ເມື່ອວັນທີ 7 ຕຸລາ 2015 ເວລາ 17:11 ໂມງ ພຣະອາຈານໃຫຍ່ ດຣ. ມະຫາຜ່ອງ ສະມາເລິກ ປະທານສູນກາງພຸດທະສາສະໜາສຳພັນລາວ, ເຈົ້າອະທິການວັດອົງຕື້ ນະຄອນຫລວງວຽງຈັນ ໄດ້ເຖິງແກ່ມໍລະນະພາບແລ້ວ ລວມອາຍຸໄດ້ 100 ປີ 6 ເດືອນ 81 ພັນສາ.
ພຣະອາຈານໃຫຍ່ ດຣ. ມະຫາຜ່ອງ ສະມາເລິກ ເກີດເມື່ອປີ 1915 ທີ່ບ້ານກຸງນ້ອຍ ເມືອງຕຣະການພືດຜົນ ແຂວງອຸບົນຣາຊະທານີ ປະເທດໄທ ເມື່ອອາຍຸໄດ້ 1 ປີ ໄດ້ 1 ປີ ຄອບຄົວຂອງເພິ່ນໄດ້ຍົກຍ້າຍເຂົ້າມາຕັ້ງຖິ່ນຖານຢູ່ ບ້ານໂພນທອງ ເມືອງໂພນທອງ ແຂວງຈຳປາສັກ ແລ້ວໄດ້ຖືກຮັບເປັນລູກບຸນທຳຂອງເຈົ້າເພັດຊະຣາດ, ພ້ອມກັນນັ້ນ ຍັງໄດ້ຖືກຮັບເປັນລູກບຸນທຳຂອງປະທານໂຮ່ຈິມິນ ຜູ້ນຳຂອງຫວຽດນາມອີກດ້ວຍ. ເມື່ອອາຍຸໄດ້ 20 ປີ ໄດ້ບວດເປັນພຣະທີ່ວັດໂພສຣະປະທຸມຢູ່ບ້ານເກີດ ແຂວງອຸບົນຣາຊະທານີ, ຈາກນັ້ນ ຈຶ່ງໄດ້ເດີນທາງໄປສຶກສາປະຣິຍັດຕິທຳ ທີ່ວັດຊະນະສົງຄາມ ບາງກອກ ປະເທດໄທ ຫລັງຈາກຮຽນຈົບ ໄດ້ກັບຄືນມາປະເທດລາວ ແລະ ປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດ ພາຍໃນອົງການພຸດທະສາສະໜາສຳພັນລາວ ຈົນເຖິງແກ່ມໍລະນະພາບ.
