ວັນທີ 2 ຕຸລາ 2015 ທີ່ຫ້ອງວ່າການນະຄອນຫຼວງວຽງຈັນ ໄດ້ຈັດກອງປະຊຸມລາຍງານຄວາມຄືບໜ້າ ໃນການຈັດຕັ້ງປະຕິບັດໂຄງການປະຕິສັງຂອນຫໍພະແກ້ວ ຄັ້ງທີ III ແຕ່ເດືອນກຸມພາ-ກັນຍາ 2015 ໂດຍເປັນປະທານຂອງ ທ່ານ ສາຍທອງ ແກ້ວດວງດີ ຮອງເຈົ້າຄອງນະຄອນຫຼວງວຽງຈັນ ທ່ານ ພະອາຈານ ເວດ ມະເສໄນ ຮອງປະທານອົງການພຸດທະສາສະໜາສູນກາງ ທ່ານ ຄຳປະດິດ ເຂັມມານິດ ຫົວໜ້າພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ຕາມການລາຍງານຂອງໜ່ວຍງານບໍລິຫານຄຸ້ມຄອງ ແລະ ກອງເລຂາໂຄງການສາມາດປະຕິບັດໜ້າວຽກໄດ້ ປະກອບມີ: ວຽກຮື້ຖອນ ແລະ ສ້ອມແປງຄືນຫຼັງຄາ ຮື້ຖອນເພດານ ແລະ ສ້ອມແປງຄືນ ສ້ອມແປງປະຕູ ວຽກງານອະນາໄມ ທາສີ ໃສ່ຝາ ແລະ ແອວຂັນ.
ສ່ວນໜ້າວຽກທີ່ຈະຕ້ອງໄດ້ສືບຕໍ່ປະຕິບັດໄລຍະແຕ່ເດືອນຕຸລາ-ທັນວາ 2015 ນີ້ ປະກອບມີ: ສືບຕໍ່ມຸງດິນຂໍ ເຮັດດອກດວງເພດານ ດ້ານໃນ-ດ້ານນອກ ຮື້ ແລະ ສ້ອມແປງພື້ນຂັ້ນໄດປະຕູ ແລະ ວຽກງານອື່ນໆອີກຈຳນວນໜຶ່ງທີ່ຍັງເຫຼືອ ຄາດວ່າຈະໃຫ້ສຳເລັດຕາມແຜນການທີ່ວາງໄວ້.
ແຫລ່ງຂ່າວ:
