ເຮັດແນວດີໆ ເລັກໆ ນ້ອຍໆ ບໍ່ມີຊື່ ບໍ່ມີຄົນຈົດຈຳ ເັຮດດ້ວຍໃຈບໍລິສຸດເລື້ອຍມາ
—————————————–
ເບິ່ງໂລກແບບຂ້ອຍເບິ່ງຈັ່ງໃດ
ຄືດັ່ງເຄີຍໃຫ້ສຳພາດນັ້ນລະວ່າ ຊີວິດທີ່ເລືອກເກີດບໍ່ໄດ້ ລົດຊາດມັນເຂັ້ມຍິ່ງກວ່າເລືອດ, ຊີວິດຂ້ອຍສູ້ພໍໆ ກັບນັກຮົບໃນສະໝໍລະພູມ, ອາວຸດທີ່ໃຊ້ຄື ວິຊາຂອງພະພຸດທະເຈົ້າ.
ຄວາມຮູ້… ອາດຈະຄຸ້ມກະດອງຫົວບໍ່ໄດ້ຕະຫຼອດເວລາ ແຕ່ຄວາມດີ ຄຸ້ມຄອງເຮົາໄດ້ທັງພົບນີ້ແລະພົບໜ້າ
ຂ້ອຍເຊື່ອວ່າ ບຸນກຳທີ່ເຮົາເຮັດ ເຮັດ ແລະເຮັດ ມາ ບໍ່ຕ້ອງຖ້າຮອດຊາດໜ້າດອກ ມັນຈະເຫັນຜົນໃນຊາດນີ້ແນ່ນອນ
ຂໍພຽງເຮົາເຊື່ອ ແລະສັດທາ ໂດຍປາສະຈາກຄວາມສົງໄສລັງເລ
ທຳຄວາມດີກໍຂໍໃຫ້ທຳດ້ວຍໃຈບໍລິສຸດ ບໍ່ຕ້ອງຄາດຫວັງວ່າຈະໄດ້ ເພາະເຮົາເຊື່ອແລະສັດທາໃນຄວາມດີຢູ່ແລ້ວ
ເຊັ່ນເຮົາເຮັດວຽກຊ່ວຍໃຜຈັກຄົນໜຶ່ງ ຫຼືມອບສິ່ງດີໆ ມີຄ່າໃຫ້ໃຜຈັກຄົນ ຖ້າເຮົາມີໃຈຄາດຫວັງວ່າ ເຂົາຈະຊ່ວຍເຮົາຫຼື ຕ້ອງໃຫ້ເຮົາຕອບແທນໃນວັນຂ້າງໜ້າ ສະແດງວ່າເຮົາບໍ່ໄດ້ໃຫ້ດ້ວຍໃຈບໍລິສຸດ
ພະພຸດທະເຈົ້າຕັດວ່າ ມີອານິສົງໜ້ອຍ ມີຜົນໜ້ອຍ
ຂ້ອຍນັ່ງຢ້ອນລຳລຶກຄວາມດີງາມທີ່ເຄີຍສ້າງມາ
ເຄີຍຊ່ວຍຜູ້ນັ້ນຜູ້ນີ້ ບາງຄົນກໍບັນລຸຕາມເປົ້າໝາຍ
ຂ້ອຍບໍ່ເຄີຍຄາດຫວັງວ່າ ຂ້ອຍຈະຕ້ອງໄດ້ກັບຄືນ ຂ້ອຍຂໍອຸທິດຄວາມດີເຫຼົ່ານັ້ນ ແດ່…ດ້ວຍໃຈບໍລິສຸດ
ແລະສິ່ງທີ່ຂ້ອຍໄດ້ຮັບກັບມາ ກໍຖືວ່າເປັນຄວາມຍິ່ງໃຫຍ່ ຈາກຄວາມດີທີ່ເຮົາສ້າງມາ ດ້ວຍໃຈບໍລິສຸດ