ຂປລ. ເນື່ອງຈາກໄລຍະຜ່ານມາ ມີຝົນຕົກໜັກຕິດຕໍ່ກັນຫລາຍວັນ ເປັນສາເຫດໃຫ້ເສັ້ນທາງແຕ່ກາສີຫາເມືອງນານ ທີ່ເປັນເສັ້ນທາງກໍ່ສ້າງໃໝ່ ຖືກເຊາະເຈື່ອນ ໃນກິໂລແມັດທີ 36 ເພື່ອແກ້ໄຂສະພາບດັ່ງກ່າວ ປັດຈຸບັນວິຊາການຈາກໂຄງການບູລະນະຮັກສາທາງຫລວງເຂດ 3 ໄດ້ສົມທົບກັບ ວິຊາການ ພະແນກໂຍທາທິການ ແລະ ຂົນສົ່ງ(ຍທຂ) ແຂວງວຽງຈັນ, ຫ້ອງການ ຍທຂ ເມືອງ, ພວມເລັ່ງສ້ອງແປງເສັ້ນທາງດັ່ງກ່າວ ໂດຍທາງວິຊາການ ໄດ້ດຳເນີນການແກ້ໄຂ ຕັດຕະລິ່ງທາງເບື້ອງເທິງ, ຫຍັບແລວທາງເຂົ້າດ້ານໃນ, ສ່ວນຕະລິ່ງທາງເບື້ອງນອກ ທີ່ເປັນເຫວເລິກ ແມ່ນຈະຫາວິທີການແກ້ໄຂພາຍຫລັງໝົດລະດູຝົນນີ້.
ສະນັ້ນ ຈຶ່ງຂໍຝາກເຖິງຜູ້ໃຊ້ລົດ ໃຊ້ຖະໜົນຜ່ານເສັ້ນທາງດັ່ງກ່າວ ໃນໄລຍະນີ້ຈະມີຄວາມຫຍຸ້ງຍາກພໍສົມຄວນ ແລະ ຕ້ອງໄດ້ລະມັດລະວັງ ໃນການເດີນທາງ ເພື່ອຄວາມປອດໄພ ຂອງທ່ານ.
ແຫລ່ງຂ່າວ:
