ແປງຖູແຂ້ວໜ້າຕາແປກໆ ແບບນີ້ເຄີຍເຫັນກັນຫລືບໍ່? ຖ້າບໍ່ເຄີຍມື້ນີ້ເຮົາຈະພາໄປຮູ້ຈັກກັບສິ່ງປະດິດຫລ້າສຸດ ໂດຍສະເພາະໃຜທີ່ມັກບີບຢາຖູແຂ້ວເປືອງອັນນີ້ມີຊື່ວ່າແປງຖູ ແຂ້ວ Twist&Brush ມັນເປັນແປງຖູແຂ້ວທີ່ຖືກອອກແບບມາໂດຍແນວຄວາມຄິດຂອງນັກອອກແບບຊາວສະເປນທີ່ຊື່ວ່າ Kawamura-ganjavian ນັກອອກແບບທີ່ຄິດເອົາແປງຖູແຂ້ວ ແລະຫລອດດູດຢາມາລວມເຂົ້ານຳກັນ ຊຶ່ງໃນຫລອດດູດຢານັ້ນຈະບັນຈຸເອົາຢາຖູແຂ້ວໄວ້ແລະສຽບໄວ້ກັບແປງຖູແຂ້ວ ໂດຍຫາກຜູ້ໃຊ້ງານຄົນໃດຕ້ອງການຈະບີບຢາຖູແຂ້ວລົງໄປທີ່ຫົວແປງຖູແຂ້ວ ກໍພຽງແຕ່ທຳການບິດຫລືຍູ້ບ່ອນໝຸນກົ້ນຂອງແປງຖູແຂ້ວພຽງເລັກນ້ອຍ ຈາກນັ້ນຢາຖູແຂ້ວທີ່ຢູ່ໃນຫລອດເຂັມຈະໄປປາກົດທີ່ຫົວແປງ ແລະພ້ອມໃຫ້ເຈົ້າໄດ້ທຳການແປງແຂ້ວໄດ້ເລີຍທັນທີ ແລະທີ່ສຳຄັນຜູ້ໃຊ້ສາມາດກຳນົດຂະໜາດຂອງຢາຖູແຂ້ວທີ່ຕ້ອງການແປງໃນແຕ່ລະເທື່ອໄດ້ອີກດ້ວຍ ຊຶ່ງສາມາດວັດຂະໜາດໂດຍເບິ່ງຕາມຕົວເລກທີ່ປາກົດຢູ່ເທິງຫລອດສີດຢານັ້ນເອງ ຕອນນີ້ການບີບຢາຖູແຂ້ວຂອງເຈົ້າຈະບໍ່ແມ່ນເລື່ອງສິ້ນເປືອງອີກຕໍ່ໄປເພາະເຈົ້າສາມາດກຳໜົດຂະໜາດໃນການບີບຢາຖູແຂ້ວໄດ້ຢ່າງດີ
