Elon Musk ນັກທຸລະກິດຊື່ດັງເຈົ້າຂອງບໍລິສັດໂຄງການອາວະກາດເອກະຊົນ SpaceX ໄດ້ໃຫ້ສຳພາດໃນລາຍການ The Late Show with Stephen Colbert ໃນວັນທີ່ 9 ກັນຍາ ທີ່ມີໃຈຄວາມດັ່ງນີ້
Elon Musk ແນວຄິດເລື່ອງການບຸກເບີກໃຫ້ດາວອັງຄານ (Mars Colonization) ໃນລະບົບສຸລິຍະໃຫ້ເປັນທີ່ທີ່ມະນຸດອາໄສໄດ້ (habitable) ໄດ້ເວົ້າໃນລາຍການກ່ຽວກັບການປ່ຽນແປງພື້ນຜິວດາວ (Terraforming) ວ່າມີທາງລັດໜຶ່ງທີ່ສາມາດເຮັດໃຫ້ເກີດກະບວນການນີ້ໄດ້ວ່ອງໄວຄືການໃຊ້ Termo-nuclear ຫລືລະເບີດນິວເຄລຍຊະນິດໜຶ່ງ ທີ່ມະນຸດຄິດຂຶ້ນ ຖິ້ມລົງໄປທີ່ຂົ້ວໂລກເໜືອ (North Pole) ຂອງດາວອັງຄານ ຊຶ່ງເຮັດໃຫ້ຖືກວິພາກວິຈານເປັນວົງກວ້າງ ທັງໃນໂລກອອນໄລນ໌ແລະວົງການດາລາສາດແລະວິທະຍາສາດ
Dr Matthew Genge ຈາກ Imperial College London ບອກວ່າ “ຖ້າເຮົາຕ້ອງການປ່ຽນພື້ນຜິວດາວອັງຄານຢ່າງວ່ອງໄວ ຫົນທາງທີ່ຈະເຮັດໄດ້ກໍຄືຈະຕ້ອງເຮັດໃຫ້ແຜ່ນນ້ຳກ້ອນເທິງຂົ້ວໂລກເໜືອເຫລົ່ານັ້ນ ລະເຫີຍເປັນອາຍນ້ຳ (Evaporate) ແຕ່ຂ້ອຍບໍ່ຄິດວ່າເຮົາຈະປ່ຽນນ້ຳກ້ອນເຫລົ່ານັ້ນໃຫ້ເປັນແກັສດ້ວຍການໃຊ້ອາວຸດນິວເຄລຍ ຍັງຕ້ອງໃຊ້ເວລາອີກເປັນສິບທົດສະວັດ” Dr Genge ກ່າວ
Dr. Seth Shostak ນັກອາວະກາດວິທະຍາລະດັສູງຈາກສະຖາບັນ SETI ໄດ້ຂຽນອີເມລຊີ້ໃຫ້ເຫັນຈຸດຂອງຄວາມພະຍາຍາມຕ່າງໆ ການໃຊ້ນິວເຄລຍອາດບໍ່ໄດ້ຜົນທີ່ຈະສ້າງສະພາວະແກ້ວ (greenhouse effect) ໃຫ້ແຜ່ນນ້ຳກ້ອນນັ້ນລະລາຍຢ່າງຕ້ອງການ “ຫລາຍອາທິດຫລັງການລະເບີດ ດາວອັງການອາດປ່ຽນແປງກັບກາຍເປັນຢ່າງເກົ່າທີ່ເຄີຍເປັນມາ ຄືຍັງໃຊ້ຢູ່ອາໄສບໍ່ໄດ້ຄືເກົ່າ ” Dr. Shostak ມີແນວຄິດເຫັນຕ່າງໄປກວ່ານັ້ນຄືການໃຊ້ ສານຟຣີອອນ (Freon)
ລອງໂຍນຕູ້ເຢັນເກົ່າທີ່ເຕັມໄປດ້ວຍ Freon ລົງໄປໃນດາວອັງຄານເບິ່ງ ມັນເປັນແກັສທີ່ມີປະສິດທິພາບ (effective greenhouse gas) Freon ອາດຢູ່ໃນຊັ້ນບັນຍາກາດເກັບຄວາມຮ້ອນເຮັດໃຫ້ອຸນຫະພູມສູງຂຶ້ນແລະຢ່າງໜ້ອຍນ້ຳກ້ອນຈະເລີ່ມລະລາຍ ແລະ ແນ່ນອນ Freon ເປັນພິດ (Toxic) ໃນຄວາມເຂ້ມຂົ້ນສູງ ແຕ່ຢ່າງໜ້ອຍເຮົາກໍມີ Freon ໃນບັນຍາດນ້ອຍກວ່າກຳມັນຕະພາບຣັງສີນິວເຄລຍຈາກລະເບີດ
Dr. Lawrence Krauss ອາຈານທິດສະດີດ້ານຟິສິກສ໌ ທີ່ Arizona State University ບໍ່ເຫັນດີກັບການປ່ຽນແປງດາວອັງຄານຢ່າງວ່ອງໄວດ້ວຍວິທີນີ້ “ບໍ່ມີເຫດຜົນທີ່ຈະຫວັງວ່າດາວອັງຄານຈະປ່ຽນແປງມາເປັນທີ່ອາໄສໄດ້ງ່າຍໆ”
NASA ຍິ່ງບໍ່ສົນໃຈກ່ຽວກັບແນວຄິດນີ້ ອົງກອນຕົວແທນອາວະກາດນາຊ່າ ມີຖະແຫລງການຢືນຢັນແຈ້ງວ່າ “ເຮົາເຫັນດີກັບການສົ່ງເສີມສຳຫລວດອາວະກາດໃນລະບົບສຸລິຍະໃນແນວທາງທີ່ເປັນການປົກປ້ອງສະພາບແວດລ້ອມທີ່ຖືກສຳຫລວດໃຫ້ຢູ່ໃນສະພາວະທຳມະຊາດເດີມທີ່ມັນເຄີຍເປັນ”
ແນວຄິດນັ້ນຫລາຍເທື່ອອອກມາໃນແນວ “ບ້າ” ແມ່ນຈະອອກມາໂພສ໌ຂໍ້ຄວາມຜ່ານທະວິດເຕີລ໌ແລ້ວວ່າ “ບໍ່ໄດ້ເວົ້າວ່າ ຄວນຖິ້ມນິວເຄຣຍດາວອັງຄານ ແຕ່ສະແດງໃຫ້ເຫັນທາງເລືອກໜື່ງເທົ່ານັ້ນ”
