ປະທານສະຫະພັນເທັນນິສອາຊີບຊາຍ(ATP)ອອກຄຳສັ່ງຕໍ່ ແອນດີ້ ເມີເຣ ມືອັນດັບທີ 3 ຂອງໂລກຊາວອັງກິດ ຫ້າມສະຫຼະສິດທີ່ຈະເຂົ້າຮ່ວມ “ເອທີພີ ເວີລ ທົວ ໄຟນອລ 2015” ທີ່ປະເທດອັງກິດ ກຽມລົງແຂ່ງຂັນຮອບຊິງຊະນະເລີດ ເດວິສ ເວີລ ຄັບ ວັນທີ 27-29 ພະຈິກ 2015
ຫຼັງຈາກ ແບກ ເກຣດ ບຣິເຕນ ເຂົ້າຮອບຊິງຄັ້ງທຳອິດໃນຮອບ 37 ປີ ເອົາຊະນະອົດສະຕາລີ 3-2ຄູ່ ໃນທ້າຍອາທິດທີ່ຜ່ານມາ ເມີເຣ ເຜຍວ່າອາດປະຕິເສດລົງແຂ່ງ ທົວນາເມັ້ນສົ່ງທ້າຍລະດູການ 2015 ເພື່ອສ້າງຄວາມຄຸ້ນເຄຍກັບສີ່ງແວດລ້ອມເນື່ອງຈາກຄາດວ່າ ເບວຢຽມ ອາດໃຊ້ຄອຣ໌ດດິນເປັນການແຂ່ງຕັດສິນແຊ້ມ
ເຖິງຢ່າງໃດກໍ່ຕາມ ຄຣິສ ເຄີໂມດ ປະທານຂອງ ເອທີພີ ຄາດຫວັງແຊ້ມ ແກຣນສະແລມ 2 ສະໄໝ ຈະປະກົດທີ່ ໂອທູ ອາຣີນາ ເມືອງລອນດອນ ເຖີງແມ່ນວ່າເຫຼືອເວລາພຽງ 5 ມື້ເທົ່ານັ້ນ ເພາະວ່າກວ່າທີ່ຈະຮ່ວມແຂ່ງ ໃນການລຸ້ນແຊ້ມ ເດວິສ ຄັບ ສະໄໝທີ 10 ເຊີ່ງລໍຖ້າມາດົນເຖິງ 79 ປີ
ເມີເຣ ອາຍຸ 28 ປີ ຍອມຮັບຕ້ອງກັດແຂ້ວສູ້ເພາະອາການບາດເຈັບ ເມື່ອເອົາຊະນະ ເບີນາດ ໂທມິຊ ມືອັນດັບທີ 23 ຂອງໂລກຊາວອົດສະຕາລີ 3 ເຊັດຕິດຕໍ່ກັນໃນວັນອາທິດວັນທີ 20 ກັນຍາ 2015 ທີ່ຜ່ານມາ
