ເມື່ອວັນທີ່ 24 ກັນຍາ ສຳນັກຂ່າວ CNN ລາຍງານຂ່າວດ່ວນຈາກປະເທດຊາອຸດີ ອາຣັບບິ ເມື່ອເກີດເຫດຜູ້ສະແຫວງບຸນຢຽບກັນຕາຍລະຫວ່າງປະກອບພິທີຣັຈ ໃນເມືອງມີນາ ເມືອງນ້ອຍໆ ທີ່ຢູ່ຫ່າງຈາກນະຄອນເມກກະໄປພຽງ 5 ກິໂລແມັດ ສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 310 ລາຍ ແລ ະບາດເຈັບອີກປະມານ 450 ລາຍ
ຈາກຄຳເປີດເຜີຍຂອງມັນຊູ ອັນຕູກີ ລະບຸວ່າ ເຫດການນີ້ເກີດຂຶ້ນລະຫວ່າງທີ່ຜູ້ສະແຫວງບຸນກຳລັງຮ່ວມພິທີໂຍນເສົາຫິນ ຊຶ່ງຈະເປັນການໂຍນເພື່ອຕໍ່ຕ້ານຜີຮ້າຍ ອັນເປັນສ່ວນຫນຶ່ງຂອງການປະກອບພິທີຮັຈ ຢ່າງໃດກໍດີຫລັງເກີດເຫດທາງການໄດ້ນຳກຳລັງເຈົ້າຫນ້າທີ່ກວ່າ 4,000 ຄົນ ແລະ ລົດສົ່ງຄົນເຈັບຫລາຍກວ່າ 220 ຄັນ ຍ່າງໜ້າໄປຍັງທີ່ເກີດເຫດເພື່ອໃຫ້ຄວາມຊ່ວຍເຫລືອແລ້ວ
ການປະກອບພິທີຮັຈປີນີ້ ມີຜູ້ສະແຫວງບຸນເຂົ້າຮ່ວມພິທີປະມານ 2 ລ້ານຄົນ ຂະນະທີ່ເຫດການທີ່ຫາກໍ່ຈະເກີດຂຶ້ນນີ້ ນັບເປັນເຫດການສຸດເສົ້າເທື່ອທີ່ 2 ໃນຮອບເດືອນກັນຍາ ທີ່ເກີດຂື້ນລະຫວ່າງການປະກອບພິທີຮັຈ
