ປັດ​ຈຸ​ບັນ ນັກ​ກິລາ​ຟຸດ​ຊໍ​ລາວ ​ໄດ້​ເລັ່ງ​ເຝິກຊ້ອມ​ທາງ​ດ້ານ​ເຕັກນິກ ​ແລະ ທັກ​ສະ​ນະ​ຕ່າງໆ ກໍ​ຄື​ດ້ານ​ພະລະ​ກຳລັງ ​ເພື່ອ​ຮອງ​ຮັບ​ການ​ແຂ່ງຂັນ ​ບານເຕະຊີງ​ແຊ໊ມເອ​ເອັ​ຟ​ເອັ​ຟ ຫລື AFF Futsal Championship 2015 ຈະ​ຈັດ​ຂຶ້ນ​ຢູ່ ສະໜາມໜອງ​ຈອກ ບາງກອກ ປະ​ເທດ​ໄທ ລະຫວ່າງ ວັນ​ທີ 8-16 ຕຸລາ 2015 ນີ້.

ການ​ແຂ່ງຂັນ​ດັ່ງກ່າວ ມີ 10 ທີ​ມ​ເຂົ້າ​ຮ່ວມ ​ແລະ ​ແບ່ງ​ອອກ​ເປັນ 2 ສາຍ ຄື ສາຍ A: ​ທີ​ມຊາດ ໄທ ​ເຈົ້າພາບ, ທີ​ມຊາດ ຕີມໍ​ເລ​ສ​ເຕ, ທີ​ມຊາດ ບຣູ​ໄນ, ທີ​ມຊາດ ມາ​ເລ​ເຊຍ ​ແລະ ທີ​ມຊາດ ສິງກະ​ໂປ, ສ່ວນ​ສາຍ B: ທີ​ມຊາດ ລາວ, ທີ​ມຊາດ ອົສຕຣາລີ, ທີ​ມຊາດ ຫວຽດນາມ, ທີ​ມຊາດ ມຽນມາ ​ແລະ ທີ​ມຊາດ ຟິລິບ​ປິນ.ປັດຈຸບັນ​ນັກ​ກິລາ​​ຟຸດ​ຊໍ​ລາວ ກຳລັງ​ເຝິກ​ຊ້ອມ ທັງ​ທາງ​ດ້ານ​ພະລະ​ກຳລັງ ​ແລະ ​ເຕັກ​ນິກຕ່າງໆ ​ເພື່ອ​ຫວັງ​ສ້າງ​ຜົນງານ​ໃນ​ງານ​ດັ່ງກ່າວ ພ້ອມ​ນຳ​ເອົາ​ປະສົບ​ການ ມາ​ພັດທະນາ​ຕົນ​ເອງ​ໃຫ້​ນັບ​ມື້​ດີ​ຂຶ້ນ.

ກິລາ​ຟຸດ​ຊໍ ​​ເປັນ​ກິລາ​ໃໝ່ຢູ່​ລາວ ​ແລະ ຫາ​ກໍ​ມີ​ການ​ເຄື່ອນ​ໄຫວ​ແຂ່ງຂັນ​ຫວ່າງ​ບໍ່​ເທົ່າ​ໃດ​ປີ​ມາ​ນີ້ ​ແລະ ຍັງ​ຂາດ​ນັກ​ເຕະບານ ຕະຫລອດ​ຮອດ​ຄູ​ເຝິກ​ທີ່​ໄດ້​ມາ​ດຕະຖານ, ດັ່ງ​ນັ້ນ ຈຶ່ງ​ເຮັດ​ໃຫ້ການ​​ເຂົ້າ​ຮ່ວມ​ແຂ່ງຂັນ​ຢູ່​ຕ່າງປະ​ເທດບໍ່​ທັນ​ມີ​ຜົງານ​ດີ​ເທົ່າ​ທີ່​ຄວນ.

ຂອບໃຈຂ່າວແລະພາບ: ຂປລ