ເມື່ອວັນທີ່ 28 ກັນຍາ ເວັບໄຊຕ໌ສະເຕດທາມ ລາຍງານວ່າ ຍີ່ປຸ່ນກຽມຮັບມື “ພາຍຸໄຕ້ຝຸ່ນ” ທີ່ກຳລັງເຄື່ອນຕົວພັດຖະຫລົ່ມໄຕ້ຫວັນ ແລະ ມີຄວາມຮຸນແຮງລະດັບ 4 ຄາດຈະເຮັດໃຫ້ເກີດຝົນຕົກໜັກ ແລະ ດິນເຈື່ອນໃນບາງພື້ນທີ່
ລາຍງານລະບຸວ່າ ເຮັດໃຫ້ນັກທ່ອງທ່ຽວເກືອບ 3,000 ຄົນ ຕ້ອງອົບພະຍົບອອກຈາກເກາະນອກຊາຍຝັ່ງໄຕ້ຫວັນເມື່ອວັນທີ່ 27 ກັນຍາທີ່ຜ່ານມາ ກ່ອນທີ່ພາຍຸໄຕ້ຝຸ່ນ ຊຶ່ງມີຄວາມໄວລົມປະມານ 210 ກິໂລແມັດຕໍ່ຊົ່ວໂມງ ຈະເລີ່ມເຄື່ອນຕົວເດີນໜ້າພັດຖະຫລົ່ມໄຕ້ຫວັນ ແລະ ຈະເຄື່ອນຕົວຕໍ່ໄປຍັງເກາະອິຊິງາກິຂອງຍີ່ປຸ່ນໃນຕອນສວຍຂອງມື້ນີ້ ລວມເຖິງພັດໄປຍັງຈີນໃນມື້ອື່ນ
ໜ່ວຍງານອຸຕຸນິຍົມວິທະຍາຂອງຍີ່ປຸ່ນ ໄດ້ອອກປະກາດເຕືອນປະຊາຊົນວ່າ ໄຕ້ຝຸ່ນລູກນີ້ເບິ່ງຄືຈະເພີ່ມຄວາມຮຸນແຮງຂຶ້ນເປັນລະດັບ 5 ໄດ້ ຖ້າຫາກໄຕ້ຝຸ່ນເຄື່ອນຕົວເຂົ້າຍີ່ປຸ່ນ ອາດເຮັດໃຫ້ເກີດຄື້ນສູງເຖິງ 13 ແມັດ ຂໍໃຫ້ປະຊາຊົນກຽມຮັບມືກັບຝົນຕົກໜັກ ແລະ ອາດມີດິນເຈື່ອນໃນບາງພື້ນທີ່ ຂະນະທີ່ຕອນນີ້ຖ້ຽວບິນໄດ້ຖືກລະງັບໄປແດ່ແລ້ວ