spot_img
Homeຂ່າວພາຍ​ໃນເຂດເສດຖະກິດພິເສດ - ສະເພາະ ດຶງດູດການລົງທຶນ 4 ຕື້ກວ່າໂດລາ!

ເຂດເສດຖະກິດພິເສດ – ສະເພາະ ດຶງດູດການລົງທຶນ 4 ຕື້ກວ່າໂດລາ!

Published on

294

ຂປລ. ປັດຈຸບັນ ​ເຂດ​ເສດຖະກິດ ​ພິ​ເສດ ​ແລະ ​ເຂດ​ເສດຖະກິດສະ​ເພາະ ຢູ່ ສປປ ລາວ​ ໄດ້​ຮັບການ​ພັດທະນາຢ່າງ​ເປັນ​ຮູບ​ປະ​ທຳ ​ໂດຍສາມາດ​ດຶງ​ດູດ ​ນັກ​ລົງທຶນຕ່າງປະ​ເທດ ເຂົ້າມາ​ດຳ​ເນີນ​ທຸລະ​ກິດ ​ໄດ້ເຖິງ 4 ຕື້ກວ່າ​ໂດ​ລາ​ສະຫະລັດ.

​ຕາມ​ການ​ລາຍ​ງານ​ຂອງ​ທ່ານ ດຣ. ​ເຂິງ​ຄຳ ​ແກ້ວ​ໜູ​ຈັນ ຮອງ​ຫົວໜ້າ​ກອງ​ເລຂາ ຄະນະ​ກຳມະການ​ແຫ່ງ​ຊາດ​ລາວ ​ເພື່ອ​ຄຸ້ມ​ຄອງ​ເຂດ​ເສດຖະກິດ ​ພິ​ເສດ ​ແລະ ​​ສະ​ເພາະ ​ໄດ້​ກ່າວ ໃນ​ກອງ​ປະຊຸມ​ທຸລະ​ກິດ​ການ​ຄ້າ ​ແລະ ການ​ລົງທຶນ​ ລະຫວ່າງ ​ລາວ-ຈີນ ຢູ່ທີ່ງານວາງສະແດງສິນຄ້າ ຈີນ-ອາຊຽນ ຄັ້ງທີ 12 ຢູ່ເມືອງໜານໜິງ ແຂວງກວາງຊີວ່າ:  ​ເຖິງ​ແມ່ນ​ວ່າສະພາບ​ການ​ລວມ ຂອງ​ການ​ພັດທະ​ນາ​ ເສດຖະກິດ-ສັງຄົມ ​ໂດຍສະ​ເພາະ ດ້ານ​ມະຫາ​ພາກຂອງ​ລາວ ພວມ​ປະ​ເຊີນ​ກັບສິ່ງ​ທ້າ​ທາຍ​ຫລາຍ ​ປະການ, ​ແຕ່​ໃນ​ຂະນະ​ດຽວ​ກັນ ການພັດທະນາ​ໃນ​ຂົງ​ເຂດ ເສດຖະກິດ ​ພິ​ເສດ ​ແລະ ​ເຂດ​ເສດຖະກິດ​ສະ​ເພາະ ຍັງ​ເປັນ​ຂະ​ແໜງ​ການ​ໜຶ່ງ​ ທີ່​ສືບຕໍ່​ຂະຫຍາຍຕົວ​ຢ່າງ​ຕໍ່​ເນື່ອງ ​​ໂດຍ​ສະ​ເພາະ ໃນ​ດ້ານ​ການ​ດຶງ​ດູດ​ການ​ລົງທຶນຈາກ​ຕ່າງປະ​ເທດ  ສປປ ລາວ ມີ​ເຂດ​ເສດຖະກິດ​ພິ​ເສດ ​ແລະ ​ ສະ​ເພາະທັງ​ໝົດ 11 ​ເຂດ ​ໃນ​ນັ້ນ​ເປັນ​ເຂດ​ອຸດສາຫະກຳ 5 ​ເຂດ, ​ເຂດ​ບໍລິການ 3 ​ເຂດ ​ແລະ ​ເຂດ​ການ​ຄ້າ 3 ​ເຂດ ​​ເຊິ່ງມາ​ເຖິງ​ປັດຈຸບັນ ​ໄດ້​ມີ​ນັກ​ລົງທຶນ​ສະ​ເໜີ​ເຂົ້າ​ມາ​ລົງທຶນ​ ໃນ​ເຂດ​ດັ່ງກ່າວ ກວມ​ມູນ​ຄ່າ​ທັງ​ໝົດ 4 ຕື້​ໂດ​ລາ​ສະຫະລັດ ​ ແລະ ​ໃນ​ຂະນະ​ນີ້, ​ແຕ່ມີ​ມູນ​ຄ່າ​ການ​ລົງທຶນ​ຕົວ​ຈິງ 1,2 ຕື້​ໂດ​ລາ​ສະຫະລັດ, ມີ​ນັກລົງທຶນ​ທັງ​ພາຍ​ໃນ ​ແລະ ຕ່າງປະ​ເທດ​ ເຂົ້າມາ​ດຳ​ເນີນ​ທຸລະ​ກິດ​​ຫລາຍ​ກວ່າ 420 ບໍລິສັດ. ໃນນັ້ນ ນັກລົງທຶນຈາກ ສປ ຈີນ ​ເປັນອັນ​ດັບ​ໜຶ່ງ​ມີ​ເຖິງ 234 ກວ່າບໍລິສັດ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ໄຂຂຶ້ນຢ່າງເປັນທາງການ ງານມະຫະກຳກິລາຊີເກມ ຄັ້ງທີ 33 ທີ່ປະເທດໄທ, ສປປ ລາວ ສົ່ງ 39 ປະເພດກິລາ ຮ່ວມຊີງໄຊ ພ້ອມຕັ້ງເປົ້າ 5 ຫຼຽນຄຳ

ງານມະຫະກຳກິລາຊີເກມ ຄັ້ງທີ 33 ທີ່ປະເທດໄທ ເປັນເຈົ້າພາບ ໄດ້ໄຂຂຶ້ນຕອນຄໍ່າວັນທີ 9 ທັນວາ 2025 ຢູ່ສະໜາມກິລາຣາຊະມັງຄາລາກິລາສະຖານ ນະຄອນຫຼວງບາງກອກ, ໂດຍການໃຫ້ກຽດກ່າວເປີດງານຂອງສົມເດັດພະເຈົ້າຢູ່ຫົວ ມະຫາວະຊິຣາລົງກອນ ພະມະຫາກະສັດ...

ສະມາຄົມນັກຂ່າວແຫ່ງ ສປປ ລາວ ຕ້ອນຮັບຄະນະນັກຂ່າວນັກໜັງສືພິມແຫ່ງປະເທດໄທ

ຕ້ອນຮັບຄະນະຜູ້ແທນນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ ເຄື່ອນໄຫວເຮັດວຽກຢູ່ລາວ. ໃນຕອນເຊົ້າຂອງວັນທີ 4 ທັນວາ 2025, ສຳນັກຂ່າວອອນລາຍລາວໂພສກໍຄືໃນນາມສະມາຄົມນັກຂ່າວແຫ່ງ ສປປ ລາວ ໄດ້ຕ້ອນຮັບຄະນະຜູ້ແທນຈາກ ສະມາຄົມນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ...

ບໍ່ສະໜັບສະໜູນ ການນນຳເຂົ້າສິລະປິນຕ່າງປະເທດ ເພື່ອມາຈັດຄອນເສີດ ໃນນະຄອນຫຼວງວຽງຈັນ ເພື່ອຮັກສາ ແລະ ສົ່ງເສີມສິລະປະວັດທະນະທໍາຂອງຊາດ

ອີງຕາມ ແຈ້ງການແນະນໍາ ຂອງພະແນກ ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນສະບັບເລກທີ 1613/ວທ.ນວ ລົງວັນທີ 21 ພະຈິກ ປີ 2025 ມີດັ່ງນີ້

ປັບໄໝ 3,000,000 ກີບ/ຄັ້ງ ຖ້າບຸກຄົນໃດໂພສຂາຍສິນຄ້າອອນລາຍ ໂດຍບໍ່ແຈ້ງລົງທະບຽນທາງການຄ້າ ແມ່ນຈະຖືກປັບໄໝ ພ້ອມການກ່າວເຕືອນ, ສຶກສາອົບຮົມ ແລະ ເຮັດບົດບັນທຶກ

ຂໍ້ຕົກລົງ ວ່າດ້ວຍການປັບໃໝ ແລະ ການນໍາໃຊ້ມາດຕະການອື່ນ ຕໍ່ຜູ້ລະເມີດ ດຳລັດ ແລະ ລະບຽບການ ກ່ຽວກັບການຄ້າທາງເອເລັກໂຕຣນິກ ເລກທີ 2828/ອຄ ວັນທີ 11 ພະຈິກ...