spot_img
Homeຂ່າວການສຶກສາລັດຖະມົນຕີຊ່ວຍກະຊວງສຶກສາທິການ ແລະ ກິລາ ຢ້ຽມຢາມສູນການສຶກສາຢູ່ແຂວງຫົວພັນ

ລັດຖະມົນຕີຊ່ວຍກະຊວງສຶກສາທິການ ແລະ ກິລາ ຢ້ຽມຢາມສູນການສຶກສາຢູ່ແຂວງຫົວພັນ

Published on

ເມື່ອຕອນເຊົ້າວັນທີ 20 ກັນຍາ 2015, ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີຊ່ວຍວ່າການ ກະຊວງສຶກສາທິການ ແລະ ກິລາ ແລະ ທ່ານ ເບັນ ເຕໂຊ ຮອງຫົວໜ້າກົມການສຶກສານອກໂຮງຮຽນ ພ້ອມດ້ວຍຄະນະ ໄດ້ໄປຢ້ຽມຢາມສູນການສຶກສານອກໂຮງຮຽນແຂວງຫົວພັນ, ເຊິ່ງມີ ທ່ານ ເພີດ ມາປັນຍາ ຫົວໜ້າພະແນກສຶກສາທິການ ແລະ ກິລາແຂວງຫົວພັນ ພ້ອມດ້ວຍຜູ້ອຳນວຍການສູນ ແລະ ພະນັກງານວິຊາການໃຫ້ການຕ້ອນຮັບຢ່າງອົບອຸ່ນ.

ໃນໂອກາດນີ້, ທ່ານ ນາງ ຈັນພອນ ກອງມະນີ ຜູ້ອຳນວຍການສູນການສຶກສານອກໂຮງຮຽນ ແຂວງຫົວພັນ ລາຍງານໃຫ້ຮູ້ວ່າ: ນັບມາຮອດສົກຮຽນ 2014-2015 ຜ່ານມາ, ສູນຂອງພວກເຮົາມີ ພະນັກງານຄູ-ອາຈານ ທັງໝົດ 15 ຄົນ, ຍິງ 8 ຄົນ ໃນນີ້ລະດັບປະລິນຍາຕີ 11 ຄົນ ແລະ ຊັ້ນສູງ 4 ຄົນ. ສຳລັບໃນສົກຮຽນຜ່ານມາ ມີນັກຮຽນຊັ້ນ ມ ຕົ້ນ ທັງໝົດ 171 ຄົນ, ຍິງ 20 ຄົນ ໃນນັ້ນມາຈາກກຳລັງປ້ອງກັນຊາດ 112 ຄົນ, ຍິງ 2 ຄົນ, ປ້ອງກັນຄວາມສະຫງົບ 5 ຄົນ ໂດຍໃນສົກຮຽນດັ່ງກ່າວມີທັງໝົດ 4 ຂັ້ນຮຽນ ຄື: ຂັ້ນ ມ 4, ມີນັກຮຽນ 15 ຄົນ, ຍິງ 2 ຄົນ, ຂັ້ນ ມ 5 ມີນັກຮຽນ 19 ຄົນ, ຍິງ 3 ຄົນ, ຂັ້ນ ມ 6 ມີນັກຮຽນ 59 ຄົນ, ຍິງ 4 ຄົນ ແລະ ຂັ້ນ ມ 7 ມີນັກຮຽນ 78 ຄົນ, ຍິງ 11 ຄົນ.

ຜ່ານການສອບເສັງໃນສົກຮຽນຜ່ານມາ ຜົນປາກົດວ່າ ຂັ້ນ ມ 4 ນັກຮຽນມີໜ້າເຂົ້າສອບເສັງ 13 ຄົນ, ຍິງ 1 ຄົນ ເສັງໄດ້ 100 ເປີເຊັນ ທຽບໃສ່ແຜນການລື່ນຄາດໝາຍ 5 ເປີເຊັນ; ຂັ້ນ ມ 5 ນັກຮຽນມີໜ້າເຂົ້າສອບເສັງ 16 ຄົນ, ຍິງ 2 ຄົນ ເສັງໄດ້ 100 ເປີເຊັນ ທຽບໃສ່ແຜນການລື່ນຄາດ ໝາຍ 10 ເປີເຊັນ; ຂັ້ນ ມ 6 ນັກຮຽນມີໜ້າເຂົ້າສອບເສັງ 56 ຄົນ, ຍິງ 4 ຄົນ ເສັງໄດ້ 100 ເປີເຊັນ ທຽບໃສ່ແຜນການລື່ນຄາດໝາຍ 10 ເປີເຊັນ ແລະ ຂັ້ນ ມ 7 ນັກຮຽນມີໜ້າເຂົ້າສອບເສັງ 77 ຄົນ, ຍິງ 10 ຄົນ ທຽບໃສ່ແຜນການລື່ນຄາດໝາຍ 5 ເປີເຊັນ, ໃນການສອບເສັງຄັ້ງນີ້ມີນັກຮຽນ ເສັງໄດ້ທີ 1 ຂັ້ນ ມ 4 ແມ່ນທ້າວ ຕຸກ, ຂັ້ນ ມ 5 ທ້າວ ສາຍຄິດ, ຂັ້ນ ມ 6 ນາງ ນີ ແລະ ຂັ້ນ ມ 7 ມີ ຈຳນວນ 2 ຄົນ ຄື: ທ້າວ ປວນພອນ ແລະ ນາງ ນິດ. ພ້ອມດຽວກັນນັ້ນ, ຍັງມີນັກຮຽນບາງ ຄົນເສັງຍາດໄດ້ຄະແນນສະເລ່ຍ 7,00 ຈຳນວນ 2 ສ່ວນ 3 ຂອງວິຊາຮຽນ ມີ 4 ຄົນ ໂດຍໄດ້ຮັບ ທຶນການສຶກສາຄົນລະ 500.000 ກີບ.

ທັງນີ້, ສຳລັບໃນສົກຮຽນ 2015-2016, ປັດຈຸບັນສູນການສຶກສານອກໂຮງຮຽນແຂວງຫົວພັນ ກຳລັງເປີດຮັບສະໝັກນັກຮຽນໃໝ່ ໂດຍໃນປີນີ້ຄາດວ່າຈະຮັບນັກນັກເຂົ້າຮຽນໃນສູນຈຳນວນ 200 ຄົນ ແລະ ຈະເປີດການຮຽນ-ການສອນຢ່າງເປັນທາງການ ນັບແຕ່ວັນທີ 1 ຕຸລານີ້ ເປັນຕົ້ນໄປ.

ໃນຂະນະດຽວກັນນີ້, ທ່ານລັດຖະມົນຕີຊ່ວຍວ່າການ ກະຊວງ ສສກ ໄດ້ສະແດງຄວາມຍ້ອງຍໍ ຊົມເຊີຍຕໍ່ຜົນງານທີ່ສູນການສຶກສານອກໂຮງຮຽນແຂວງຫົວພັນຍາດມາໄດ້ໃນໄລຍະຜ່ານມາ ພ້ອມທັງ ຮຽກຮ້ອງໃຫ້ສູນດັ່ງກ່າວ ສືບຕໍ່ຈັດຕັ້ງການຮຽນ-ການສອນໃຫ້ພໍ່-ແມ່ປະຊາຊົນທີ່ຍັງບໍ່ທັນສາມາດອ່ານ ໄດ້ຂຽນເປັນ ຫຼື ຜູ້ທີ່ຮຽນຈົບຊັ້ນປະຖົມບຳລຸງແລ້ວ ໃຫ້ໄດ້ມີໂອກາດດ້ານການສຶກສາຢ່າງເທົ່າທຽມກັນ ເພາະສູນການສຶກສາຊຸມຊົນແມ່ນມີປະໂຫຍດຫຼາຍ ໃນການປະກອບສ່ວນເຂົ້າໃນການລຶບລ້າງຄວາມ ທຸກຍາກຂອງລັດຖະບານ ຍ້ອນມັນຕິດພັນກັບການສຶກສາ. ຄຽງຄູ່ກັບການຮຽນພາກທິດສະດີນັ້ນ ກໍ່ໃຫ້ສອນພາກປະຕິບັດຕົວຈິງໄປພ້ອມ ເພື່ອໃຫ້ເຂົາເຈົ້າເຂົ້າໃຈບົດຮຽນໄດ້ຢ່າງເລິກເຊິ່ງ ແລະ ມີວິຊາ ຊີບຕິດຕົວໄປພ້ອມ ເຊັ່ນ: ການປູກເຫັດ, ລ້ຽງປາ, ລ້ຽງໄກ່ ແລະ ອື່ນໆ ທັງນີ້ກໍ່ເພື່ອບັນເປົ້າໝາຍສະ ຫັດສະວັດດ້ານການພັດທະນາ ແລະ ເປົ້າໝາຍການສຶກສາເພື່ອຄຸກຄົນ ໃນປີ 2015 ນີ້.

12004880_1658515327768931_8948701489491387873_n

12003347_1658515341102263_7556122782832567198_n

12039708_1658515324435598_5187740311943443357_n

ບົດຄວາມຫຼ້າສຸດ

ເຮືອສິນຄ້າຕຳກັບເຮືອບັນທຸກນ້ຳມັນ ໃນທະເລນອກຊາຍຝັ່ງອັງກິດ

ເກີດເຫດເຮືອສິນຄ້າຕຳກັບເຮືອບັນທຸກນ້ຳມັນ ໃນທະເລນອກຊາຍຝັ່ງອັງກິດ ເຮັດໃຫ້ໄຟລຸກ ເບື້ອງຕົ້ນສາມາດຊ່ວຍລູກເຮືອໄວ້ໄດ້ 37 ຄົນ ແຕ່ມີນ້ຳມັນເຊື້ອໄຟໄຫຼລົງທະເລ. ສຳນັກຂ່າວຕ່າງປະເທດລາຍງານໃນວັນທີ 11 ມີນາ 2025 ນີ້ເກີດເຫດເຮືອຂົນສົ່ງສິນຄ້າຕຳກັບເຮືອບັນທຸກນ້ຳມັນ ຢູ່ທີ່ນອກຊາຍຝັ່ງທາງຕາເວັນອອກສຽງເໜືອ ຂອງປະເທດອັງກິດ ເມື່ອວນັທີ...

ເຫດເຮືອບິນນ້ອຍຕົກລົງ ຢູ່ບໍລິເວນເດີ່ນຈອດລົດໃກ້ບ້ານພັກຜູ້ສູງອາຍຸ ໃນລັດເພນຊິເວເນຍ

ລະທຶກ! ເຫດເຮືອບິນນ້ອຍ ຕົກຢູ່ເດີ່ນຈອດລົດໃຫ້ກັບບ້ານພັກຄົນສູງອາຍຸ ໃນສະຫະລັດ ສຳນັກຂ່າວຕ່າງປະເດທລາຍງານໃນວັນທີ 10 ມີນາ 2025 ຜ່ານມາ, ເກີດເຫດເຮືອບິນນ້ອຍຕົກລົງ ຢູ່ບໍລິເວນເດີ່ນຈອດລົດໃກ້ບ້ານພັກຜູ້ສູງອາຍຸ ໃນລັດເພນຊິເວເນຍ ຂອງສະຫະລັດ. ຕາມການລາຍງານລະບຸວ່າ: ເຫດເກີດເມື່ອວັນທີ 9...

ນາຍົກລັດຖະມົນຕີ ພ້ອມດ້ວຍຄະນະ ເຄື່ອນໄຫວເຮັດວຽກ ຢູ່ເມືອງດາກຈຶງ

ນາຍົກລັດຖະມົນຕີ ຊຸກຍູ້ວຽກງານຢູ່ເມືອງດາກຈຶງ ໃນວັນທີ 10 ມີນາ 2025 ທ່ານ ສອນໄຊ ສີພັນດອນ, ນາຍົກລັດຖະມົນຕີ ພ້ອມດ້ວຍຄະນະ ໄດ້ເຄື່ອນໄຫວເຮັດວຽກ ແລະ ຊຸກຍູ້ວຽກງານ ຢູ່ເມືອງດາກຈຶງ,...

ລັດຖະບານຍີ່ປຸ່ນໃຫ້ທຶນການຊ່ວຍເຫຼືອ 96,600 ໂດລາ ເພື່ອຊ່ວຍຍົກລະດັບການສຶກສາໃນແຂວງອຸດົມໄຊ

ລັດຖະບານຍີ່ປຸ່ນ ຊ່ວຍຍົກລະດັບການສຶກສາຊັ້ນອະນຸບານ ແລະ ປະຖົມໃນແຂວງອຸດົມໄຊ ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 89,600 ໂດລາ ໃນການສະໜັບສະໜູນໂຄງການດ້ານການສຶກສາໃນແຂວງອຸດົມໄຊ ພາຍໃຕ້​ໂຄງ​ການ​ເສີມ​ສ້າງ​ຄວາມ​ໝັ້ນ​ຄົງ​ຂອງ​ມະ​ນຸດ​ຂັ້ນ​ຮາກ​ຖານ (GGP); ພິທີລົງນາມການຊ່ວຍເຫຼືອດັ່ງກ່າວຈັດຂຶ້ນໃນຫວ່າງບໍ່ດົນມານີ້ ທີ່ນະຄອນຫຼວງວຽງຈັນ. ໂຄງການຈະໃຫ້ການສະໜັບສະໜູນທຶນຮອນເພື່ອກໍ່ສ້າງອາຄານຮຽນ ແລະ ຫ້ອງນໍ້າໃໝ່ ພ້ອມທັງສະໜອງສິ່ງອຳນວຍຄວາມສະດວກທີ່ຈຳເປັນ...