ວັນທີ 28 ກັນຍາຜ່ານມາທີ່ສະຖານທູດອັງກິດ ນະຄອນຫຼວງວຽງຈັນ ໄດ້ມີພິທີຕ້ອນຮັບສະຫະພັນກິລາຣັກບີ້ແຫ່ງຊາດລາວກໍຄື ນັກກິລາຣັກບີ້ອາຍຸ 13 ປີ ໂດຍມີ ຊື່ທີມພະຍານາກນ້ອຍເພື່ອໄປຮ່ວມແຂ່ງຂັນໃນມະຫະກຳຊ່ວຍເຫຼືອການທ່ອງທ່ຽວຂອງຣັກບີ້ ແລ ະການແຂ່ງຂັນຣັກບີ້ໂລກ 2015 ທີ່ປະເທດອັງກິດ ໂດຍໃຫ້ ກຽດເຂົ້າຮ່ວມ ຣູ່ ອີວານ ເອກອັກຄະຣາຊະທູດອັງກິດປະຈຳລາວ ພ້ອມດ້ວຍທີມງານສະຫະພັນຣັກບີ້ ແລະ ນັກກີລາເຂົ້າຮ່ວມ.
ທ່ານທູດໄດ້ກ່າວວ່າ: ການເຂົ້າຮ່ວມການແຂ່ງຂັນຄັ້ງນີ້ແມ່ນເນັ້ນໃຫ້ເຫັນເຖິງວ່າຣັກບີ້ໄດ້ເຮັດໃຫ້ອັງກິດ ແລະ ລາວຍິ່ງໃກ້ຊິດກັນຫຼາຍຂຶ້ນທັງລາວ ແລະ ອັງກິດມີປະຫວັດກ່ຽວກັບຣັກບີ້ມາຍາວນານ ແລະ ທັງສອງປະເທດແນ່ນອນວ່າໄດ້ ຮັບຜົນປະໂຫຍດຈາກການແລກປ່ຽນດ້ານວັດທະນະທຳຄືດັ່ງກ່າວ.
ສຳລັບການເດີນທາງໄປແຂ່ງຂັນຄັ້ງນີ້ແມ່ນຈະໃຊ້ເວລາທັງໝົດ 10 ວັນ ຊຶ່ງນັກກີິລາຈະຢູ່ກັບຄອບຄົວຂອງນັກຮຽນຈາກໂຮງຮຽນ ຊູເບີຣີ ແລະ ຈະແຂ່ງຂັນຮ່ວມກັບທີມອາຍຸ 15 ປີຂອງທີມເຈົ້າບ້ານ ໂດຍຈະມີການແຂ່ງຂັນກັນ 9 ທີມ ຈາກບອສວານາ, ໂຄລົມເບຍ, ຮົງກົງ, ອິນເດຍ, ເຄັນຢາ, ອາຟຣິກກາໃຕ້, ສະວາຊິແລນ ແລະອູກັນດາ.
ໃນການແຂ່ງຂັນທົວນາເມັນສອງວັນໃນເກມສຸດທ້າຍໃນເທດສະການ ເຊີ່ງນັກກິລາລາວຈະມີໂອກາດຫຼິ້ນຄົນລະຟາກກັບສອງທີມທີ່ໄດ້ຄັດເລືອກ ປະກອບມີຜູ້ຫຼິ້ນຈາກແຕ່ລະທີມ ໂດຍຈະໄດ້ຮັບການແນະນຳ ຫຼື ຄູຝຶກໂດຍ ເຊສເຕີ ວິນລຽມ ອະດີດນັກກີລາ ທີມຊາດອາຟຣິກກາໃຕ້, ອັງກິດ ແລະ ໄອແລນ.
