ເຫດ​ແຜ່ນດິນ​ໄຫວ​ແຮງ​ສັ່ນ 8.3 ໃນ​ຈິເລ (Chile) ຍອດ​ຄົນຕາຍ​ແລ້ວ 5 ລາຍ ປະເທດ​ເພື່ອນ​ບ້ານ​ເລີ່ມ​ເຕືອນ​ປະຊາຊົນ​ລະ​ວັງ​ຄື່ນ​ສຶ​ນາ​ມິ

ສຳ​ນັກ​ຂ່າວ​ຕ່າງ​ປະເທດ​ລາຍ​ງານ ຫລັງ​ເກີດ​ເກີດ​ເຫດ​ແຜ່ນດິນ​ໄຫວ​ຮຸນແຮງ ທາງ​ຊາຍ​ຝັ່ງຈິເລ (Chile) ທາງ​ການ​ສັ່ງ​ອົບພະ​ຍົບ​ປະຊາຊົນ​ໃນ​ພື້ນ​ທີ່​ແລ້ວ ໂດຍ​ເຫດ​ແຜ່ນດິນ​ໄຫວ​ດັ່ງ​ກ່າວ ແຮງ​ສັ່ນ​ສະ​ເທືອນ​ຢູ່​ທີ່ 8.3 ຕາມ​ການວັດ​ລິກ​ເຕີ ເກີດ​ຂຶ້ນ​ເມື່ອ​ວັນ​ພຸດ​ທີ່​ຜ່ານມາ​ຕາມ​ເວລາ​ທ້ອງ​ຖິ່ນ ອາ​ຄານ​ໃນ​ເມືອງ​ວານ​ຕິ​ອາ​ໂກ  ເມືອງ​ຫລວງ​ຂອງ​ປະເທດເສຍຫາຍ ຂະນະ​ທີ່​ມີ​ປະ​ກາດ​ເຕືອນ​ຄື້ນ​ຍັກ​ສຶ​ນາ​ມິ ທັງ​ໃນຈິເລ (Chile)ໄປ​ຈົນ​ເຖິງ​ເປ​ຣູ ປະ​ເທດ​ເພື່ອນ​ບ້ານ​ທີ່​ຢູ່​ໃກ້​ຄຽງ ຂະນະ​ດຽວ​ກັນ​ທາງ​ລັດຖະບານ​ມີ​ຄຳ​ສັ່ງ​ອົບພະ​ຍົບ​ປະຊາຊົນ ​ຕາມ​ແນວ​ຊາຍ​ຝັ່ງ​ປະ​ມານ​ລ້ານ​ຄົນ​ໂດຍ​ດ່ວນ.

ຫລ້າ​ສຸດ​ມີ​ລາຍ​ງານ​ຜູ້​ເສຍຊີວິດ​ແລ້ວ 5 ລາຍ ຢ່າງໃດ​ກໍ​ຕາມ ຂະນະ​ນີ້​ເປັນ​​ເວລາ​ກາງ​ເດິກ​ຂອງຈິເລ (Chile) ຈຶ່ງ​ຍາກ​ແກ່​ການ​ກວດ​ສອບ​ຈຳນວນ​ຜູ້​ບາດ​ເຈັບ​ແລະ​ເສຍຊີວິດ

ນອກ​ຈາກ​ນີ້ ໃນ​ປະເທດ​ເພື່ອນ​ບ້ານ​ຢ່າງ​ເປ​ຣູ ອາ​ເຈນ​ຕິ​ນ່າ ປະ​ກາດ​ເຕືອນ​ໄພ​ສຶ​ນາ​ມິ​ແລ້ວ​ເຊັ່ນ​ກັນ ລວມ​ໄປ​ເຖິງ​ນິວ​ຊີ​ແລນ ​ແລະ​ ໝູ່​ເກາະ​ຮາ​ວາຍ​ຂອງສະ​ຫະລັດ ທີ່​ມີ​ແນວ​ໂນ້ມ​ໄດ້ຮັບ​ຜົນ​ກະທົບ​ຈາກ​ເຫດ​ແຜ່ນດິນ​ໄຫວ​ຮຸນແຮງ​ນີ້​ດ້ວຍ.