ສຳນັກຂ່າວຕ່າງປະເທດ ລາຍງານໃນວັນທີ 7 ຕຸລານີ້ວ່າ ສະຫະພັນກຳມະບານຫວຽດນາມ ໄດ້ຮຽກຮ້ອງໃຫ້ລັດຖະບານເພີ່ມຄ່າແຮງງານຂັ້ນຕ່ຳໃນປີໜ້າຂຶ້ນ 14.3% ໂດຍອີງໃສ່ເສດຖະກິດຂອງປະເທດໄດ້ເຕີບໂຕຢ່າງຕໍ່ເນື່ອງ ແລະ ໝັ້ນຄົງ ຊຶ່ງປັດຈຸບັນຄ່າແຮງງານຂັ້ນຕ່ຳຂອງຫວຽດນາມ ແມ່ນຢູ່ລະຫວ່າງ 2,150,000 – 3,100,000 ດົງ ຫລື ປະມານ 795,500 – 1,147,000 ກີບ ໂດຍສະຫະພັນກຳມະບານໄດ້ກ່າວວ່າ ເງິນຈຳນວນດັ່ງກ່າວນີ້ ແມ່ນຄວບຄຸມພຽງ 75% ເທົ່ານັ້ນ ຂອງຄວາມຕ້ອງການພື້ນຖານຂອງກຳມະກອນ.