spot_img
Homeຂ່າວການສຶກສາຜົນວິໄຈຄາດ ພົນລະເມືອງລາວຈະເພີ່ມຂຶ້ນເປັນ 10 ລ້ານຄົນໃນປີ 2050!

ຜົນວິໄຈຄາດ ພົນລະເມືອງລາວຈະເພີ່ມຂຶ້ນເປັນ 10 ລ້ານຄົນໃນປີ 2050!

Published on

164

ຂປລ. ປະຊາກອນ​ລາວ​ຄາດ​ວ່າ​ ຈະ​ເພີ່ມ​ຂຶ້ນ​ເປັນ 6,8 ລ້ານ​ຄົນ ​ໃນ​ປີ 2015 ​ແລະ 10 ລ້ານ​ຄົນ​ໃນ​ປີ 2050. ສ່ວນ​ຫລາຍ​ແມ່ນ​ ໃນ​​ໄລຍະ​ ອາຍຸ​ໄວ​ໜຸ່ມ ​ແລະ ອັດຕາ​ສ່ວນ ​ຂອງ​ໄວ​ອອກ​ແຮງ​ງານ​ ແມ່ນ​ຈະ​ສືບ​ຕໍ່​​ ເພີ່ມ​ຂຶ້ນ.

ໃນ ​ກອງ​ປະຊຸມ ​ເຜີຍ​ແຜ່ ຜົນຂອງ​ການ ​ວິ​ໄຈ ສະຖານະ​ພາບ​ ປະຊາກອນ​ ສປປ ລາວວັນ​ທີ 16 ກັນ ຍາ 2015 ນີ້ ທີ່ນະຄອນຫລວງ ​ວຽງ​ຈັນ ທ່ານ​ ດຣ. ຄໍາ​ລຽນ ພົນ​ເສນາ ລັດຖະມົນຕີ​ ວ່າການ​ກະຊວງ​ ແຜນການ ​ແລະ ການ​ລົງທຶນ​ ​ໃຫ້​ຮູ້ວ່າ: ​ໃນ​ບົດ​ສຶກສາ ​ຄົ້ນຄວ້າ ​ຜົນ​ຂອງ​ການ ​ວິ​ໄຈ​ສະຖານະ​ພາບ ​ປະຊາກອນ ​ແລະ ສຸຂະພາບ​ ຈະ​ເລີ​ນພັນ​ ຂ​ອງ ສປປ ລາວ ​ໄດ້​ຊີ້​ໃຫ້​ເຫັນ​ວ່າ ອັດຕາ​ສ່ວນ ​ຂອງ​ໄວ​ອອກ​ແຮງ​ງານ ​ແມ່ນ​ຈະ​ສືບ​ຕໍ່ ​ເພີ່ມ​ຂຶ້ນ​ ຄຽງ​ຄູ່ກັບ ​ການ​ຂະຫຍາຍຕົວ ​ທາງ​ດ້ານ​ຈໍານວນ​ ປະຊາກອນ ເພີ່ມ​ຂຶ້ນ ​​ແລະ ອັດຕາການ​ຕາຍ ​ໄດ້​ມີ​ການ ​ຫລຸດ​ລົງ​ ບໍ່​ວ່າ​ຈະ​ເປັນ​ ການ​ຕາຍ​ຂອງ​ແມ່ ​ແລະ ການ​ຕາຍ ​ຂອງ​ເດັກນ້ອຍ​ ທີ່​ມີ​ອາຍຸ​ ລຸ່ມ​ໜຶ່ງ​ປີ ​ໄດ້​ລຸດລົງ​ຈາກ 70 ຄົນ​ຕໍ່​ ການ​ເກີດ​ມີ​ຊີວິດ 1.000 ຄົນ​ໃນປີ 2005 ມາ​ເປັນ 68 ຄົນຕໍ່​ ການ​ເກີດ​ມີ​ຊີວິດ 1.000 ຄົນ​ໃນ​ປີ 2011 ​ແລະ ການ​ຕາຍ ​ຂອງ​ເດັກ​ ລຸ່ມ​ຫ້າ​ປີ​ ໄດ້​ຫລຸດ​ລົງ ​ຈາກ 98 ຄົນຕໍ່​ ການ​ເກີດ​ ມີ​ຊີວິດ 1.000 ຄົນ​ໃນ​ປີ 2005 ມາ​ເປັນ 79 ຄົນຕໍ່​ ການ​ເກີດ​ ມີ​ຊີວິດ 1.000 ຄົນ​ໃນ​ປີ 2011.

ທ່ານ ​ ກ່າວ​ຕື່ມ​ວ່າ: ຕາມ​ສະຖິຕິ​ ຂໍ້ມູນ​ ໂດຍ​ສະ​ເພາະ ​ແມ່ນ​ຂໍ້​ມູນ​ ທາງ​ດ້ານ ​ພົນລະ​ເມືອງ​ ໃນ​ການວາງ​ແຜນ ​ໃຫ້​ສອດຄ່ອງ​ກັບ​ ແຕ່ລະ​ໄລຍະ​ ປັດຈຸບັນ ​ເຂົ້າ​ໃນ​ການ ວາງ​ນະ​ໂຍບາຍ ​ແລະ ຍຸດ​ທະ​ສາດ ​ການ​ພັດທະນາ​ ເສດຖະກິດ-ສັງຄົມ​ ແຫ່ງ​ຊາດ, ​ແຜນ​ພັດທະນາ ​ຂອງ​ຂະ​ແໜງ​ການ, ທ້ອງ​ຖິ່ນ ​ແລະ ​ຂໍ້​ມູນ​ໃຫ້​ແກ່​ ອົງການ ​ສະຫະ​ປະຊາ​ຊາດ ​ກອງ​ທຶນ ​ສໍາລັບ​ປະຊາກອນ​ ໃນ​ການ​ກໍານົດ ​ແຜນ​ງານ​ ການ​ຊ່ວຍ​ເຫລືອ ສປປ ລາວ ໃນ​ອະນາ​ຄົດ. ​ໃນ​ໄລຍະ ​ຜ່ານ​ມາ ສປປ ລາວ​ ກໍ​ໄດ້ມີ​ການ ​ສໍາ​ຫລວດ ​ພົນລະ​ເມືອງ​ ເຖິງ 4 ຄັ້ງຄື ຄັ້ງ​ທີ່ໜຶ່ງ​ ໃນ​ປີ 1985 ມີ​ພົນ​ລະ​ເມືອງ ປະມານ 3,5 ລ້ານ​ຄົນ, ຄັ້ງ​ທີ​ສອງ​​ໃນປີ 1995 ມີ​ປະມານ 4,5 ລ້ານ​ຄົນ, ຄັ້ງ​ທີ່​ສາມ​​ໃນປີ 2005 ມີປະມານ 5,6 ລ້ານ​ຄົນ ​ແລະ ຄັ້ງທີ່​ສີ່​ ປີ 2015 ຄາດ​ວ່າ ​ມີ​ພົນລະ​ເມືອງ ປະມານ 6,8 ລ້ານ​ຄົນ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...

ຮັບຮອງເປັນມໍຣະດົກແຫ່ງຊາດ ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ ມີຄວາມສຳຄັນໃນລະດັບພູມິພາກອາຊີຕາເວັນອອກສ່ຽງໃຕ້

ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ, ຖືກຮັບຮອງເປັນມໍຣະດົກແຫ່ງຊາດ ຕາມຂໍ້ຕົກລົງຂອງທ່ານລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ. ເມື່ອວັນທີ 11 ສິງຫາ 2025 ທີ່ຜ່ານມາ, ວ່າດ້ວຍການຮັບຮອງເອົາມໍຣະດົກແຫ່ງຊາດລະດັບຊາດ ດ້ານວັດທະນະທຳ, ປະຫວັດສາດ...

ລາວເປັນປະເທດທີ່ມີຄວາມສະຫງົບ ໂດຍຖືກຈັດຢູ່ອັນດັບທີ 10 ປະເທດທີ່ສະຫງົບສຸກ ແລະ ສັນຕິພາບທີ່ສຸດໃນອາຊີ ປະຈຳປີ 2025

ລາວຖືກຈັດຢູ່ ອັນດັບທີ່ 10 ປະເທດທີ່ສັນຕິພາບທີ່ສຸດໃນອາຊີ ຕາມລາຍງານ ດັດຊະນີສັນຕິພາບໂລກ (GPI) 2025 ສະບັບລ້າສຸດ ທີ່ອອກໂດຍ ສະຖາບັນເສດຖະກິດແລະສັນຕິພາບ (IEP). (GPI) 2025 ສະບັບລ້າສຸດ...

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...