ແລ້ວຊີວິດຂອງຄົນຮັກການຖ່າຍພາບກໍຈະງ່າຍຂຶ້ນໄປອີກລະດັບດ້ວຍກ້ອງ L16 ຈາກທາງທີມ Photography Startup ທີ່ຊື່ວ່າ Light ໂດຍຄວາມພິເສດຂອງຕົວກ້ອງ L16 ກໍຄືການທີ່ມີເລນສ໌ສຳລັບຖ່າຍພາບເຖິງ 16 ເລນສ໌ນຳກັນເທິງຕົວກ້ອງ ແຖມເລນສ໌ທັງໝົດນີ້ຍັງເຮັດວຽກພ້ອມກັນໃນການຖ່າຍພາບໆດຽວອີກດ້ວຍ
ຊຶ່ງຈຸດປະສົງການເຮັດວຽກງານພ້ອມໆ ກັນຂອງເລນສ໌ທັງ 16 ຕົວກໍຄື ການເກັບຂໍ້ມູນພາບໃນໄລຍະ (Focal Lengths) ທີ່ຕ່າງກັນ ເກັບໄວ້ໃນພາບຂະໜາດ 52 ລ້ານພິກເຊລ ເພື່ອໃຫ້ຜູ້ໃຊ້ສາມາດໄປເລືອກຄ່າຄວາມແຈ້ງຕື້ນ/ແຈ້ງເລິກ ໂຟກັດແລະຄ່າຄວາມສະຫວ່າງໄດ້ໃນພາຍຫລັງນັ້ນເອງ
ກ້ອງ L16 ມາກັບຂະໜາດທີ່ເທົ່າກັບສະມາດໂຟນ Nexus 6 ແຕ່ໜາກວ່າຫລາຍເທົ່າ ແຖມຍັງມາໃນລະບົບປະຕິບັດການ Android ອີກດ້ວຍ ມີ Wi-Fi ໄວ້ສຳລັບໂອນຖ່າຍຮູບໄປຍັງອຸປະກອນອື່ນໆ ໄລຍະຂອງເລນສ໌ຢູ່ໃນ 35 – 150 mm (ໄລຍະ Normal – Telephoto) ແລະໃຊ້ຈໍສະແດງຜົນແບບທັດສະກີນຂະໜາດ 5 ນິ້ວ
ຖ້າຫາກໃຜຄິດວ່າຈະຊອກກ້ອງຕົວນີ້ເປັນລະດັບເລີ່ມຕົ້ນຫລື Entry-level ທີມງານຂໍແນະນຳໃຫ້ຄິດໃໝ່ອີກເທື່ອໜື່ງ ເພາະດ້ວຍລາຄາຂອງກ້ອງL16 ນີ້ ບໍ່ທຳມະດາເລີຍ ດ້ວຍລາຄາເຕັມເຖິງ 1,699 ຫລຽນ ທີ່ຈະເລີ່ມວາງຂາຍໃນປີ 2016 ເກືອບຈະຊື້ກ້ອງລະດັບ Semi-Pro ໄດ້ເລີຍ ແຕ່ຖ້າໝູ່ເພື່ອນທີ່ສົນໃຈຈະ Pro-order ສິນຄ້າທີ່ເວັບໄຊຕ໌ຂອງທາງ Light ກ່ອນ ກໍຈະຊື້ໄດ້ໃນລາຄາພິເສດພຽງ 1,299 ຫລຽນເທົ່ານັ້ນໄປສັ່ງຊື້ໄດ້ທີ່ http://www.light.co/ ກ່ອນວັນທີ່ 6 ພະຈິກນີ້ເທົ່ານັ້ນ