spot_img
Homeຂ່າວພາຍ​ໃນພະລັງສື່ອອນລາຍ! ກະຊວງການເງິນ ກຽມກວດສອບພະນັກງານ ລໍ່າລວຍຜິດປົກກະຕິ!

ພະລັງສື່ອອນລາຍ! ກະຊວງການເງິນ ກຽມກວດສອບພະນັກງານ ລໍ່າລວຍຜິດປົກກະຕິ!

Published on

finance

ກະຊວງການເງິນ ຈະເພີ່ມມາດຕະການຕິດຕາມ ແລະ ກວດສອບການເຄື່ອນໄຫວຂອງພະນັກງານໃນຂະແໜງການຕົນໃຫ້ເຂັ້ມງວດຫລາຍຂຶ້ນ, ພາຍຫລັງມີກະແສສັງຄົມໄດ້ສ່ອງແສງຜ່ານສື່ສັງຄົມອອນລາຍຢ່າງແຜ່ຫລາຍ ວ່າມີພະນັກງານຈໍານວນໜຶ່ງລໍ້າລວຍຜິດປົກກະຕິ, ໂດຍສະເພາະຂະແໜງພາສີ, ອາກອນ ແລະ ຂະແໜງອື່ນໆທີ່ຕິດພັນກັບຂົງເຂດເສດຖະກິດ.

ບັນຫາດັ່ງກ່າວໄດ້ຮັບການຢືນຢັນຈາກ ທ່ານລັດຖະມົນຕີຊ່ວຍວ່າການກະຊວງການເງິນ ສີລາ ວຽງແກ້ວ ໃນໂອກາດໃຫ້ສໍາພາດຕໍ່ສື່ມວນຊົນ ເມື່ອທ້າຍອາທິດຜ່ານມາ, ທີ່ສະພາແຫ່ງຊາດ, ນະຄອນຫລວງວຽງຈັນ, ເຊິ່ງທ່ານໄດ້ຍົກເອົາ ກໍລະນີທີ່ປະຊາຊົນ ໄດ້ສະເໜີຂໍ້ມູນຜ່ານສື່ສັງຄົມອອນລາຍ ກ່ຽວກັບພະນັກງານພາສີ, ອາກອນປະຈໍາຢູ່ດ່ານສາກົນຂົວມິດຕະພາບ, ດ່ານທ່ານາແລ້ງຈໍານວນໜຶ່ງ ມີຖານະລໍ້າລວຍຂຶ້ນຢ່າງຜິດປົກກະຕິ, ມີລົດຄາລາແພງຫລາຍຄັນ, ມີດິນຫລາຍຕອນທັງທີ່ເປັນພະນັກງານລັດຖະກອນ, ຊຶ່ງຊັບສີນດັ່ງກ່າວ ອາດໄດ້ມາດ້ວຍການສໍ້ລາດບັງຫລວງ ຫລື ສວຍໃຊ້ຕໍາແໜ່ງໜ້າທີ່ແບບບໍ່ຖືກຕ້ອງຕາມລະບຽບກົດໝາຍ.

ທ່ານລັດຖະມົນຕີຊ່ວຍວ່າການກະຊວງການເງິນກ່າວວ່າ: ບັນຫາການລໍ້າລວຍຜິດປົກກະຕິ ຂອງພະນັກງານລັດແມ່ນເປັນບັນຫາລວມຂອງກະຊວງການເງິນ, ຊຶ່ງຜ່ານມາຄະນະນໍາກະຊວງການເງິນ ກໍໄດ້ລົງກວດສອບພະນັກງານເປັນປົກກະຕິ ແລະ ຖ້າພົບເຫັນການກະທໍາຜິດ ກໍໄດ້ມີການປະຕິບັດວິໄນຕາມລະບຽບກົດໝາຍຢ່າງເຂັ້ມງວດ, ສໍາລັບພະນັກງານພາສີ ກໍນອນໃນເງື່ອນໄຂຄືກັນກັບພະນັກງານໃນຂະແໜງການເງິນທົ່ວໄປ, ສ່ວນຂໍ້ມູນທີ່ມີເຜີຍແຜ່ຜ່ານສື່ສັງຄົມອອນລາຍໃນໄລຍະຜ່ານມານັ້ນ, ກໍແມ່ນສໍາຄັນສ່ວນໜຶ່ງທີ່ກົມພາສີ ໄດ້ເອົາເປັນຂໍ້ມູນພື້ນຖານໃນການ ກວດສອບພະນັກງານ ຫລື ກຸ່ມເປົ້າໝາຍຕາມລະບຽບການ ແລະ ບັນຫາຕິດຕາມການລໍ້າລວຍຜິດປົກກະຕິຂອງພະນັກງານນີ້, ກະຊວງ ການເງິນຈະໄດ້ສົມທົບກັບຂະແໜງກາກ່ຽວຂ້ອງອື່ນໆ ເພື່ອດໍາເນີນການກວດສອບຢ່າງເຂັ້ມງວດ ແລະ ດໍາເນີນວິໄນຢ່າງເຄັ່ງຄັດ ຕາມລະບຽບກົດໝາຍຕໍ່ຜູ້ກະທໍາຜິດ ແລະ ມີການປະພຶດສໍ້ລາດບັງຫລວງ.

 

ແຫລ່ງຂ່າວ:

ລພນ

 

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...