ຂປລ.ຕາມຂ່າວ ຕ່າງປະເທດ, ວັນທີ 1 ຕຸລາ 2015,ຢູ່ນະຄອນຫລວງປັກກິ່ງ ທ່ານ ຫລີ່ ເຄີຊຽງ, ນາຍົກ ລັດຖະມົນຕີຈີນ ໄດ້ກ່າວ ໃນງານລ້ຽງ ສະເຫລີມ ສະຫລອງ ວັນຊາດຈີນ ຄົບຮອບ 66 ປີ ວ່າ: ການພັດທະນາ ແນວທາງ ພື້ນຖານ ໃຫ້ປະຊາຊົນຈີນ ຈະເລີມ ຮຸ່ງເຮືອງຂຶ້ນ ແລະ ການປະຕິຮູບ ປະເທດ ໃນການພັດທະນາ ຢ່າງເຂັ້ມແຂງ.
ທ່ານ ຫລີ່ ເຄີຊຽງ ໄດ້ຍົກ ໃຫ້ເຫັນເຖິງ ຜົນສຳເລັດ ໃນການ ພັດທະນາ ປະເທດ ໄລຍະເວລາ 66 ປີ ນັບແຕ່ ສະຖາ ປະນາເປັນ ສາທາ ລະນະລັດ ປະຊາຊົນ ຈີນ ເປັນຕົ້ນມາ ເຮັດໃຫ້ ບົດບາດຂອງຈີນ ໄດ້ກ້າວຂຶ້ນ ໃນເວທີ ສາກົນ ແລະ ປະຊາຊົນຈີນ ທົ່ວໄປ ມີຄຸນນະພາບ ຊີວິດ ການເປັນຢູ່ ທີ່ດີຂຶ້ນ ຂະນະທີ່ ຍອດມູນຄ່າ ເສດຖະກິດ ຂອງຈີນ ຢູ່ໃນລະດັບ 10.000.000 ລ້ານໂດລາ ສະຫະລັດ ແລະ ສາມາດ ຊຸກຍູ້ ໃຫ້ເສດຖະກິດ ຂະຫຍາຍຕົວ ບໍ່ຫລຸດ 7%. ນອກນີ້ ຈີນ ຈະລົງເລິກ ການປະຕິຮູບ ໃນທຸກດ້ານ ພ້ອມທັງ ເຂົ້າຮ່ວມ ການແຂ່ງຂັນ ແລະ ຮ່ວມມື ລະຫວ່າງ ປະເທດ ຢ່າງຮອບດ້ານ.
ແຫລ່ງຂ່າວ:
