ຂປລ. ທ່ານ ສີສຸພັນ ເທບວົງສາ ຫົວໜ້າພະແນກອຸດສາຫະກໍາ-ການຄ້າ ແຂວງສາລະວັນ ໄດ້ໃຫ້ສໍາພາດ ໃນວັນທີ 5 ຕຸລາ 2015 ວ່າ: ປີນີ້ມູນຄ່າຕົວເລກຈໍລະຈອນສິນຄ້າຂອງແຂວງບັນລຸເກືອບ 2.000 ຕື້ ກີບ ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 17% ເທົ່າກັບ 78% ຂອງແຜນການປີ ທີ່ວາງໄວ້. ໃນນັ້ນ ການເກັບຊື້ພາຍໃນບັນລຸເກືອບ 600 ຕື້ກີບ, ເພີ່ມຂຶ້ນ 20%, ລື່ນແຜນການປີ 7% ເຊິ່ງສິນຄ້າກະສິກໍາກວມປະມານ 90%, ສິນຄ້າຂາຍຍົກບັນລຸໄດ້ 700 ຕື້ກວ່າກີບ, ເພີ່ມຂື້ນ 14% ລື່ນແຜນການປີ 7% ໝວດ ສິນຄ້າກະສິກໍາກວມ 81,24%; ສິນຄ້າຂາຍຍ່ອຍບັນລຸໄດ້ 600 ຕື້ກວ່າກີບ ເພີ່ມຂຶ້ນ 14% ລື່ນແຜນການປີ 10%, ໜວດສິນຄ້າອຸດສາຫະກໍາ ກວມ 86,66% (ຊີມັງ); ຜະລິດຕະພັນອຸດສາຫະກໍາປຸງແຕ່ງປະມານ 270 ຕື້ກວ່າກີບ ລື່ນແຜນການ 13,7%.
ສະພາບການສົ່ງອອກ ແລະ ນໍາເຂົ້າໃນສົກປີນີ້ ບາງຂະແໜງການເພີ່ມຂຶ້ນ ໃນນັ້ນມູນຄ່າ ສົ່ງອອກ-ນໍາເຂົ້າ ບັນລຸ 260 ຕື້ກວ່າກີບ; ການສົ່ງອອກປະຕິບັດໄດ້ 240 ຕື້ກວ່າກີບ, ທຽບໃສ່ໄລຍະດຽວກັນຂອງສົກປີ ເພີ່ມຂຶ້ນ 2 ກວ່າເທົ່າຕົວ ເທົ່າ 242%, ບັນລຸ 95% ຂອງແຜນການ. ໃນນັ້ນການສົ່ງອອກໝວດສິນຄ້າກະສິກໍາ 125,70 ເພີ່ມຂື້ນ 1 ກວ່າເທົ່າຕົວ, ກວມເອົາ 51%; ຕະຫລາດການສົ່ງອອກສ່ວນໃຫຍ່ແມ່ນປະເທດຫວຽດນາມ ແລະ ໄທ ເຊິ່ງໃນນັ້ນ ປະເທດຫວຽດນາມ ມີມູນຄ່າປະມານ 160 ຕື້ກວ່າກີບ ປະເພດໄມ້ ແລະ ຜະລິດຕະພັນໄມ້, ແປ້ງມັນຕົ້ນ ຢາງພາລາ ກາເຟ, ໝາກກ້ວຍຫອມ; ປະເທດໄທ ມູນຄ່າ 80 ຕື້ກວ່າກີບມີສາລີລ້ຽງສັດ, ມັນຕົ້ນຕາກແຫ້ງ, ກາເຟ; ດ້ານການນໍາເຂົ້າປະຕິບັດໄດ້ເກືອບ 16 ຕື້ກີບ ເພີ່ມຂຶ້ນ 72% ເທົ່າ 15% ຂອງແຜນການປີ ສ່ວນໃຫ່ຍແມ່ນນໍາເຂົ້າເຄື່ອງຮັບໃຊ້ກະສິກໍາ, ເຄື່ອງກົນຈັກອາໄຫລ່, ວັດສະດຸກໍ່ສ້າງ, ເຄື່ອງໃຊ້ໄຟຟ້າ ແລະ ເຄື່ອງໃຊ້ຫ້ອງການ .
ແຫລ່ງຂ່າວ:
