ກ່ອນ​ໜ້າ​ນີ້​ມີ​ຂ່າວ​ລື​ວ່າ Facebook ກຽມ​ປ່ອຍ​ປຸ່ມ Dislike ຫລື ປຸ່ມ​ບໍ່​ຖືກ​ໃຈ ເທິງ Facebok ຫລ້າ​ສຸດ Facebook ເປີດ​ຕົວ​ປຸ່ມ​ອິ​ໂມ​ຈິ​ສະແດງ​ຄວາມ​ຮູ້ສຶກ​ນອກ​​ຈາກ​ປຸ່ມ​ໄລຄ໌ Like ແລ້ວ ເພີ່ມ​ອີກ 6 ຕົວ ໄດ້​ແກ່ ປຸ່ມ Like (ແທນ​ປຸ່ມ​ໄລຄ໌​ຈາກເດີມ), ຮັກ (Love), ຮາ (Haha), ເຍ້ (Yay), ວ້າວ (Wow), ເສົ້າ (Sad) ແລະ​ ໃຈຮ້າຍ (Angry)

ຫລັງ​ຈາກ​ທີ່​ມີ​ຂ່າວ​ລື  Facebook ສ້າງ​ປຸ່ມ Dislike ຫລື ປຸ່ມ​ບໍ່​ຖືກ​ໃຈ ເທິງ Facebok ແຕ່​ຈາກ​ລາຍ​ງານ​ຫລ້າ​ສຸດ ບໍ່ແມ່ນ​ປຸ່ມ  Dislike ໂດຍ​ຈະ​ເປັນ​ປຸ່ມ​ສະແດງ​ຄວາມ​ຮູ້ສຶກ​ຕໍ່​ໂພດຕ໌​ດ້ວຍ​ຕົວ​ອິ​ໂມ​ຈິ ຄ້າຍ​ກັບ​ແອັບ LINE ເລີຍ

ສຳລັບ ປຸ່ມ Like ສະແດງ​ຄວາມ​ຮູ້ສຶກ​ດ້ວຍ ອິ​ໂມ​ຈິ ອີກ 6 ຕົວ​ໃໝ່​ນີ້ ໄດ້​ເລີ່ມ​ທົດສອບ​ໃນ​ກຸ່ມ​ຈຳ​ກັດ​ສະເພາະ​ຜູ້​ໃຊ້​ງານ​ປະເທດ​ໄອ​ແລນ ແລະ ​ສະ​ເປນ​ເປັນ​ບ່ອນທຳອິດ ເພື່ອ​ເບິ່ງ​ຜົນ​ຕອບ​ຮັບ​ກ່ຽວກັບ​ປຸ່ມ​ດັ່ງ​ກ່າວ ຍັງ​ບໍ່​ມີ​ລາຍ​ລະອຽດ​ວ່າ​ຈະ​ເລີ່ມ​ເປີດ​ໃຫ້​ໃຊ້​ງານ​ໄດ້​ແທ້ຕອນ ​ຕ້ອງ​ຕິດ​ຕາມ​ກັນວ່າຈະມາດຮອດບ້ານເຮົາຕອນໃດ