ສຳນັກຂ່າວຕ່າງປະເທດລາຍງານວ່າ ບໍລິສັດ “Lafarge Tarmac” ຂອງປະເທດກິດ ສ້າງຄວາມຮືຮາ ຈາກການປະດິດສ້າງຄອນກີດສຸດລ້ຳໜ້າ ສາມາດດູດຊັບນ້ຳໄດ້ ຊຶ່ງສາມາດນຳໄປໃຊ້ສຳລັບແກ້ບັນຫານ້ຳຖ້ວມກະທັນຫັນໃນເມືອງໃຫຍ່ໄດ້ຢ່າງວ່ອງໄວ
ລາຍງານລະບຸວ່າ ຊີມັງດັ່ງກ່າວຖືກອອກແບບໃຫ້ເປັນພື້ນຜິວຊີມັງທີ່ສາມາດໃຊ້ປູເປັນຫົນທາງ ມີຄຸນສົມບັດສາມາດດູດຊັບນ້ຳໄດ້ຢ່າງດີເລີດ ແຕກຕ່າງຈາກສະພາບນ້ຳຄ້າງຕາມທາງໃນປະຈຸບັນ ໂດຍມີຈຸດປະສົງເພື່ອສູ້ກັບບັນຫານ້ຳຖ້ວມ ໂດຍຈາກຄລິບວິດີໂອ ສະແດງໃຫ້ເຫັນລານຈອດລົດທີ່ປູດ້ວຍຄອນກີດດັ່ງກ່າວ ກ່ອນມີການເທນ້ຳຈຳນວນ 4 ພັນລີດ
ປາກົດວ່າ ຄອນກີດນີ້ສາມາດດູດຊັບນ້ຳໄດ້ຢ່າງວ່ອງໄວພຽງນາທີດຽວ ໂດຍມັນເຮັດວຽກຜ່ານຊັ້ນຄອນກີດທີ່ນ້ຳສາມາດຊຶມຜ່ານໄດ້ ຈາກສ່ວນປະສົມຂອງປູນຂະໜາດໃຫຍ່ທີ່ຢູ່ເທິງຖານຂອງຖານຢາງຊັ້ນລຸມ ຊຶ່ງຈະເປີດຊ່ອງໃຫ້ນ້ຳສາມາດລະບາຍຜ່ານໄດ້ເຂົ້າໄປໃນຢາງທີ່ສາມາດດູດຊັບນ້ຳໄດ້ໃນປະລິມານຫລາຍ
ຂະນະທີ່ຖະແຫລງການຂອງບໍລິສັດລະບຸວ່າ ນະວັດຕະກຳນີ້ບໍ່ແມ່ນແຕ່ພຽງຊ່ວຍຈັດການກັບບັນຫານ້ຳຖ້ວມກະທັນຫັນໃນພື້ນທີ່ຊຸມຊົນເມືອງເທົ່ານັ້ນ ແຕ່ຍັງສາມາດຊ່ວຍຫລຸດຄວາມຮ້ອນຂອງຢາງມະຕອຍໄດ້ນຳອີກ ໂດຍຄອນກີດດູດຊັບນ້ຳຈະເຮັດໃຫ້ນ້ຳເທິງພື້ນຄອນກີດສາມາດຫາຍໄປຜ່ານການດູດຊັບສູ່ຖານໃຕ້ສຸດ ຊຶ່ງເປັນຄຸນສົມບັດຄ້າຍເຂື່ອນຮັບນ້ຳໃນໄລຍະຝົນຕົກ
ໂດຍໄອເດຍນີ້ໄດ້ເກີດຂຶ້ນມາດົນກວ່າ 60 ປີແລ້ວ ແລະມັກຖືກໃຊ້ສຳລັບການຊ່ວຍລະບາຍນ້ຳ ແຕ່ບໍລິສັດໄດ້ເພີ່ມຄວາມລ້ຳສະໄໝໃໝ່ ດ້ວຍການເຮັດໃຫ້ຄອນກີດນີ້ສາມາດປູເປັນພື້ນທາງ ສາມາດຮັບແຮງກົດຈາກລົດໄດ້ອີກດ້ວຍ ແລະ ຄອນກີດດູດນ້ຳນີ້ ເໝາະສົມສຳລັບລານຈອດລົດ ຫລື ທາງ ແລະທີ່ຜ່ານມາໄດ້ມີການຕິດຕັ້ງຄອນກີດດູດຊັບນ້ຳນີ້ແລ້ວໃນລານຈອດລົດບາງແຫ່ງ ລວມທັງສະໜາມກັອບອີກດ້ວຍ
ຢ່າງໃດກໍຕາມ ຂໍ້ຫລີກລ້ຽງຂອງຄອນກີດນີ້ກໍຄື ໃນພື້ນທີ່ທີ່ມີຄວາມໜາວເຢັນສູງສຸດ ຈະສາມາດເຮັດໃຫ້ຄອນກີດຊັບນ້ຳນີ້ເສຍຫາຍ ເມື່ອນ້ຳທີ່ມີຄວາມເຢັນເຂົ້າໄປແຂງພາຍໃນຄອນກີດ ແລະຈະເຮັດໃຫ້ພື້ນຜິວຄອນກີດແຕກ
ເບິ່ງໂຄງສ້າງພາຍໃຕ້ຄອນກີດ ສຸດແປກແຕ່ສຸດຍອດ
ໜ້າຕາຂອງມັນກໍຄື ພື້ນຜິວທຳມະດາ ແຕ່ຄຸນສົມບັດບໍ່ທຳມະດາ
https://youtu.be/ed-jiOXO3aQ