ເວລາ 04:00 ນາທີ ຂອງວັນທີ 10/10/2015 ໄດ້ເກີດອຸບັດຕິເຫດລະທຶກຂວັນ ລົດເມຕຳທ້າຍລົດກະບະແລ້ວຍູ້ໄປຕຳກັບ ລົດບັນທຸກຊ້ຳ
ເຫດເກີດທີ່ ບ້ານດອນໜູນ ເມືອງໄຊທານີ ນະຄອນຫຼວງວຽງຈັນ ເປັນຊ່ວງເຊົ້າ ເຊິ່ງລົດກະບະຄັນດັ່ງກ່າວ ກຳລັງຈະເດີນທາງໄປຊ້ອມຍ່າງ ເດີນຂະບວນຕ້ອນຮັບວັນຊາດທີ່ໃກ້ຂະມາເຖິງນີ້.
ຜູ້ເຫັນເຫດການທ່ານໜຶ່ງໄດ້ບອກວ່າ ລົດເມ ແລະ ລົດກະບະກຳລັງ ເດີນທາງໂດຍທີ່ລົດເມຈະເດີນທາງໄປ ທີ່ຄິວລົດເມສາຍໃຕ້ ແລະ ລົດກະບະກໍ່ຈະເດີນທາງທີ່ພະທາດຫຼວງ ລົດທັງສອງໄດ້ຂີ່ນຳກົ້ນກັນມາ ໂດຍມີລົດກະບະນຳໜ້າ.
ເມື່ອມາເຖິງທີ່ເກີດເຫດໄດ້ມີລົດບັນທຸກ ຖອຍອອກມາຈາກທາງຮ່ອມ ເຮັດໃຫ້ລົດກະບະຫຼຸດຜ່ອນຄວາມໄວ ແຕ່ຂະນະນັ້ນລົດເມທີ່ຂັບນຳຫຼັງລົດກະບະ (ຍັງບໍ່ຮູ້ສາເຫດ) ໄດ້ມາຕຳເອົາລົດກະບະ ແລ້ວຍູ້ລົດກະບະໄປຕຳເອົາລົດບັນທຸກຊ້ຳ ແລະ ເຫດການນັ້ນກໍ່ເປັນດັ່ງສະພາບທີ່ເຫັນ.
ສ່ວນລາຍລະອຽດອາການບາດເຈັບ ຫຼືເສຍຊີວິດນັ້ນ ຍັງບໍ່ທັນເປັນທີ່ເປີດເຜີຍລະອຽດເທື່ອ ແຕ່ຕາມຜູ້ເຫັນເຫດການເລົ່າວ່າ ໂຊເຟີລົດໂດຍສານໄດ້ຮັບບາດເຈັບ ສາຫັດ.
