<ignore_js_op>
ເລືອກສີຜົມໃຫ້ເຂົ້າກັບສີຜິວ ການເຮັດສີຜົມໃຫ້ງາມນັ້ນ ນອກຈາກເລືອກສີທີ່ເຮົາມັກແລ້ວ ຍັງຕ້ອງຄຳນຶງເຖິງບຸກຄະລິກ ສະຕາຍການແຕ່ງຕົວແລະລວມໄປເຖິງການເລືອກສີຜົມໃຫ້ເຂົ້າກັບສີຜິວນຳ ຈຶ່ງຈະເຮັດໃຫ້ທ່ານຜູ້ຍິງທັງຫຼາຍເບິ່ງດີຂື້ນນຳອີກ ຜູ້ຊ່ຽວຊານດ້ານບຸກຄະລິກກະພາບຕ່າງກໍລົງຄວາມເຫັນຄືກັນວ່າສາວໆ ມີສີຜິວທີ່ຕ່າງກັນຢູ່ປະມານ 4 ໂທນສີເຊິ່ງສີຜິວທີ່ຕ່າງກັນ 4 ໂທນນີ້ຕ້ອງການສີຜົມທີ່ແຕກຕ່າງກັນນຳຄື o ສາວຜິວຂາວອົມບົວແມ່ນເໝາະສົມກັບສີຜົມນ້ຳຕານແດງ ນ້ຳຕານອົມບົວແລະນ້ຳຕານທຳມະຊາດທີ່ມີຄວາມແຈ້ງປານກາງ ເພາະວ່າສີເຫຼົ່ານີ້ຈະເຮັດໃຫ້ສີຜິວເບິ່ງບໍ່ຊີດແລະເຮັດໃຫ້ເຈົ້າມີສະເໜ່ເພີ່ມຂື້ນ o ສ່ວນສາວຜິວແທນຫຼືສີຜິວຄ້ຳໆຄວນຕື່ມພະລັງ ແລະຄວາມສວຍງາມດ້ວຍຜົມສີນ້ຳຕານປະກາຍສົ້ມເຈົ້າຈະເບິ່ງມີຊີວິດຊີວາແລະສົດໃສຍິ່ງຂື້ນ o ຖ້າເຈົ້າເປັນຄົນຜິວສອງສີຫຼືຜິວສີນ້ຳເຜິ້ງແມ່ນເຈົ້າຈະມີສະເໜ່ແລະເຊັກຊີ້ພາຍໃນຕົວຢູ່ແລ້ວ ການເລືອກໂທນສີຜົມນ້ຳຕານແຈ້ງອອກທອງຫຼືນ້ຳຕານອ່ອນໆ ກໍຈະຊ່ວຍໃຫ້ເຈົ້າງາມຂື້ນໃນອີກລະດັບໜຶ່ງ o ແຕ່ຖ້າເຈົ້າມີຜິວຂາວອົມເຫຼືອງເຈົ້າຈະເບິ່ງຊີດແລະບໍ່ສົດໃສເທົ່າໃດ ຜົມສີເຂັ້ມແບບນ້ຳຕານຊ໋ອກໂກແລັດ ຫຼືນ້ຳຕານເຫຼື້ອມເທົ່າຈະຊ່ວຍໃຫ້ເຈົ້າເບິ່ງເປັນສາວເທ້ເປັນຕາຄົ້ນຫາຢ່າງຍິ່ງ ເພາະວ່າສີຜົມຊ່ວຍຂັດໃຫ້ສີຜິມຂອງເຈົ້າຜ່ອງຂື້ນໄດ້ ເລືອກສີທີ່ຖືກໃຈໄດ້ແລ້ວກໍຢ່າລືມນຳວ່າ ສີຜົມຈະງາມຫຼາຍຂື້ນຫາກຢູ່ນຳຜົົມທີ່ມີສຸຂະພາບດີ ດັ່ງນັ້ນຢ່າລືມຮັກສາເສັ້ນຜົມໄວ້ໃຫ້ດີໆ ເດີ້ທ່ານຜູ້ຍິງ |
