ໃນການແຂ່ງຂັນບານເຕະ U-19 ຊີງແຊ້ມອາຊີ ທີ່ລາວເຮົາໄດ້ຮັບກຽດເປັນເຈົ້າພາບໃນຮອບແບ່ງກຸ່ມຕັ້ງແຕ່ວັນທີ 2​-6 ຕຸລາ 2015 ນີ້, ທີມຊາດລາວເຮົາຢູ່ໃນກຸ່ມ J ມີ : ທີມຊາດລາວ, ທີມຊາດຢີ່ປຸ່ນ, ທີມຊາດອົດສະຕາລີ, ທີມຊາດຟິລິບປິນ ແລະ ຈະເລີ່ມແຂ່ງຂັນໃນວັນທີ 2 ຕຸລາ 2015 ລົງແຂ່ງຂັນ 2 ຄູ່, ໃນເວລາ 16:00 ໂມງ ທີມຊາດອົດສະຕາລີ ພົບກັບ ທີມຊາດຟິລິບປິນ ຜົນປະກົດ ອົດສະຕາລີເອົາຊະນະຟິລິບປິນໄປໄດ້ 6-0 ປະຕູ ສ່ວນວ່າໃນເວລາ 19:00 ໂມງ ທີມຊາດລາວ ພົບກັບ ທີມຊາດຢີ່ປຸ່ນຜົນປະກົດ ຢີ່ປຸ່ນເອົາຊະນະລາວວໄປໄດ້ 2-0 ປະຕູ
ເຖິງຢ່າງໃດກໍ່ຕາມນີ້ກໍ່ເປັນນິມິດໝາຍອັນດີທີ່ຈະພັດທະນາທີມຊາດລາວໃຫ້ທຽບເທົ່າກັບທີມຊາດໃນອາຊີກໍ່ຄືອາຊຽນ ແລະ ໃນມື້ນີ້ວັນທີ 4 ຕຸລາ 2015 ນັດທີ 2 ຂອງການແຂ່ງຂັນຮອບແບ່ງກຸ່ມ ໃນເວລາ 16:00 ໂມງ ທີມຊາດຢີ່ປຸ່ນ ຈະພົບກັບ ທີມຊາດ ຟິລິບປິນ, ໃນເວລາ 19:00​ໂມງ ທີມຊາດອົດສະຕາລີ ຈະພົບກັບ ທີມຊາດລາວ ຢູ່ທີ່ສະໜາມກິລາແຫ່ງຊາດຫຼັກ 16 ທັງ 2 ຄູ່ ລາຄາປີ້ເຂົ້າຊົມແມ່ນພຽງແຕ່ 10,000 ກີບ ແລະ ຍັງສາມາດຊົມຖ່າຍທອດສົດຜ່ານທາງໂທລະພາບແຫ່ງຊາດລາວຊ່ອງ 3​