ສຳນັກຂ່າວຕ່າງປະເທດລາຍງານໃນວັນທີ 2 ຕຸລານີ້ວ່າ ເກີດເຫດເຮືອບິນລຳລຽງ Lockheed C-130 Hercules ຂອງສະຫະລັດອາເມຣິກາ ຕົກທີ່ສະໜາມບິນເມືອງຈາລາລາບັດ ທາງພາກຕາເວັນອອກສຽງເໜືອຂອງປະເທດອັບການິສະຖານ ຕອນເຊົ້າເດິກຂອງມື້ນີ້ (2 ຕຸລາ) ເປັນເຫດເຮັດໃຫ້ທະຫານອາເມຣິກາເສຍຊີວິດ 6 ຄົນ ແລະ ມີຜູ້ໂດຍສານຊຶ່ງເປັນພະນັກງານສັນຍາຈ້າງອີກ 5 ຄົນ ລວມຜູ້ເສຍຊີວິດທັງໝົດ 11 ຄົນ.
ດ້ານເຈົ້າໜ້າທີ່ສະຫະລັດອາເມຣິກາ ຍັງບໍ່ທັນຮູ້ຢ່າງຊັດເຈນເຖິງສາເຫດຂອງເຮືອບິນຕົກດັ່ງກ່າວ ຊຶ່ງກຳລັງດຳເນີນການສືບສວນວ່າ ເຮືອບິນຖືກຍິງຕົກຈາກການໂຈມຕີຂອງກຸ່ມຕິດອາວຸດ ຫລື ບໍ່.
