„ໄຟປ່າແຄລິຟໍເນຍຍັງຄຸກຄາມໜັກ ໄຟປ່າທາງຕອນເໜືອຂອງນະຄອນຫລວງແຄລິຟໍເນຍ ສະຫາລັດອະເມຣິກາ ຍັງໄໝ້ລາມຮຸນແຮງຫລາຍຈຸດ ເຖິງມື້ວັນເສົາທີ່ຜ່ານມາໄດ້ເຜົາຜານບ້ານເຮືອນປະຊາຊົນໄປແລ້ວກວ່າ 1,400 ຫລັງ ມື້ນີ້ວັນຈັນທີ່ 21 ກັນຍາ 2015 ເວລາ 0:17 ນ. ສຳນັກຂ່າວຕ່າງປະເທດລາຍງານຈາກນະຄອນລອດແອງເຈລີດ ປະເທດສະຫkລັດອະເມຣິກາ ເມື່ອວັນທີ່ 20 ກັນຍາ. ວ່າ ສະເຫດການໄຟປ່າທີ່ໄໝ້ລາມໃນບໍລິເວນກວ້າງ ທາງຕອນເໜືອຂອງນະຄອນຫລວງແຄລິຟໍເນຍສະຫາລັດ ຍັງຢູ່ໃນຂັ້ນຮຸນແຮງ ເຖິງວ່າບາງພື້ນທີ່ຈະຜ່ອນຄາຍລົງ ເຊັ່ນທີ່ເມືອງມິດເດີນທາວ ປະຊາຊົນປະມານ 1,300 ຄົົນທີ່ອົບພະຍົບອອກນອກພື້ນທີ່ເມື່ອອາທິດທີ່ແລ້ວ ກຳລັງເດິນທາງກັບຄືນສູ່ຖິ່ນຖານ ຢ່າງໃດກໍຕາມ ໃນຫລາຍພື້ນທີ່ໄຟຍັງຮຸນແຮງນອກເໜືອການຄວບຄຸມ ຖະແຫລງການຂອງສຳນັກງານປ່າໄມ້ ແລະ ປ້ອງກັນໄຟນະຄອນຫລວງແຄລິຟໍເນຍ (ແຄໄຟລ໌) ເມື່ອວັນອາທິດ ລະບຸວ່າ ຫລ້າສຸດຍັງມີໄຟປ່າຮຸນແຮງຢ່າງນ້ອຍ 9 ຈຸດ ທີ່ຍັງໄໝ້ລາມ ແລະມີຜູ້ເສຍຊີວິດແລ້ວ 6 ລາຍ ທາງການລະດົມກຳລັງເຈົ້າຫນ້າທີ່ດັບເພີງເກືອບ 11,000 ຄົນ ຕໍ່ສູ້ກັບໄຟໃນພາກສະໜາມ ຈຸດທີ່ຮຸນແຮງທີ່ສຸດຄື “ໄຟປ່າວັນເລີຍ” ທາງຕອນເໜືອຂອງນາປາ ວັນເລີຍ ແຫລ່ງປູກອະງຸ່ນຜະລິດໄວນ໌ຊື່ດັງ ຊຶ່ງໄຟປ່າເຜົາຜານພື້ນທີ່ໄປແລ້ວ 186,250 ໄຮ່ ຫລືຫລາຍກວ່າ 2 ເທົ່າຂອງພື້ນທີ່ເມືອງໃຫຍ່ຊານຟຣານຊິດໂກ ມີຜູ້ເສຍຊີວິດ 3 ລາຍ ບ້ານເຮືອນຖືກໄຟເຜົາ 585 ຫລັງ ແຕ່ໄຟປ່າວັນເລີຍຖືກຄວບຄຸມໄດ້ເກືອບຄຶ່ງໜຶ່ງແລ້ວ ແລະ ອີກຈຸດຄື “ໄຟປ່າບັດ” ໄໝ້ລາມກິນເນື້ອທີ່ກວ່າ 181,750 ໄຮ່ ແຕ່ນັກດັບເພີງຄວບຄຸມໄຟໄດ້ແລ້ວປະມານຮ້ອຍລະ 70 ເຈົ້າຫນ້າທີ່ແຄໄຟລ໌ ເຜີຍອີກວ່າ ຕັ້ງແຕ່ວັນເສົາ ໄຟປ່າເຜົາໄໝ້ບ້ານເຮືອນປະຊາຊົນໃນເຂດນະຄອນຫລວງແຄລິຟໍເນຍ ຈົນເສຍຫາຍທັງໝົດຫລາຍກວ່າ 1,400 ຫລັງ ໄຟປ່າລຸກໃໝ່ “ທາດຊາຮາຣາ” ທີ່ເລີ່ມໄໝ້ລາມຕັ້ງແຕ່ຕອນສວຍຂອງມື້ວັນເສົາ ໃນມອນເທີເຣເຄົາຕີ ຕາມແນວຊາຍຝັ່ງມະຫາທະເລແປຊິຟິກ ທາງຕອນກາງຂອງນະຄອນຫລວງ ຫລ້າສຸດໄຟລາມກິນເນື້ອທີ່ 3,000 ໄຮ່ ແລະ ຫນ່ວຍດັບເພີງສາມາດຢຸດໄຟຈຸດນີ້ໄດ້ພຽງຮ້ອຍລະ 10 ໄຟປ່າສ້າງຄວາມເສຍຫາຍຕໍ່ນະຄອນຫລວງແຄລິຟໍເນຍ ຄິດເປັນມູນຄ່າຢ່າງນ້ອຍ 244 ລ້ານດອນ ນັບຕັ້ງແຕ່ວັນທີ່ 1 ກັນຍາ ເປັນຕົ້ນມາ ທຽບກັບ 434 ລ້ານດອນຂອງຕະຫລອດທັງປີ 2014 ແລະ 240 ລ້ານດອນຂອງປີ 2013 ໄຟປ່າເທື່ອຮ້າຍແຮງທີ່ສຸດໃນປະຫວັດສາດຂອງນະຄອນຫລວງແຄລິຟໍເນຍ ເກີດຂຶ້ນເມື່ອເດືອນ ຕຸລາ 1991 ຈາກ”ໄຟປ່າທັນເນນ” ມີຜູ້ເສຍຊີວິດ 25 ລາຍ ອາຄານບ້ານເຮືອນຖືກໄຟເຜົາ 2,900 ຫລັງ ແຕ່ໃນແງ່ຂອງຂະໜາດພື້ນທີ່ທີ່ຖືກໄຟປ່າເຜົາຜານ “ໄຟປ່າຊີອາລ໌” ໃນປີ 2003 ເຮັດສະຖິຕິໄໝ້ລາມພື້ນທີ່ກວ້າງເຖິງ 682,500 ໄຮ່. “
