ທ່ານ ດຣ. ພັນຄຳ ວິພາວັນ ລັດຖະມົນຕີວ່າການກະຊວງ ສຶກສາທິການ ແລະ ກີລາ ໄດ້ ຕ້ອນຮັບການເຂົ້າຢ້ຽມຄຳນັບ ຂອງຄະນະຜູ້ແທນສະມາຄົມ ມິດຕະພາບໄຊຕະມະ-ລາວ ເຊິ່ງນຳໂດຍທ່ານ ທາກາຮາຊິ ຊູຊູມູ ປະທານສະມາຄົມໄຊ ຕະມະ-ລາວ ພ້ອມດ້ວຍຄະ ນະ ໃນວັນທີ 11 ພະຈິກທີ່ຜ່ານ ມາຢູ່ທີ່ຫ້ອງຮັບແຂກຂອງກະ ຊວງສຶກສາທິການ ແລະ ກີລາ ເນື່ອງໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 10-13 ພະຈິກ 2013.
ໂອກາດນີ້, ທ່ານລັດຖະມົນ ຕີວ່າການກະຊວງສຶກສາທິ ການ ແລະ ກີລາ ກໍ່ໄດ້ສະແດງ ຄວາມຍິນດີຕ້ອນຮັບຢ່າງອົບ ອຸ່ນ ແລະ ຕີລາຄາສູງຕໍ່ການ ມາຢ້ຽມຢາມຂອງຄະນະຜູ້ ແທນສະມາຄົມມິດຕະພາບ ໄຊຕະມະ-ລາວ ໃນຄັ້ງນີ້, ເຊິ່ງເປັນການປະກອບສ່ວນ ອັນສຳຄັນໃນການເສີມຂະ ຫຍາຍສາຍພົວພັນມິດຕະ ພາບ ແລະ ການຮ່ວມມືລະ ຫວ່າງ ສປປ ລາວ ແລະ ຍີ່ປຸ່ນທີ່ ມີມາແລ້ວນັ້ນໃຫ້ມີບາດກ້າວ ຂະຫຍາຍຕົວຂຶ້ນເລື້ອຍໆ. ນອກຈາກນັ້ນທ່ານ ດຣ. ພັນ ຄຳ ວິພາວັນ ຍັງໄດ້ສະແດງ ຄວາມຊົມເຊີຍ ແລະ ຂອບອົກ ຂອບໃຈຕໍ່ສະມາຄົມມິດຕະ ພາບໄຊຕະມະ-ລາວ ທີ່ໄດ້ ໃຫ້ການຊ່ວຍເຫຼືອລ້າຢ່າງຕັ້ງ ໜ້າໃຫ້ແກ່ປະຊາຊົນລາວ ໃນ ໄລຍະຜ່ານມາໂດຍສະເພາະ ແມ່ນການປຸກສ້າງໂຮງຮຽນ, ສ້າງຂົວ ແລະ ຊ່ວຍເຫຼືອໂຮງ ຮຽນປະຖົມຢູ່ໃນຂອບເຂດນະ ຄອນຫຼວງວຽງຈັນ ຈຳນວນ ໜຶ່ງ ແລະ ວຽກງານອື່ນໆຂອງ ສປປ ລາວ.
ທ່ານ ທາກາຮາຊິ ຊູຊູມູ ກໍ່ ໄດ້ສະແດງຄວາມຂອບອົກ ຂອບໃຈຕໍ່ທ່ານລັດຖະມົນຕີທີ່ ໄດ້ໃຫ້ກຽດຕ້ອນຮັບຢ່າງອົບ ອຸ່ນພ້ອມທັງຢືນຢັນວ່າຈະສືບ ຕໍ່ໃຫ້ການຊ່ວຍເຫຼືອລ້າ ແລະ ສະໜັບໜູນວຽກງານທີ່ກ່ຽວ ຂ້ອງແກ່ ສປປ ລາວ.
ທີ່ມາhttp://www.kongthap.gov.la
