ແຫຼ່ງຂ່າວຈາກເຈົ້າໜ້າທີ່ ປກສ ໃຫ້ຮູ້ວ່າ ເມື່ອເວລາ 15:00 ມື້ນີ້ (ວັນທີ 9 ຕຸລາ 2015) ໄດ້ເກີດເຫດມີຊາຍຜູ້ໜຶ່ງ ໄດ້ຄາຕະກຳ(ຂ້າ) ເມຍເກົ່າຂອງຕົນເອງ ແລະເດັກນ້ອຍຍິງອາຍຸ 6 ປີອີກຜູ້ໜຶ້່ງ ຢູ່ບ້ານຊຳເຄ້ ເມືອງໄຊເຊດຖາ ນະຄອນຫຼວງວຽງຈັນ ເປັນເຫດໃຫ້ມີຜູ້ເສຍຊີວິດ 2 ຄົນ ຫຼັງຈາກນັ້ນຜູ້ກ່ຽວໄດ້ໃຊ້ມີແທງຄໍຕົນເອງ ຫວັງຂ້າໂຕຕາຍແຕ່ບໍ່ສຳເລັດ ເພາະມີພົນລະເມືອງດີຊ່ວຍເຫຼືອໄວ້ ແລະໄດ້ນຳສົ່ງໂຮງໝໍ.
ຈາກການສອບຖາມປະຊາຊົນພາຍໃນບ້ານ ໄດ້ຮູ້ວ່າຜູ້ກ່ຽວຊື່ ທ້າວ ໝາຍ ອາຍຸ 37 ປີ, ເປັນປະຊາຊົນບ້ານຊຳເຄ້ ເມືອງໄຊເຊດຖາ ນະຄອນຫຼວງວຽງຈັນ. ສ່ວນລາຍລະອຽດຂອງສາເຫດນັ້ນ ເຈົ້າໜ້າທີ່ຍັງພວມດຳເນີນການສືບສວນຢູ່.
