ສຳນັກຂ່າວຕ່າງປະເທດ ລາຍງານໃນວັນທີ 9 ຕຸລານີ້ວ່າ ປະທານາທິບໍດີ ໂຈໂກ ວິໂດໂດ ແຫ່ງອິນໂດເນເຊຍ ໄດ້ອອກມາຮ້ອງຂໍຄວາມຊ່ວຍເຫລືອຈາກສາກົນ ເພື່ອຊ່ວຍດັບໄຟປ່າທີ່ກຳລັງລຸກໄໝ້ລາມເທິງເກາະສຸມາດຕຣາ ແລະ ເກາະບໍນຽວ ຊຶ່ງສົ່ງຜົນເຮັດໃຫ້ເກີດໝອກຄວັນປົກຄຸມຫລາຍປະເທດໃນພາກພື້ນອາຊີຕາເວັນອອກສຽງໃຕ້.
ທັງນີ້ ອິນໂດເນເຊຍປະສົບກັບໄຟປ່າໄໝ້ລາມໃນພື້ນທີ່ປູກປາມນ້ຳມັນ ແລະ ໄມ້ວິກ ຊຶ່ງເຮັດໃຫ້ເກີດມົນລະພິດທາງອາກາດແຜ່ປົກຄຸມໄປທົ່ວອິນໂດເນເຊຍ, ມາເລເຊຍ, ສິງກະໂປ ແລະ ພາກໃຕ້ຂອງປະເທດໄທອີກດ້ວຍ.
