ບໍ່ດົນຫລັງຈາກ Apple ປ່ອຍ iOS 9 ໃຫ້ຜູ້ໃຊ້ອຸປະກອນພົກພາ iPhone, iPad ແລະ iPod Touch ໃນລຸ້ນທີ່ກຳນົດ ກໍໄດ້ມີການລາຍງານປັນຫາທີ່ເກີດຂື້ນຈາກຜູ້ໃຊ້ຫລັງການອັບເກດ ຊຶ່ງຫລາຍຄົນພົບອາການເຄື່ອງຄ້າງທີ່ໜ້າ Slide to Upgrade ແລະບໍ່ສາມາດໃຊ້ງານໃດໆ ຕໍ່ໄປໄດ້ ເດືອດຮ້ອນເຖິງ Apple ທີ່ຕ້ອງຮີບແຈ້ງວິທີແກ້ໄຂຜ່ານໜ້າເວັບໄຊຕ໌ເປັນການດ່ວນ
ແລະເພື່ອເປັນການລົບປັນຫາທີ່ເກີດຂື້ນ ລວມເຖິງບັນຫາທີ່ກວນໃຈຜູ້ໃຊ້ ທາງ Apple ກໍຮີບເລັ່ງ ປ່ອຍ iOS 9.0.1 ອອກມາໃຫ້ຜູ້ໃຊ້ອຸປະກອນພົກພາ ເຊັ່ນ iPhone, iPad ແລະ iPod Touch ໃນລຸ້ນທີ່ກຳນົດ ໄດ້ອັບເກດກັນແລ້ວ ແນ່ນອນວ່າປັນຫາໃຫຍ່ໆ ຢ່າງ Slide to Upgrade ຈະໄດ້ຮັບການແກ້ໄຂແບບເລັ່ງດ່ວນ
ນອກຈາກນີ້ iOS 9.0.1 ຍັງເຂົ້າມາແກ້ປັນຫາອີກບາງສ່ວນ ໄດ້ແກ່ປັນຫາໃນແອບໂມງ, Safari ແລະ Photos ລວມໄປເຖິງການຕັ້ງຄ່າ VPN
ໃນເວລາດຽວກັນນີ້ເອງ Apple ຍັງໄດ້ປ່ອຍ iOS 9.1Beta ໃຫ້ກັບນັກພັດທະນາ ເພື່ອນຳໄປທົດສອບຫາປັນຫາ ຊຶ່ງຄາດວ່າໜ້າຈະປ່ອຍໃຫ້ອັບເກດກັນອີກໃນໄວໆນີ້