂຄຈອນກວ້າງ ມັນອາດຈະກາຍເປັນປະຈະຫລວດທີ່ຊົນໂລກໄດ້ ໂດຍທາງນັກວິທະຍາສາດໄດ້ກຳລັງກຽມວິທີການ ແລະ ຄວາມພ້ອມເພື່ອທີ່ຈະຮັບມືກັບໄພຄຸກຄາມຈາກດາວເຄາະນ້ອຍຢ່າງເຕັມຄວາມສາມາດ