ສາດສະດາຈານສະຕີເຟັ່ນ ຮອກກິ້ງ ນັກທິດສະດີຈັກກະວານວິທະຍາຊື່ດັ່ງທີ່ສຸດແຫ່ງຍຸກ ເຕືອນດັງໆ ເຖິງຄວາມເປັນໄປໄດ້ທີ່ຄວາມກ້າວໜ້າຂອງມະນຸດຕ່າງດາວຈະສາມາດມາບຸກໂລກໄດ້ ຖ້າເຖິງມື້ນັ້ນຕອນໃດ ໂລກຂອງເຮົາຈະກາຍເປັນອານານິຄົມຂອງເອລ່ຽນ ບໍ່ຕ່າງຈາກສະໄໝໂຄລຳບັດ ຄົ້ນພົບທະວີບອາເມຣິກາ ແນະທາງອອກ ຮີບຊອກຫາ ‘ເຮືອນໃໝ່’ ເທິງດາວດວງອື່ນ
ເມື່ອວັນທີ່ 1 ຕຸລາ ສື່ຕ່າງປະເທດ ລວມທັງເວັບໄຊຕ໌ ເດິ ມິເລີ ອອນໄລນ໌ ລາຍງານເລື່ອງທີ່ສ້າງຄວາມແຕກຕື່ນໃຫ້ແກ່ມະນຸດອີກເທື່ອ ເມື່ອ ສະຕີເຟັ່ນ ຮອກກິ້ງ ນັກຟິສິກ ແລະ ນັກຈັກກະວານວິທະຍາຊື່ດັ່ງ ເຊີ່ງໄດ້ຮັບການຍົກຍ້ອງເປັນນັກວິທະຍາສາດອັດສະລິຍະຜູ້ຍິ່ງໃຫຍ່ຂອງໂລກໃນຍຸກນີ້ ກ່າວເຖິງເລື່ອງໃໝ່ໆ ກ່ຽວກັບວິທະຍາການຂອງມະນຸດຕ່າງດາວ ຫຼື ເອລ່ຽນ ເປັນເທື່ອທຳອິດຫຼັງຈາກສາດສະດາຈານຮອກກິ້ງໄດ້ສຶກສາຄົ້ນຄວ້າເພື່ອພະຍາຍາມໄຂປິດສະໜາຂອງສຸລິຍະຈັກກະວານມາຍາວນານວ່າ ຖ້າມະນຸດຕ່າງດາວມາຍັງໂລກຂອງເຮົາແທ້ ໂລກອາດຍອມແພ້ ແລະ ຕົກຢູ່ໃນສະຖານະເປັນອານານິຄົມຂອງມະນຸດຕ່າງດາວເຫຼົ່ານັ້ນ
‘ຖ້າເອລ່ຽນມາໂລກຂອງເຮົາ ຜົນລັບທີ່ຈະຕາມມາ ກໍຄືຊິຄ້າຍກັບເຫດການທີ່ ຄິດສ໌ໂຕເຟີ ໂຄລຳບັດ ແລ່ນເຮືອໄປພົບທະວີບອາເມຣິກາ ເຊີ່ງບໍ່ເປັນຜົນດີີຕໍ່ຊົນພື້ນເມືອງດັ່ງເດີມທີ່ອາໄສຢູ່ບ່ອນນັ້ນ’ ສາດສະດາຈານຮອກກິ້ງ ກ່າວກັບນັກຂ່າວຂອງ El Pais ພ້ອມກັນບອກວ່າ ຄວາມກ້າວໜ້າທາງເທກໂນໂລຍີ ຂອງມະນຸດຕ່າງດາວ ບາງທີຄືການສາມາດເດີນທາງໃນຈັກກະວານ ຊອກຫາດາວເຄາະທີ່ພວກເຂົາສາມາດເດີນທາງໄປເຖິງ ຈາກນັ້ນກໍຈະບຸກຢຶດ ແລະ ຄອບຄອງເປັນອານານິຄົມ
ສາດສະດາຈານຮອກກິ້ງ ເຊີ່ງດຳລົງຕຳແໜ່ງ ຜູ້ອຳນວຍການສູນ ວິໄຈທິດສະດີຈັກກະວານວິທະຍາແຫ່ງມະຫາວິທະຍາໄລເຄມບຣິດຈ໌ ປະເທດອັງກິດ ຍັງອະທິບາຍເຖິງໂອກາດທີ່ດີທີ່ສຸດໃນການຢູ່ລອດຂອງມະນຸດຄືການຫາ ‘ເຮືອນໃໝ່’ ເທິງດາວເຄາະດວງອື່ນ ພ້ອມເຕືອນວ່າ ມີຄວາມສ່ຽງທີ່ກຳລັງສູງຂຶ້ນເລື້ອຍໆ ທີ່ໄພດັ່ງກ່າວຈະທຳລາຍໂລກ ດ້ວຍເຫດນີ້ ພວກເຂົາຈຶ່ງຕ້ອງການໃຫ້ເຮົາໄດ້ຄິດເຖິງຄວາມສຳຄັນຂອງການສົ່ງຍານອາວະກາດໄປນອກໂລກ
ນອກນີ້ ການອອກມາເຕືອນມະນຸດເທິງໂລກເທື່ອນີ້ຂອງສາດສະດາຈານຮອກກິ້ງ ໄວ 73 ປີ ມີຂຶ້ນພຽງບໍ່ຈັກມື້ ຫລັງຈາກ ອົງການບໍລິຫານການບິນ ແລະ ອາວະກາດແຫ່ງຊາດຂອງສະຫາລັດ ຫຼື ນາຊ່າ ຫາກໍ່ອອກມາປະກາດເລື່ອງທີ່ສ້າງຄວາມຕື່ນເຕັ້ນວ່າພົບຫຼັກຖານສຳຄັນວ່າມີຂອງບໍ່ໄວ້ວາງໃຈເປັນໄລຍະເທິງດາວອັງຄານ ແລະ ກ່ອນໜ້ານັ້ນ ເອັດເວີດ ສະໂນວ໌ເດນ ອະດີດພະນັກງານສັນຍາຈ້າງຂອງສຳນັກງານແຫ່ງຊາດສະຫາລັດ (ເອັນເອດເອ) ທີ່ອອກມາເປີດເຜີຍເອັນເອດເອໄດ້ລັກຂໍ້ມູນສ່ວນຕົວຂອງຊາວໂລກຈົນພວກເຂົາຕ້ອງລີ້ໄພໄປຢູ່ໃນຣັດເຊຍ ຍັງອອກມາເປີດເຜີຍເລື່ອງຊັອກໂລກເມື່ອໄວໆ ນີ້ວ່າມະນຸດຕ່າງດາວນອກໂລກກຳລັງພະຍາຍາມຈະຕິດຕໍ່ໂລກຂອງເຮົາຢູ່ໃນຕອນນີ້