<ignore_js_op>![]() ສະຖິຕິເຜີຍສຸດທ້າຍແລ້ວຜູ້ໃຊ້ໄອໂຟນເລືອກ Apple Maps ຫຼາຍກວ່າ Google Maps Apple Maps ເຄີຍເປັນບາດແຜເລິກສຳລັບແອັບເປີ້ນ ຫຼັງຈາກທີ່ມີການຍົກເລີກແອັບແຜນທີ່ພື້ນຖານຈາກ Google Maps ມາເຮັດ Apple Maps ຂອງຕົວເອງໃນ iOS 6 ກໍມີຂ່າວດ້ານລົບກ່ຽວກັບຄຸນນະພາບຂອງແຜນທີ່ມາໂດຍຕະຫຼອດ ມາຮອດມື້ນີ້ 1 ປີຜ່ານໄປ ComScore ໄດ້ລາຍງານວ່າຜູ້ໃຊ້ໄອໂຟນສ່ວນໃຫຍ່ເລືອກທີ່ຈະໃຊ້ Apple Maps ທີ່ມີມາໃນເຄື່ອງຫຼາຍກວ່າທີ່ຈະລົງແອັບ Google Maps ເພື່ອມາໃຊ້ແທນ ໂດຍຍອດຜູ້ໃຊ້ໃນເດືອນກັນຍາທີ່ຜ່ານມາ ມີຜູ້ໃຊ້ Apple Maps ກວ່າ 35 ລ້ານຄົນ ໃນຂະນະທີ່ Google Maps ມີພຽງແຕ່ 6 ລ້ານຄົນເທົ່ານັ້ນ (ໃນຈຳນວນນີ້ມີຜູ້ໃຊ້ 2 ລ້ານຄົນທີ່ໃຊ້ Google Maps ເພາະຍັງຢູ່ກັບ iOS ຕ່ຳກວ່າເວີຊັ່ນ 6) ເຖິງວ່າເລື່ອງນີ້ຈະບໍ່ໄດ້ຕັດສິນຄຸນນະພາບພາບຂອງໂປຣແກຣມແຜນທີ່ ແຕ່ກໍບອກເຖິງພຶດຕິກຳຂອງຜູ້ໃຊ້ທີ່ເລືອກແອັບທີ່ມາກັບເຄື່ອງ ຫຼາຍກວ່າທີ່ຈະໂຫຼດແອັບອື່ນເຂົ້າມາ ແລະເປັນສັນຍານວ່າແອັບເປີ້ນໄດ້ພັດທະນາ Apple Maps ໃຫ້ດີພໍທີ່ຜູ້ໃຊ້ສາມາດນຳມາໃຊ້ໄດ້ໂດຍບໍ່ຕິດປັນຫາຫຼາຍຄືໃນອະດີດ ຕອນນີ້ທຸກສາຍຕາກຳລັງຈັບໄປທີ່ Pandora ບໍລິການຟັງເພງອອນລາຍຍອດຮິດ (ໃນອາເມຣິກາ) ທີ່ຈະຖືກ iTunes Radio ກືນກິນໄປຫຼືບໍ່ … ຕ້ອງໄດ້ຖ້າເບິ່ງກັນຕໍ່ໄປ ທີ່ມາ – 9to5mac, ComScore |
![050713l81lstu1nx2t9b42](https://laopost.com/wp-content/uploads/2013/11/050713l81lstu1nx2t9b42.jpg)