ສຳນັກຂ່າວຕ່າງປະເທດລາຍງານວ່າ ເອັດ ເວິດ ສະໂນເດນ ອະດີດເຈົ້າຫນ້າທີ່ຫນ່ວຍຂ່າວພາຍໃນຂອງສະຫາລັດ ຊຶ່ງໄດ້ເປີດໂປງຂໍ້ມູນລັບກ່ຽວກັບຫນ່ວຍງານສະຫາລັດ ອອກມາເຜີຍວ່າ ມະນຸດຕ່າງດາວກຳລັງພະຍາຍາມຕິດຕໍ່ໂລກມະນຸດ
ລາຍງານລະບຸວ່າ ອະດີດເຈົ້າຫນ້າທີ່ຫນ່ວຍງານຂອງສະຫາລັດຜູ້ນີ້ ຊຶ່ງປະຈຸບັນໄດ້ລີ້ໄພຢູ່ໃນຣັດເຊຍ ພາຍຫລັງໄດ້ເປີດໂປງຂໍ້ມູນລັບຂອງຫນ່ວຍງານສະຫາລັດໂດຍສະເພາະການລັກລອບຟັງຂໍ້ມູນສ່ວນຕົວຂອງຊາວອາເມລິກັນ ໄດ້ໂທລະສັບເຖິງ ທ້າວນີນ ເດີກາດ ນັກວິທະຍາສາດ ເພື່ອບອກເຖິງຄວາມລັບກ່ຽວກັບວົງການວິທະຍາສາດທີ່ເຫລືອເຊື່ອ
ໂດຍພວກເຂົາບອກວ່າ ທີ່ຜ່ານມາ ເອລ່ຽນ ຫລືມະນຸດຕ່າງດາວ ໄດ້ພະຍາຍາມຕິດຕໍ່ໂລກມະນຸດຂອງເຮົາ ໂດຍຫາກເຮົາໄດ້ພົບກັບອາລິຍະທຳຕ່າງດາວທີ່ພະຍາຍາມຈະຟັງອາລິຍະທຳອື່ນໆ ຫລືອາລິຍະທຳຂອງເຮົາກຳລັງຟັງອາລິຍະທຳຂອງເອລ່ຽນ ມັນຈະເປັນເວລາສັ້ນໆ ເທົ່ານັ້ນ ທີ່ສິ່ງເຫລົ່ານີ້ຈະຮັບຮູ້ ຫາກການສື່ສານເຖິງມະນຸດຕ່າງດາວຖືກສົ່ງຜ່ານວິທີການດັ່ງເດີມແລະບໍ່ສາມາດປ້ອງກັນໄດ້
ດັ່ງນັ້ນ ເມື່ອເຮົາຄິດວ່າ ທຸກສິ່ງທີ່ເຮົາໄດ້ຍິນຜ່ານດາວທຽມ ຫລືຈາກອາລິຍະທຳຂອງເຮົາ ການສື່ສານເຫລົ່ານີ້ ຍ່ອມຖືກຖອດລະຫັດໄດ້ໂດຍງ່າຍດາຍຈາກມະນຸດຕ່າງດາວ ຜ່ານສັນຍານຕ່າງໆ ໃນໂລກຂອງເຮົາ ເຊັ່ນ ຄື່ນກະຈາຍພາບ ແລະ ສຽງຈາກໂທລະທັດ ໂທລະສັບມືຖື ສິ່ງເຫລົ່ານີ້ບໍ່ສາມາດປົກປິດມະນຸດເຮົາ ໄດ້ຈາກການແຜ່ກະຈາຍລັງສີພື້ນຖານຂອງຈັກກະວານໄປໄດ້