ອົງການ​ນາ​ຊ່າ​ເຜີຍແຜ່​ພາບ​ຖ່າຍ​ໝູ່​ເກາະ​ຈາ​ກອາວະ​ກາດ ກ້ອງ​ທີ່​ນັກ​ບິ​ນອາວ​ະກາດ​ໃຊ້​ສາມາດ​ຖ່າຍ​ພາບ​ໄດ້​ຊັດເຈນ​ຂະໜາດ​ເຫັນ​ເຄື່ອງ​ບິນ​​ທີ່​ບິນ​ຜ່ານ​ເກາະ​ເລີຍ
ວັນທີ່ 21 ກັນຍາ ອົງ​ການ​ນາ​ຊ່າ ເປີດ​ເຜີຍ​ພາບ​ຖ່າຍ​ໝູ່​ເກາະ Great Exuma Island ຂອງ​ປະເທດ​ບາ​ຮາ​ມາດ ທີ່​ຖືກ​ຖ່າຍ​ໂດຍ​ນັກ​ບິ​ນອາວະ​ກາດ​ປະຈຳ​ສະຖານີ​ອາ​ວະ​ກາດ​ນານາ​ຊາດ ສູງ​ຂຶ້ນ​ໄປ​ຈາກ​ພື້ນ​ໂລ​ກ 400 ກິ​ໂລ​ແມັດ ເຜີຍ​ໃຫ້​ເຫັນ​ຄວາມ​ງາມ​ທີ່​ໜ້າ​ຕື່ນຕາຂອງ​ໝູ່​ເກາະ ​ແລະ ​ທະ​ເລ​ສີ​ຟ້າ​

ພາບ​ໝູ່​ເກາະ​ແສນ​ງາມ​ນີ້ ຖືກ​ຖ່າຍ​ໂດຍ​ກ້ອງ​ດິ​ຈິ​ຕອນ Nikon D4 ແລະ​ເລນສ໌​ກ້ອງ​ຂະໜາດ 1150 ມິນ​ລິ​ແມັດ ດ້ວຍ​ຄວາມ​ຄົມ​ແຈ້ງ​ລະ​ດັບ​ສູງສຸດ ເຮັດໃຫ້​ເຮົາ​ສາມາດ​ສັງເກດ​ເຫັນ​ເຄື່ອງ​ບິນ​ລຳ​ນ້ອຍ​ທີ່​ກຳ​ລັງ​ບິນ​ຜ່ານ​ໝູ່​ເກາະ​ແຫ່ງ​ນີ້​​ພໍ​ດີ
ນາ​ຊາ​ໃຫ້​ຂໍ້​ມູນ​ເພິ່ມເຕີມ​ວ່າ ໝູ່​ເກາະ Exuma ນີ້​ເປັນ​ຈຸດ​ສັງເກດ​ທີ່​ນັກ​ບິ​ນອາວະ​ກາດ​ຈາກ​ນອກ​ໂລກ​ມັກ​ໃຫ້​ຄວາມ​ສົນ​ໃຈ​ຫລາຍ​ທີ່ສຸດ ດ້ວຍ​ຄວາມ​ແປກ​ຂອງ​ພື້ນ​ຜິວ​ພູ​ມິ​ປະເທດ​ຂອງ​ໝູ່​ເກາະ ​ມີ​ນ້ຳ​ທະ​ເລ​ແອ່ງ​ນ້ອຍ​ໆ ຂັ້ນ​ກາງ​ແຕ່​ລະ​ເກາະ​ນັ້ນ​ເອງ
ໝູ່​ເກາະ Exuma ເປັນ​ສະຖານ​ທີ່ຍ​ອດ​ນິຍົມ​ສຳລັບ​ພັກ​ຜ່ອນ​ຕາກ​ອາ​ກາດ​ໃນ​ໝູ່​ຄົນ​ມີ​ຖານະ ນອກ​ຈາກ​ນີ້ ສະຖານ​ທີ່​ແຫ່ງ​ນີ້​ຍັງ​ເຕັມ​ໄປ​ດ້ວຍ​ປະຫວັດສາດ​ເກົ່າ​ແກ່​ຂອງ​ໂຈ​ນສະຫ​ລັດ​ຕົວ​ຈິງ​ສຽງ​ຈິງ​ຫລາຍ​ຄົນ ລວມ​ເຖິງ ກັບ​ຕັນ​ຄິດດ໌ ຜູ້​ໂດ່ງ​ດັງ​ອີກພ້ອມ