spot_img
Home​ຂ່າວທ່ອງທ່ຽວຫລວງພະບາງ - ສິບສອງພັນນາ ຮ່ວມມືກັນດ້ານການທ່ອງທ່ຽວ

ຫລວງພະບາງ – ສິບສອງພັນນາ ຮ່ວມມືກັນດ້ານການທ່ອງທ່ຽວ

Published on

01.10.15.1

ຂປລ. ກາງ​ ເດືອນ​ກັນຍາ​ຜ່ານ​ມາ, ທ່ານ ອ່ອນຈັນ ສຸວັນນະ​ລິດ ຫົວໜ້າ​ພະ​ແນ​ກຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ ແຂວງ​ຫລວງ​ພະ​ບາງ ​ພ້ອມຄະນະ ​ໄດ້ພົບ​ປະ​ແລກປ່ຽນ​ບົດຮຽນດ້ານ​ການທ່ອງທ່ຽວ​ກັບ​ ທ່ານ​ນາງ ຢຸ້ຍຄານ​ເນີ້​ນ ຮອງ​ຫົວໜ້າ​ຫ້ອງການ​ທ່ອງ​ທ່ຽວກິ່ງ​ແຂວງ​ສີ​ບສອງ​ພັນ​ນາ ພ້ອມ​ຄະນະຢູ່ກິ່ງ​ແຂວງ​ສິບ​ສອງ​ພັນ​ນາ ສປ ຈີນ.

ພາຍຫລັງ ​ທ່ານ​ນາງ ຢູ້ຍຄານ​ເນີ້​ນ ​ໄດ້​ອະທິບາຍ​ກ່ຽວ​ກັບ​ສະພາບ​ການທ່ອງທ່ຽວ​ພາຍ​ໃນ​ແຂວງຕົນ ລວມ​ເຖິງ​ທິດ​ທາງ​ແຜນ​ພັດທະນາ​ການທ່ອງ​ທ່ຽວ​ແຕ່​ນີ້​ຮອດ​ປີ 2020 ​ໃນ​ນັ້ນ ກິ່ງ​ແຂວງສີ​ບສອງ​ພັນ​ນາ​ ຈະ​ສ້າງ​ເ​ສັ້ນ​ທາງ​ລົດ​ໄຟ ​ໄປ​ຫາ​ແຫລ່ງ​ທ່ອງ​ທ່ຽວ, ​ສ້າງ​ເສັ້ນທາງ​ໆນ້ຳນັ່ງ​ເຮືອ​ຈາກ ສປປ ລາວ ມາ​ຫາ ສີ​ບສອງ​ພັນ​ນາ​. ຄະນະ​ນຳ​ສອງ​ຝ່າຍ ​ໄດ້​ພັດ​ປ່ຽນ​ກັນ​ມີ​ຄຳ​ເຫັນ​ ພ້ອມ​​ເຫັນ​ດີ​ໃຫ້​ມີ​ການ​ປຶກສາຫາລື​ກັນ 1 ປີ​ຕໍ່ຄັ້ງ​ຢ່າງເປັນ​ປົກກະຕິ, ​ເພື່ອ​ຊອກ​ໃຫ້​ເຫັນ​ບັນຫາ​ຂໍ້ຄົງຄ້າງ​ກ່ຽວກັບ​ການທ່ອງທ່ຽວ ກໍ​ຄື​ນັກ​ທ່ອງ​ທ່ຽວ​ຂອງ​ສອງ​ປະ​ເທດ, ບັນຫາ​ການກະທຳ​ຜິດ​ທາງ​ກົດໝາຍ​ຂອງ​ນັກ​ທ່ອງ​ທ່ຽວ, ການ​ສ້າງ​ສູນ​ຂໍ້​ມູນ​ຂ່າວສານ​ດ້ານ​ການທ່ອງທ່ຽວ ສີ​ບສອງ​ພັນ​ນາ ​ແລະ ຫລວງ​ພະ​ບາງ, ການ​ເຜີຍ​ແຜ່​ກົດໝາຍ​ລະຫວ່າງ​ປະ​ເທດ ​ໃຫ້​ບໍລິສັດ​ທົວນຳ​ໄປ​ເຜີຍ​ແຜ່​ໃຫ້​ນັກ​ທ່ອງ​ທ່ຽວ​, ກົດ​ລະບຽບ​ການ​ນຸ່ງ​ຖື​ເຂົ້າ​ສະ​ຖານ​ທີ່​ທ່ອງ​ທ່ຽວ ​ແລະ ບັນຫາ​ອື່ນໆ.

​ ໂອກາດ​ນີ້ ຄະນະ​ນຳ​ພະ​ແນກຖະ​ແຫລງຂ່າວ ວັດທະນະທຳ ​ແລະ ທ່ອງ​ທ່ຽວ ​ແຂວງ​ຫລວງ​ພະ​ບາງ ຍັງ​ໄດ້​​ໄປ​ທ່ຽວ​ຊົມສະຖານ​ທີ່​ທ່ອງທ່ຽວທີ່​ຂຶ້ນ​ຊື່​ຂອງສີ​ບສອງ​ພັນ​ນາ​ ເປັນ​ຕົ້ນ​ແມ່ນ: ບ້ານ​ຊົນ​ເຜົ່າ​ຈີ​ນນໍ່, ບ້ານໄທລື້ກາຫລັ່ນປ້າ, ຊົມການ ສະແດງວັດທະນະທຳໄຕລື້ 12 ພັນນາ, ທ່ຽວ​ຊົມສວນ​ມ່ານ​ທິງ (ສວນ​ບ້ານ​ຖິ່ນ) ​ແລະ ພູ​ເຂົາ​ຊ້າງ​ປ່ານຳ​ອີກ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...