spot_img
Homeຂ່າວພາຍ​ໃນລາວໂຕໂຢຕ້າຍັງຄົງເປັນຜູ້ນຳຂອງລາວ ພຣີເມຍລີກ

ລາວໂຕໂຢຕ້າຍັງຄົງເປັນຜູ້ນຳຂອງລາວ ພຣີເມຍລີກ

Published on

ສະ​ໂມ​ສອນ ລາວໂຕ​ໂຢຕ້າ ​ເອັຟຊີ ​​ເອົາ​ຊະນະ ສະ​ໂມ​ສອນ ​ໄອ​ດີ​ຊີ ຈຳປາ​ສັກ ຢູ​ໄນ​ເຕັດ ​ໄປ​ໄດ້ 3-2, ໃນຂະນະທີ່ ສະ​ໂມ​ສອນ ​ເອສ​ເຮັດ​ບີ ວຽງຈັນ ເອັຟຊີ ເອົາຊະນະ ແຊ້ມເກົ່າ ສະໂມສອນ ຮວ່າງແອັງ ອັດຕະປື ເອັຟຊີ ໄປໄດ້ 3-2 ໃນການແຂ່ງຂັນບານເຕະ ລາວ ພຣີເມຍລີກ 2015

ວັນທີ 3 ຕຸລາ 2015 ຜ່ານມາການ ແຂ່ງຂັນບານເຕະລາວ ພຣີເມຍລີກ 2015 ມີ 2 ຄູ່, ເລີ່ມຕົ້ນທີ່ສະໜາມກິລາແຂວງຈຳປາສັກ ສະໂມສອນໄອດີຊີຈໍາປາສັກ ຢູໄນເຕັດ ທີ​ມອັນ​ດັບ 8 ຂອງ​ຕາຕະລາງ ເປີດ​ບ້ານ​ຕ້ອນຮັບ​ການ​ມາ​ຢາມ​ຂອງ ສະໂມສອນ ລາວໂຕໂຢຕ້າ ​ເອັຟຊີ ທີ​ມນຳ​ຕາຕະລາງ, ຜ່ານການແຂ່ງຂັນ ຜົນປາກົດວ່າ ລາວ ​ໂຕ​ໂຢຕ້າ ​ເອັຟຊີ ​ສາມາດລ້າ​ງການ​​ເສຍ​ໄຊໄດ້ສຳເລັດ ດ້ວຍການເອົາຊະນະ ​ໄອ​ດີ​ຊີ ຈຳປາ​ສັກ ຢູ​ໄນ​ເຕັດ ​ໄປ​ 3-2 ​ໄດ້​ເພີ່ມເປັນ 42 ຄະແນນ ພ້ອມຮັກສາ​ຕຳ​ແໜ່​ງຜູ້​ນຳ​ໃນລີຄື​ເກົ່າ
ໃນຂະນະທີ່ຢູ່​ສະໜາມກິລາ​ຫຍ້າ​ທຽມ ລ້ານ​ຊ້າງ ຢູ​ໄນ​ເຕັດ ບ້ານ​ໜອງ​ໄຮ ​ເມືອງ​ຫາດ​ຊາຍ​ຟອງ ​ສະ​ໂມ​ສອນ ເອສ​ເຮັດ​ບີ ວຽງ​ຈັນ ເອັຟຊີ ທີ​ມອັນ​ດັບ 3 ຂອງ​ຕາຕະລາງ ພົບ​ກັບ ​ແຊ້ມ​ເກົ່າ​ທີ່​ຟອມການຫລິ້ນ​ຍກຳລັງ​ຕົກຕ່ຳ​ຄື ສະ​ໂມ​ສອນ ຮວ່າງ​ແອັງ ອັດ​ຕະປື ທີ​ມອັນ​ດັບ 5 ຂອງ​ຕາຕະລາງ, ​ຜົນ​ໃນ​ນັດ​ນີ້ ​ເອສ​ເຮັດ​ບີ ວຽງຈັນ ເອັຟຊີ ເອົາຊະນະ ຮວ່າງແອັງ ອັດຕະປື ເອັຟຊີ ໄປແບບຫວຸດຫວິດ 3-2 ​ໄດ້​ເພີ່ມເປັນ 36 ຄະແນນ ຢູ່ອັນດັບ 3 ຄືເກົ່າ ແຕ່ລົງແຂ່ງຂັນໜ້ອຍກວ່າ ສະໂມສອນ ລ້ານຊ້າງ ຢູໄນເຕັດ ທີມອັນດັບ 2 ຂອງຕາຕະລາງ 1 ນັດ
ສະຫລຸບ ຕາຕະລາງຄະແນນ​ໃນ​ວັນ​ທີ 3 ຕຸລາ ມີ​ຄື ອັນດັບ 1 ສະໂມສອນ ລາວ ໂຕໂຢຕ້າ ເອັຟຊີ, ອັນດັບ 2 ລ້ານຊ້າງ ຢູໄນເຕັດ, ອັນດັບ 3 ເອສ​ເຮັດ​ບີ ວຽງຈັນ, ອັນດັບ 4 ຮວ່າງແອັງ ອັດຕະປື, ອັນດັບ 5 ປກສ, ອັນດັບ 6 ໄຟຟ້າລາວ, ອັນດັບ 7 ອິສເຕິນສະຕາ, ອັນດັບ 8 ໄອດີຊີ ຈຳປາສັກ ຢູໄນເຕັດ,​ ອັນດັບ 9 ຊ້າງນ້ອຍ ເອັຟຊີ, ອັນດັບ 10 ສະຫວັນ ເອັຟຊີ ແລະ ອັນດັບ 11 ສະໂມສອນ ເອສຣາ ເອັຟຊີ

12112305_1662778927196581_6661466382636123337_n

ຂອບໃຈຂ່າວຈາກ: ຂປລ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...