spot_img
Homeວິທະຍາສາດ-ວິທະຍາການອອກກຳລັງກາຍມື້ລະເຄີີ່ງຊົ່ວໂມງ ຊ່ວຍບັນເທົາພະຍາດຫອບຫືດ

ອອກກຳລັງກາຍມື້ລະເຄີີ່ງຊົ່ວໂມງ ຊ່ວຍບັນເທົາພະຍາດຫອບຫືດ

Published on

houb

ປັດຈຸບັນ​ມີ​ຄົນເຈັບປ່ວຍ​ຫອບ​ຫືດ​ຫລາຍ​ລ້ານ​ຄົນ​ທົ່ວ​ໂລກ ແຕ່​ຍັງ​ບໍ່​ມີ​ວິທີ​ການ​ຄວບ​ຄຸມ​ອາການ​ຂອງ​ພະຍາດ​ນີ້​ອອກ​ມາ​ເທື່ອ ຫລ້າ​ສຸດນັກ​ວິ​ໄຈ​ພົບ​ວ່າ ການ​ອອກ​ກຳ​ລັງ​ພຽງ​ແຕ່ 30 ນາ​ທີ​ຕໍ່​ມື້​ຊ່ວຍ​ບັນເທົາ​ອາການ​ຂອງ​ພະຍາດ​ນີ້​ໄດ້

ງານ​ວິ​ໄຈ​ຊິ້ນ​ໜຶ່ງ​ໃນ​ວາລະ​ສານ​ວິ​ຊາ​ການ BMJ Open Respiratory Research ຈາກ​ມະຫາ​ວິທະຍາ​ໄລ​ຄອນ​ຄໍ​ເດຍ ແຄ​ນາ​ດາ ທຳການ​ວິ​ເຄາະ​ພຶດຕິກຳ​ການ​ອອກ​ກຳ​ລັງ​ກາຍ​ຂອງ​ອາ​ສາ​ສະໝັກ 643 ຄົົນທີ່​ໄດ້ຮັບ​ການ​ພິຈາລະນາ​ວ່າ​ເປັນ​ພະຍາດ​ຫອບ​ຫືດ

ຜົນ​ການສຶກສາ​ຊີ້​ແຈ້ງ​ວ່າ ຄົົນທີ່​ອອກ​ກຳ​ລັງ​ກາຍ​ເຖິງ​ລະ​ດັບ​ທີ່​ເໝາະ​ສົມ​ຈະ​ສາມາດ​ຄວບ​ຄຸມ​ອາການ​ຂອງ​ພະຍາດ​ຫອບ​ຫືດ​ໄດ້​ດີກວ່າ​ຄົົນທີ່​ບໍ່​ອອກ​ກຳ​ລັງ​ກາຍ​ເລີຍ 2.5 ເທົ່າ ໂດຍ​ການ​ອອກ​ກຳ​ລັງ​ກາຍ​ນັ້ນ​ບໍ່​ຈຳ​ເປັນ​ຕ້ອງ​ໜັກ​ໜ່ວງ​ຫລາຍກໍ່ໄດ້

ເຮົາ​ບໍ່​ໄດ້​ໝາຍ​ເຖິງ​ການ​ແລ່ນມາ​ລາ​ທອນ ພຽງ​ແຕ່​ອອກ​ມາ​ຍ່າງ ຂີ່ລົດຖີບ ຫລື​ຫຍັງ​ກໍ່ໄດ້ທີ່ເປັນການ​ອອກ​ກຳ​ລັງ​ກາຍ ກໍ​ມີ​ຜົນ​ຊ່ວຍ​ຫລຸດ​ອາການ​ຂອງ​ພະຍາດ​ຫອບ​ຫືດ​ໄດ້​ຢ່າງ​ດີເລີຍ” ສາດສະດາ​ຈານ ໄຊ​ມອນ ເບ​ຄອນ ຫົວ​ໜ້າ​ນັກ​ວິ​ໄຈ​ໃນ​ເທື່ອ​ນີ້​ເຜີຍ

ແຕ່​ເດີມ​ນັ້ນ ຜູ້​ປ່ວຍ​ທີ່​ມີ​ອາການ​ຫອບ​ຫືດ​ມັກ​ຈະ​ໄດ້ຮັບ​ຄຳ​ແນະ​ນຳ​ໃຫ້​ຫລີກ​ລ້ຽງ​ການ​ອອກ​ກຳ​ລັງ​ກາຍ​ເພາະ​ເຊື່ອ​ວ່າ​ຈະ​ເຮັດໃຫ້​ເກີດ​ອາການ​ຫາຍ​ໃຈ​ບໍ່​ອອກ ແຕ່​ສາດ​ສະດາ​ຈານ​ເບ​ຄອນ ເຜີຍ​ວ່າ ທີ່​ຈິງ​ແລ້ວ​ກໍ​ມີ​ວິທີ​ຫລີກ​​ຄວາມ​ປົກກະຕິ​ທີ່​ອາດຈະ​ຂຶ້ນ​ຈາກ​ການ​ອອກ​ກຳ​ລັງ​ກາຍ

“ການ​ບີບ​ຈັງ​ຂອງ​ຫລອດລົມ​ທີ່ເກີດຂື້ນ​ຈາກ​ການ​ອອກ​ກຳ​ລັງ​ກາຍ​ນັ້ນ​ເປັນ​ເລື່ອງ​ຈິງ​ ແຕ່​ຫາກ​ເຮົາ​ໃຊ້​ຢາ​ຈຳ​ພວກ​ຢາ​ເປົ່າ​ກ່ອນ​ອອກ​ກຳ​ລັງ​ກາຍ ໃຊ້​ເວລາ​ເຮັດ​ຮ່າງກາຍ​ໃຫ້​ເຢັນ​ຫລັງ​ອອກ​ກຳ​ລັງ​ກາຍ ທຸກ​ຢ່າງ​ກໍ​ໜ້າ​ຈະ​ດີ​ຢູ່ ເຖິງວ່າ​ຈະ​ເປັນ​ພະຍາດ​ຫອບ​ຫືດ ກໍ​ບໍ່​ມີ​ເຫດຜົນ​ທີ່​ຈະ​ຕ້ອງ​ຫລີກ​ລ້ຽງ​ການ​ອອກ​ກຳ​ລັງ​ກາຍ”

ສາດ​ສະດາ​ຈານ​ເບ​ຄອນ ລາຍ​ງານ​ວ່າ ໃນ​ກຸ່ມ​ຕົວ​ຢ່າງ 643 ຄົນ​ນີ້ ມີ​ເຖິງ 245 ຄົົນທີ່​ລາຍ​ງານ​ວ່າ​ບໍ່​ໄດ້​ອອກ​ກຳ​ລັງ​ກາຍ​ເລີຍ ແຕ່​ມີ 100 ຄົົນທີ່​ບອກວ່າ​ອອກ​ກຳ​ລັງ​ກາຍ​ໃນ​ລະ​ດັບ​ທີ່​ເໝາະ​ສົມ ປະ​ມານ 30 ນາ​ທີ​ຕໍ່​ມື້

“ຕົວ​ເລກ​ນີ້​ສະ​ທ້ອນ​ເຖິງ​ປະຊາກອນ​ໂດຍ​ລວມ ເຮົາ​ຈະ​ຕ້ອງ​ຄຶດວ່າ​ເຮັດຫຍັງ​ເລັກໜ້ອຍ​ກໍ​ດີກວ່າ​ບໍ່​ເຮັດ​ເລີຍ ແລະ​ ເຮັດ​ຫລາຍ​ກໍ​ຈະ​ໄດ້​ຫລາຍກວ່າ​ເຮັດ​ໜ້ອຍ ແມ່ນແຕ່​ກິດຈະກຳ​ທີ່​ເລັກໜ້ອຍ​ທີ່ສຸດ​ກໍ​ຍັງ​ເປັນ​ປະໂຫຍດ”

ນອກ​ຈາກ​ນີ້ ໃນ​ໄລຍະ​ໜ້າ​ໜາວ​ທີ່​ອຸນຫະພູມ​ຫລຸດ​ຕ່ຳ ຄວາມ​ຟິດ​ຂອງ​ຮ່າງກາຍ​ກໍ​ອາດຈະຫ​ລຸດ​ຕ່ຳ​ຕາມ​ອຸນຫະພູມ ແລະ​ຄວາມ​ໜາວ​ເຢັນ​ກໍ​ຈະ​ຍິ່ງ​ເຮັດໃຫ້​ເກີດ​ອາການ​ຫອບ​ຫືດ​ໄດ້​ຫລາຍ​ຂຶ້ນ

“ການສຶກສາ​ຂອງ​ເຮົາ​ຊີ້​ວ່າ​ຄົົນທີ່​ເສບ​ຕິດ​ການ​ອອກ​ກຳ​ລັງ​ກາຍ​ໃນ​ລະ​ດັບ​ທີ່​ເໝາະ​ສົມ​ໃນ​ຮອບ​ປີ​ຈະ​ໄດ້​ປະໂຫຍດ​ຈາກ​ການ​ອອກ​ກຳ​ລັງ​ກາຍ​ຫລາຍ” ສາດ​ສະາ​ຈານ​ເບ​ຄອນ​ຊີ້ ໂດຍ​ເຊື່ອ​ວ່າ ການ​ອອກ​ກຳ​ລັງ​ກາຍ​ໃນ​ຮົ່ມ ເຊັ່ນ ໄປ​ຟິດເນັສ ຍ່າງ​ຂຶ້ນ​ລົງ​ຂັ້ນ​ໄດ ຫລື​ໄປ​ຊັອບ​ປິ້ງ ກໍ​ເປັນ​ອີກ​ວິທີ​ທີ່​ໃຊ້​ໄດ້

“ເຮົາ​ຈະ​ຕ້ອງ​ມີ​ຄວາມ​ຄິດ​ສ້າງສັນ ສ້າງ​ສິ່ງ​ແວດ​ລ້ອມ​ທີ່​ຄວາມ​ໜາວ​ເຢັນ​ຈະ​ບໍ່​ເປັນ​ອຸປະສັກ​ກັບ​ເຮົາ”

“ຂ້ອຍ​ຢາກ​ຈະ​ເຫັນ​ແພດ​ແນະ​ນຳ​ໃຫ້​ຄົນເຈັບ​ພະຍາດ​ຫອບ​ຫືດ​ໄປ​ອອກ​ກຳ​ລັງ​ກາຍ ຄອບຄູ່​ກັບ​ການ​ປິ່ນປົວ​ດ້ວຍ​ຢາ​ແບບ​ດັ້ງ​ເດີມ​”

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...