ເວັບໄຊຕ໌ Boredpanda ເຜີຍພາບຂອງເມືອງສຸດໜ້າຮັກແປກຕາຈາກສະກອດແລນດ໌ ຊຶ່ງປະດັບປະດາໄປດ້ວຍພົມຖັກມືຫລາຍສີສັນ ແຕ່ໃຜຈະເຊື່ອວ່າຜົນງານເຫລົ່ານີ້ຈະເປັນຝີມືຂອງເຈົ້າແມ່ເຖົ້າທວດໄວ 104 ປີ
ແມ່ເຖົ້າທວດສິນສະປິນລາຍນີ້ມີນາມວ່າ ເກດຊ໌ ເບດ ຊຶ່ງຈະວ່າໄປແລ້ວເຈົ້າແມ່ເຖົ້າຄົນນີ້ຖືໄດ້ວ່າເປັນສິນສະປິນທີ່ແກ່ທີ່ສຸດໃນໂລກເລີຍກໍວ່າໄດ້ ແມ່ເຖົ້າເກດຊ໌ໄດ້ຮັບການຊ່ວຍເຫລືອຈາກກຸ່ມ Souter Stormers ຊຶ່ງເປັນກຸ່ມສິນລະປະແບບລັບໆ ໃນເມືອງທີ່ຈະຄອຍຖ້າສ້າງຄວາມສວຍງາມໃຫ້ກັບເມືອງດ້ວຍການຖັກພົມໄປຕົກແຕ່ງຕາມສະຖານທີ່ສຳຄັນຕ່າງໆ ໃນເມືອງກວ່າ 46 ແຫ່ງ
ແມ່ເຖົ້າເກດຊ໌ບອກວ່າ ມັນເປັນໄອເດຍທີ່ດີຫລາຍທີ່ນາງຈະຕົກແຕ່ງເມືອງໃຫ້ສວຍງາມ ຄອບຄູ່ໄປກັບການເຮັດສິ່ງທີ່ຕົນຮັກຢ່າງການຖັກພົມ ອີກທັງນາງຍັງມັກໃຫ້ຄົົນທີ່ຜ່ານໄປມາຊື່ນຊົມຜົນງານຂອງນາງດ້ວຍ ນອກຈາກນີ້ລູກສາວໄວ 74 ປີ ຂອງເຈົ້າແມ່ເຖົ້າເກດຊ໌ຍັງເຜີຍວ່າ ແມ່ເຖົ້າຖັກຕະຫລອດເວລາແລະຖັກມາຕະຫລອດຊີວິດ ແມ່ເຖົ້າມັກຈະຖັກໃຫ້ກັບພວກເດັກນ້ອຍ ລວມໄປເຖິງຖັກເປັນຜ້າຄຸມບ່ານຳອີກ
ນອກຈາກນີ້ກຸ່ມສີນລະປະ Souter Stormers ດັ່ງກ່າວປະກອບໄປດ້ວຍສິນລະປິນຫລາຍໄວນຳກັນ ຊຶ່ງຕ່າງກໍໄດ້ຮັບແຮງບັນດານໃຈມາຈາກແມ່ເຖົ້າເກດຊ໌ທີ່ໃຊ້ຄວາມສາມາດດ້ານສິນລະປະ ແລະ ຄວາມສ້າງສັນມາຕົກແຕ່ງເມືອງໃຫ້ໜ້າຮັກແບບນີ້ ແລະ ເຖິງວ່າແມ່ເຖົ້າເກດຊ໌ຈະມີອາຍຸຫລາຍເຖິງ 104 ປີ ແຕ່ທາງຕົວແທນຂອງກຸ່ມສິນລະປະກຸ່ມນີ້ ກໍຍັງຢືນຢັນຢ່າງໝັ່ນໃຈວ່າອາຍຸຂອງແມ່ເຖົ້າເກດຊ໌ນັ້ນບໍ່ໄດ້ເປັນອຸປະສັກຕໍ່ຜົນງານສິນລະປະຮ່ວມສະໄໝນີ້ແຕ່ຢ່າງໃດ.. ໜ້າຮັກຂະໜາດນີ້ເກືອບບໍ່ເຊື່ອເລີຍວ່າເປັນຝີມືຂອງແມ່ເຖົ້າທວດ
