ຖ້າ​ຫາກ Samsung  ມີ smart switch ທີ່​ເປັນ​ແອັບ​ພິ​ເຄ​ຊັ່ນ​ໃນ​ການ​ຖ່າຍ​ໂອນ​ຂໍ້​ມູນ​ຈາ​ກສະມາດ​ໂຟນ​ເຄື່ອງ​ໜຶ່ງ​ໄປ​ສູ່​ອີກ​ເຄື່ອງ​ໜຶ່ງ​ແລ້ວ ທາງ Apple  ກໍ​ມີ​ແອັບ​ພິ​ເຄ​ຊັ່ນ​ທີ່​ສາມາດ​ເຮັດ​ແບບ​ນັ້ນ​ໄດ້​ເຊັ່ນ​ກັນ!

ສຳລັບ​ໃຜ​ທີ່​ຮູ້ສຶກ​ວ່າ​ໃຊ້​ສະ​ມາດໂຟນ​ລະບົບ Android ແລ້ວ​ບໍ່​ຖືກໃຈ​ຢາກ​ຈະ​ປ່ຽນ​ທາງ​ມາ​ໃຊ້​ສະມາດໂຟນ​ໃນ​ລະບົບ iOS ນຳ ແຕ່​ຕິດ​ບັນຫາ​ໃນ​ເລື່ອງ​ການ​ຖ່າຍ​ໂອນ​ຂໍ້​ມູນ​ລະຫວ່າງ​ເຄື່ອງ​ທີ່​ມັນ​ຂ້ອນ​ຂ້າງ​ຈະ​ຫຍຸ້ງຍາກ ທາງ Apple ກໍ​ໄດ້​ມີ​ວິທີ​ແກ້​ບັນຫາ​ງ່າຍໆ​ດ້ວຍ​ການ​ເປີດ​ຕົວ​ແອັບ​ພິ​ເຄ​ຊັ່ນ Move to iOS ທີ່​ຈະ​ຊ່ວຍ​ຍ້າຍ​ຂໍ້​ມູນ​ທຸກ​ຢ່າງ​ບໍ່​ວ່າ​ຈະ​ເປັນ ຮູບ​ພາບ, ຂໍ້ຄວາມ, ລາຍ​ຊື່, ປະຕິ​ທິນ ແລະ​ ບັນ​ຊີ​ຕ່າງໆ​ທີ່​ມີ​ຢູ່ໃນ​ເຄື່ອງ Android ສາມາດ​ຖ່າຍ​ໂອນ​ໄປ​ສູ່​ເຄືອງ iOS ໄດ້​ຢ່າງ​ຄົບ​ຖ້ວນ​ ແລະ​ ປອດ​ໄພ

ນອກຈາກນີ້ສຳລັບ​ໃຜ​ທີ່​ຢາກ​ລອງ​ປ່ຽນ​ທາງ​ເປັນ​ສະ​ມາດ​ໂຟນ​ລະບົບ iOS ກໍ​ສາມາດ​ໂຫລດ​ແອັບ​ພິ​ເຄ​ຊັ່ນ Move to iOS ໄດ້​ທີ່ Google play ໂດຍ​ມັນ​ຈະ​ຮອງ​ຮັບ Android 4.0 ຂຶ້ນ​ໄປ​ເທົ່າ​ນັ້ນ